December 31, 2008

Out with the old...

Не памтам кога последен пат волку бргу ми поминувало времето. А, сепак, кога ќе погледнам назад низ изминатава година, ми се случија толку многу работи, шо не би можел да ги сумирам во еден пост.

Големи промени на личен план. Сменив факултет и конечно ми се осветли академскиот статус, а и успешно се борам со прокрастинацијата што ме успоруваше толку време. Дури и на музичко поле позитивни ствари. Албум со Nanohex, неколку изданија Machinesaw (плус настап на Constructor Fest) и Hibakusha Records, за што допрва доаѓа денот.

Колку филмови излегоа годинава, а? И тоа добри филмови, некои уште од лани ги чекав. Indiana Jones and the Kingdom of the Crystal Skull, The Dark Knight, Iron Man, WALL-E, Forgetting Sarah Marshall… Успеав да најдам време да изгледам (скоро се) Stargate, 24, Terminator: The Sarah Connor Chronicles, The Office (каква серија!) и нормално The Big Bang Theory. Дури и МакТрек повторно е активен и го ажурирам колку што можам почесто и колку што ми дозволува слободното време.

Пак сум заразен со Magic: The Gathering, скоро година откако почнав да сум поредовен на турнири и ми е поинтересно од било кога. Вчера во “Гоблин” пред-новогодишен Unhinged драфт, се собравме голема багра, кој беше, знае колку добро си пројдовме. Во февруари нова едиција, втората од Shards of Alara блокот, едвај чекам.

За роденден си ја поклонив Lord of the Rings трилогијата (на хартија ја немав), и почнувам со читање за две недели, да ми завршат последниве колоквиуми и да си седнам на раат. Почнав да играм и Baldur’s Gate: Dark Alliance 2, а треба уште неколку игри да довршам. Добра е, слична со првата за PC што беше. Денес симнувам и Battle For Middle Earth.
Што друго? Ах, да. Препорачувам празничен маратон со Bad Santa, Mickey’s Christmas Carol (и другите), Home Alone, How The Grinch Stole Christmas

Тука некаде ќе скратам, доволно беше за годинава. Не направив празничен дизајн на Crapwerk, ме мрзеше, иако имав нешто у план. Здравје, догодина. Тоа е тоа, среќни празници на сите и убав помин вечер.

П.С. Transformers: Revenge of the Fallen слики. Јеее...

December 19, 2008

Crapwerk Sci-Fi Special #2

Деновиве значително ми се редуцирани обврските што ме спречуваа да седнам и да искуцам асален пост на Crapwerk, па решив конечно да го продолжам Crapwerk Sci-Fi Special-от, односно рецензиите на култни СФ филмови од Б-продукција снимени во осумдесетите и девеесетите, златната ера на ваквите филмови.

Долго размислував кои филмови да се содржат тројката која следи подолу и решив да се одлучам за филм кој е еден од најпознатите претставници на овој жанр и два други кои воопшто ги немав гледано до пред некое време. Да почнеме...

Class of 1999 (1990) Приказната иако е уникатна, голем дел на елементите во филмов се позајмени од The Terminator и Mad Max 2: The Road Warrior. Од 1992 година, низ средините училишта во САД, почнува да владее општ хаос, предизвикан од опасни криминални банди составени од ученици кои се во постојани вооружени пресметки. Во 1999, бордот за заштита во образованието со помош на компанија за производство на киборзи, вметнува тројца професори (киборзи, да) кои имаат за цел да ги превоспитаат непослушните средношколци кои се пукаат наоколу облечени во кожи и возат автомобили како во The Road Warrior. Професорите-киборзи работата си ја "сфаќаат" многу посеризно, па завојуваните банди ќе мора да се здружат за да преживеат. Супер е филмот, има доволно акција, глумата не е толку очајна и е лесен за гледање. Го препорачувам на сите СФ фанови. Дефинитивно најдобриот филм од оваа тројка на рецензии.

Cyborg (1989) Некаде во периодот околу овој филм, започна ерата на доминација на Жан Клод Ван Дам. Типот буквално владееше со светот, сними купче добри филмови и потоа кариерата почна да му оди во надолна линија, за денес воопшто да не постои на сцената. Во пост-апокалиптична иднина (а каде на друго место?), владее чума која прети да ги уништи и оние малкумина кои некако успеале да преживеат. Научниците се блиску до откривање на лекот кој е единствен спас за човештвото и решаваат да искористат жена-киборг која треба да пренесе битна информација за тој лек до главното седиште на групата која се бори за опстанокот на луѓето. Ван Дам е на мисија да го заштити киборгот од банда која сака да го искористи лекот за сопствени цели. Филмот е одличен, но мене Universal Soldier (следува рецензија во следниот Crapwerk Sci-Fi Special) е далеку подобар. Cyborg има уште неколку делови за кои ќе пишувам во иднина.

Eliminators (1986) Од постерот и името, очекував филм каде што банда од "елиминатори" прави пуздер во пост-апокалиптична иднина. Едвај го најдов на солидна VHS снимка и навистина очекував добар филм. Наместо тоа, добив хаотична приказна која претпоставувам ја смислувале додека го работеле филмот, куп неповрзани ствари и 40 минутна сцена каде што главниот протагонист (пилот кој по авионската несреќа, го прават киборг) бега од пијана група на реднеци која го брка со чамец по вода. Тука некаде прекинав да го гледам, зошто нема никакви "елиминатори", уште помалку некаква поента, а елементот за забава комплетно отсуствува. А, пред да го гледам, зборев колку ќе биде ирелевантен рејтингот што го има на IMDB... За малку ќе заборавев, Денис Корзби (Таша Јар за Star Trek фановите) е во главна улога тука.

December 17, 2008

Magic: The Gathering на Саем

На Новогодишниот панаѓур ќе има Magic: The Gathering дешавки, почнува овој петок и ќе трае до 29-ти декември. Веројатно најголемиот настан ќе биде квалификацискиот турнир за Grand Prix-от што ќе се одржи во Ротердам на почетокот на 2009. Подолу е мејлот што денес го добив од ГОБЛИН.

Почитувани,

Доста беше работа и учење! Време е да се опуштиме за новогодишните празници! А како подобро отколку со играње Magic!?
Затоа Ве покануваме од петок (19.12.) па се до понеделник (29.12.) на Новогодишниот панаѓур, каде Гоблин ќе има свој простор, во Халата 4 на Скопското сајмиште. (во прилог ви го праќаме целосниот распоред на турнирите на Саем)

Magic забавата почнува во недела, со првиот од низата Grand Prix Trial турнири од новата сезона.
Со победата на Финецот Анти Малин на Светското првенство во Мемфис беше спуштена завесата на сезоната 2008, а новата 2009 кај нас почнува со квалификациите за Grand Prix Rotterdam. Првиот Grand Prix турнир од 2009 ќе се игра со sealed deck, што значи дека и GP Trial-от во недела ќе биде со истиот формат.
Веќе е најавено учество на неколку играчи од Грција, па засукајте ги ракавите и да покажеме колку знаеме!

Журката продолжува во текот на целата предновогодишна недела. Најразлични друштвени и стратегиски игри ќе бидат отворени за ваша забава.
Не само што во секое време ќе можете да дојдете и бесплатно да ги играте сите игри и бесплатно да учествувате на Friday Night Magic турнирот, туку вашето присуство ќе биде и наградено! По еден бустер ќе добие секој што ќе дојде на Скопското сајмиште пет пати.

Повелете, ве очекуваме!

Големото финале на предновогодишната прослава ќе се случи во сабота (27.12) со неверојатен Giveaway турнир, на кој првопласираниот играч ќе добие два бустери + Eventide маица + Dual Deck holder + Ajani Vengeant promo + Demigod of Revenge promo!!! За сите останати има голем број награди (во attachment), а секој учесник ќе ја прослави Новата година баерм со по 2 бустери и Foil promo prerelease карта!


Среќна Нова
и првиот бустер во 2009 нека ви биде Mythic Rare,

Поздрав од Гоблин екипа

December 12, 2008

NBA Live 09: Where bullshit happens

Деновиве играм NBA Live 09 на PS2. Океј е тоа што решија да ја извадат и за конзола што наскоро ќе биде прегазена од новата генерација играчки конзоли, но за жал, воопшто не успеа да пројде кај мене. Пред се, затоа што е 95% NBA Live 08 завиткана во друга опаковка, со сменета позадина на менијата и ситни измени на составот на тимовите. Воопшто не се потрудиле да понудат нешто ново, освен неколку невпечатливи ситници кои не верувам дека му значат на некого.

Разбирам колку е снагата на PS2 и дека неможе подобра графика од таа што е, тоа воопшто не ми пречи. Ми пречи тоа што неможеле да почекаат за името и дресовите на Oklahoma City Thunder (за неупатените, новиот НБА тим), тимот во играва ниту име има, ни лого, ништо. Црни дресови со бели букви и бројки. Знам се што направиле е ситни измени на NBA Live 08, ама имаа цело лето за да поправање на вакви грешки. Кој дозволил вакво нешто да биде пуштено во продажба? EA Games ги сметав за посериозна компанија. Не се само Thunder, Пет Рајли е тренер на Мајами (си замина уште во април годинава), Ајверсон не е во Детроит, итн...

На NBA Live 08 не успеав да ја изиграм цела сезона. Прво ја играв на PC и тоа лошо кракнатата верзија (првата што излезе) кај што не работеше save-от, а на PS2 играв други игри. Сега почнав пак и дефинитивно ги носам Heat во плеј-оф. Веројатно ќе си го вратам и дебелиот Шек, некако ми фали. А, кога сум веќе кај Heat (вистинските, не во играта), да ги пофалам дека се подобри од претходната сезона и почнаа да ме убедуваат дека цврсто ќе шибаат кон плеј-оф. Зошто навистина сакам да окапувам со чипс и Пепси до сабајле во Вејд дресот. :)

За NBA Live 09, толку. Среќа што е без пари, да платев, никогаш немаше да ги прежалам парите. За XBOX и PS3 гледам има некои patch-ови, да си симнеш дресови и сл, ама требало на време да мислат за тоа. И онака плескам NBA на PS2, па ќе ми биде исто дали е 08 или 09.

December 6, 2008

Затворени приватните World of Warcraft сервери

Од пред два дена, почна затварањето на поголемите приватни (читај: пиратски) World of Warcraft сервери, кои им овозможуваа на илјадници играчи да уживаат во играта бесплатно. Причината е очигледна. Јас со играње прекинав уште летоска, и планирав да почнам пак кога приватниве сервери ќе ја кракнеа и новата експанзија Wrath of the Lich King.

Огромен број на играчи од приватните сервери се префрлуваа на официјалните, така што после ова верувам дека ќе има многумина кои ќе почнат да ги полнат џебовите на Blizzard. Не се жалам, среќен што можев да играм без пари, но немам намера да почнам да плаќам. Сè уште се наоѓа по некој помал сервер, но верувам дека и тие ќе бидат искоренети за многу краток период.

Повеќето се комплетно исклучени, на BurningWoW сè уште стои сајтот со образложение за затварањето:

"We are sad to inform all the community here that we have been served with a DMCA notice and will be ceasing operation of the servers effective immediately.

As some of you may of noticed, a handful of other private servers have also been hit with this notice, so it is not just us and it is widespread. So far it seems isolated to the hosting provider being used by us and those other servers, but other servers may end up receiving the same notice as well.

We are not taking any chances and are going to be cooperative in this time, and will proceed with taking down all our WoW gaming realms. At this stage we have no intention of reviving the servers, as that would be potentially violating the conditions of the DMCA."

December 4, 2008

OGame бета тестирање

OGame неодамна го најави и обновувањето на дизајнот кој беше речиси ист од самиот почеток на играта, некаде во 2002 година. Новиот дизајн заедно со серверот (uni42) за бета тестирање беше пуштен пред малку и веќе се пополни квотата од 5000 играчи кои ќе тестираат. Од попладево следам што се случува на форумот, и после неколку неочекувани проблеми екипата од GameForge успеа да го крене серверот кој моментално работи беспрекорно. Има ситни багови, но за тоа е и бета верзијата, нели? Техничкиот дел е подинамичен, дури има и Flash.

Пред некој ден на Crapwerk ги објавив и скришотовите и трејлерот со кои го најавуваа освежувањето на OGame и мора да кажам дека во "живо" играта изгледа навистина добро и е прилагодена на Web 2.0 трендот. Сепак, мислењата на играчите се поделени, но со тек на време сигурен сум дека повеќето ќе се навикнат.

Ми се допаѓа тоа што секој дел од играта е детално разработен, па на пример, делот од планетата кај што се рудниците, се обновува со секоја нова градба. Тоа што е долу на скришотот, пред да изградам рудници, беше само празна трева и планини. Нешто слично како во Civilization II. Незнам битките какви се, се надевам дека ќе дознаам за неколку денови.

Би било добро и да вметнат нешто сосема ново, како што беше можноста за експедиција. Или барем да додадат и нешто ново, зошто сите исходи од експедицијата веќе на памет ги знам.

Претпоставувам дека тестирањево ќе трае најмалку една недела пред да го вметнат дизајнов и на другите сервери. Вчера беше отворен и uni41 кој си работи нормално, со стариот дизајн, па се регистрирав и таму. Twilight Armada алијансата е формирана и на uni41, се собравме десетина луѓе, па ако некој е заинтересиран може да аплицира за членство. Останувам да играм и на uni39. Ќе бидам и на uni42 додека трае тестирањево, немам намера да играм на три сервери, не сум до толку без живот.

December 2, 2008

Saw V (2008)

Океј, само чекав кога комплетно ќе се сјебе франшизава (ќе има уште два дела) и еве, со петтово продолжение успеаа да стигнат до работ. Saw IV и не беше толку лош, имаше атмосфера, имаше некаква поента, дури и стапиците беа интересни. Ова што пред малку го изгледав повеќе ми личи како да излегло директно од дебелото црево на Hallmark продукција.

Не е тешко да се претпостави како се одвивал муабетот меѓу сценаристите, ден пред крајниот рок за предавањето на сценариото од шеесетина страници:

"Еј, пиша нешо бе? Утре треба да го даеме."
"Ц... Не знам, еве ќе ги мотнам претходниве два-три, ќе видам шо како. Ќе му се јавам и на Captain Obvious."

Катастрофа. Знам дека им се брзало, ама барем малку труд да вложеле. Немало толку потреба секоја ситуација и можен исход од истата толку да се објаснува. Не сме слепи, а ни глупи за да сфатиме некои очигледни работи. Веројатно недостатокот на интелегентно смислени стапици се обиделе да го пополнат на ваков начин. Да, ни јас не верував дека ќе останат без идеи. Веќе досадно е, по иста шема се прави, само што е многу полошо од тоа што бев претходно навикнат да го гледам.

Продолжение на Saw се сигурни пари, па дури и кога се работи за очајно и плитко остварување како Saw V. Не знам што ќе смислат за (по)следните два, но сега веќе немам апсолутно никакви очекувања. Веќе нема кај да одат, а репетитивноста доволно се осети тука. Дури ни постерот не е кул...

Saw VI излегува во октомври следната година.

November 24, 2008

Две години Crapwerk

Искрено, се мислев за емотивен текст кој ќе пренесе колку Crapwerk ми значи и каква улога игра во моето секојдневие, но наместо тоа, се решив за листа на текстови напишани во изминатава година кои лично, многу ми значат. Се потрудив од секој месец да извадам по некој пост. Листата следи подолу:


Ноември 2007

Desu Noto [Death Note]
Kôkaku kidôtai [Ghost In The Shell]
Holy retarded trap, Batman!


Декември 2007

The Dark Knight: Ќе биде ли добар новиот Бетмен?
Првото искуство со Wine на Ubuntu

Јануари 2008

Хит Леџер (1979 - 2008)

Објавена (интернет) војна на Скиентологијата
Morningtide Prelease

Февруари 2008

Cloverfield низ десет точки
Промените доаѓаат...

Maрт 2008

Артур Кларк (1917 - 2008)
Marvel: Civil War
Ду Нат Лет Ит Сноу

Април 2008

South Park и зависноста од Интернет
Spawn
The Punisher (1989) VS The Punisher (2004)

Мај 2008

Ekusu Makina [Appleseed Ex Machina]

Искуството наречено Indiana Jones 4
Resident Evil 4

Јуни 2008

Џорџ Карлин (1940 - 2008)
Бостон Селтикс - НБА шампиони за 2008
Family Guy Does Star Wars

Јули 2008

Stargate SG-1 импресии
The Dark Knight
Аркадни игри - жар на едно безгрижно детство

Август 2008

Хорс Бол
Hallowed Are The Ori

Септември 2008

Дон ЛаФонтејн (1940 - 2008)
Осврт на Star Wars: The Force Unleashed
Sen to Chihiro no kamikakushi [Spirited Away]

Октомври 2008

Crapwerk sci-fi special

Hagane no Renkinjutsushi [Fullmetal Alchemist]
Terminator: Degradation?

November 20, 2008

OGame со нов дизајн

OGame конечно ќе добие нов дизајн. Мислам дека редно беше, бидејќи играта е речиси иста со години. Новиот дизајн ќе биде пуштен наскоро, се надевам со отварањето на uni41. На овој линк има и трејлер. Подолу следат неколку скриншоти од новиот OGame.

Инаку, јас уште играм на uni39, моментално сум 375 место (од 5300) со 77.225 поени.


За повеќе, клик тука.

November 19, 2008

Robot Chicken Star Wars: Episode II

Викендов излезе вториот Star Wars Special на Robot Chicken. Првиот беше генијален. Заедно со Family Guy: Blue Harvest најдобрата пародија на Star Wars што сум ја гледал. Реално, колку и да го сакаме Spaceballs (да, закон е), факт е дека овие го надминаа.

Новово Robot Chicken Star Wars е тапа. Се гледа дека со сила е правено (врз успехот на првиот) и е тука колку да го има. Без врска сцени, очајно сценарио, досадно и неинвентивно. За тие дваесетина минути, дали два пати се насмеав. Зар ги истрошија сите финти? Сигурен сум дека можеле и подобро.

November 16, 2008

The Transformers: Infiltration

Деновиве по втор пат ја изгледав првата сезона на The Transformers G1 и моментално ја гледам втората. Серијава денес веројатно ми е поднослива само поради тоа што ја обожавав како дете и ме врзуваат убави спомени. Колку и да е реклама за играчки со оскудно сценарио и ефтина анимација - владее. Пробав да гледам нешто од поновиве серијали и воопшто не ми се допаѓаат.

Некое време се токмам да седнам и да прочитам некој Трансформерс стрип. Ги има доволно, изборот е голем, па решив да почнам со Infiltration. Мини-серијал на IDW Publishing, прв од неколкуте кои се сместени во reboot-ираниот G1 универзум. На пример, тука Автоботите користат холограмски возачи за да се прикријат во сообраќајот, додека нивните вистински форми и нивното присуство на Земјата се дел од теории на заговор.

Се води војна помеѓу Десептиконите и Автоботите во која ќе бидат инволвирани тројца луѓе кои покрај Трансформерите се главните ликови во Infiltration. Има само шест броја, кои служат како основа за следните мини-серијали низ кои се продолжува приказната. Ова доволно ме навлече, па веќе набавив дел од нив, па почнувам да ги читам. Infiltration го ставив во РепидШер фолдер за даунлоуд, па можете да си го симнете од тука.

Цртањето е одлично, знаеме како изгледаат денешните стрипови. Дизајнот на Трансформерите е тој од G1, со ситни измени кои воопшто не пречат.

November 12, 2008

Чек од Google AdSense

Само што го добив чекот од Google со парите што успеав да ги заработам преку Google AdSense. По повеќе од една година, стигнаа 107 $ на моја сметка. Уште пред неколку месеци, скоро и да го баталив ова, но еве ми сега причина да продолжам. Можеби да бев малку поангажиран ќе заработев многу повеќе. Овие се од два-три блога специјално наменети за AdSense кои ретко ги обновував.

Значи, како што бев сигурен - Google AdSense функционира. Чекот е доволен доказ за тоа. Само да видам која банка зема најмалку провизија и да си го претворам во пари. Ете слика горе како изгледа.

Google AdSense овозможува неколку начини на исплата, но овој е единствениот што функционира кај нас.

November 8, 2008

Quantum of Solace (2008)

Го гледав синоќа во кино во Рамстор. Не очекував којзнае колку, но во никој случај не очекував да биде колосално промашување. Quantum of Solace е празен, стерилен, плиток и далеку од Бонд филм. Casino Royle некако го проголтав, зошто знаев дека тоа и им беше поентата, да направат филм за мисија на Бонд, пред да ја добие дозволата за убивања. И покрај тоа, беше според книга на Јан Флеминг. Иако немаше Кју, гаџети, хенчмени и куп работи што се стандарни во Бонд филмовите, некако успеа да ме забавува, но без да го споредувам со претходните.

За Quantum of Solace не знаев ништо. Ни што е приказната, ни кој е негативецот... ништо. Дека го нема и Кју, дознав пред некој ден. Како да го објаснам филмот во кратки црти? Трае два саата, 90 минути има акциони сцени и 15 минути изговор за приказна, колку да има нешто што ќе ги одвои брканиците и пукањето. Сериозно, не успеав да фатам ништо од приказната. Никогаш не сум видел по неразработена приказна во Бонд филм. Исто како да ја немаше. Негативец кој во ниеден момент не ме убеди дека е достоен за да оди против било кого, а најмалку против Бонд.

Зошто комплетно е сменет карактерот на Бонд? Можеби филмот требаше да се вика Одмаздата на Бонд. Од гаџетите, исто ништо. Апсолутно ништо. Незнам со која цел е ова, дали да го направат филмот пореален, но е ужасно лоша идеја. И што е уште полошо, гледам дека филмов оствари солиден (финансиски) успех овие два-три дена, па очекувам и следниот да го тераат во овој правец.

Даниел Крег таман ме убеди дека е Бонд во Casino Royale, тука комплетно ме разочара. Не покажа ниту една карактеристика својствена за агентот. M e океј, ја обожавам Џуди Денч.

Значи, после Die Another Day, го имаме новото катастрофално остварување, со таа разлика што барем во Die Another Day го имаше Џејмс Бонд и знаевме дека се работи за Бонд филм, додека Quantum of Solace изгледа како просечна акција. Се радувам само што брзо ќе го заборавам.

November 1, 2008

Star Wars: The Clone Wars (или Како да го допреш дното?)

Мислев дека неможат полошо од Attack of the Clones. Мислев дека ќе послужи како пример за лош Star Wars производ и ќе научат од грешката. И, тогаш се појави Star Wars: The Clone Wars...

Веројатно критиките немаше да бидат толку остри и очекувањата толку големи, доколку филмов беше исфрлен во формат кој што повеќе му лежи и е наменет за тоа. Пилот на телевизиска серија. Телевизиска. На телевизија. Не во кино, на телевизија. Неможеш ти пилот кој ги има сите карактеристики на телевизиска епизода, да го продаваш како филм во кино сали. Мислам дека многу подобро ќе поминеше долку директно си почнеше на телевизија.

Сега, откако расчистивме со ова погоре, да прејдеме на The Clone Wars. Покрај тоа што е наменет за телевизија, наменет е и за многу помлада публика. Воопшто не се потрудиле да го продадат сценариото и на повозрасните фанови. Очајни дијалози и реплики, што никако не палат кај мене. Уште па на тоа кога ќе додадеш ефтин хумор (се лупа у ѕид, децата ќе си се насмеат - топ, нели?) и лош voice acting, резултатот горчи уште повеќе. Секоја чест на исклучоци како Семјуел Џексон или Кристофер Ли и типон што го глуми Оби-Ван (не е Иан МекГрегор). А, мора да признаам дека анимираниот Хајден Кристенсен "глуми" далеку подобро од вистинскиот. Аникин е океј тука.

Приказната е празна и недоработена. Сфаќам дека е почеток на серија, ама ако сакале да пројде како филм што ќе стои независно, можеле многу подобро. Не се случува ништо значајно и повеќе се базира на акција (тука добива поени) и синот на Џаба Д Хат. Сериозно, кого го здоболе за синот на Џаба? Мене не. Во првиот пола саат дури бев дури и позитивно изненаден и чекав да почне нешто да се случува. Последниот пола саат едвај го издржав. Кај е Палпатин? Јода? Амидала? R2-D2 и C-3P0? Ги примети некој? Наместо нив, има нов лик, Асока, ученик на Аникин што ме курчи нешто помалку од Jar Jar, а повеќе од Весли Крашер. И, што е со надимаците? Снипс? Скајгај? Кој го одобрил ова? Лукас? Кој? Аман.

Анимацијата е океј, малку луѓето се коцкасти, ама ќе пројде. Музиката што ја знаеме од претходните Star Wars остварувања, скоро и да ја нема.

Пак ќе кажам, како пилот на серијата, може да пројде. Како филм никако. Но, се додека има фанови што би купиле и ДВД со два саата видео од Џорџ Лукас како си игра со Star Wars играчки, ќе го имаме ова. Серијата ќе почнам да ја гледам кога ќе имам време.

October 29, 2008

Ден на игри во "Култура"

На 02.11 во "Култура" на плоштад, ќе се одржи Ден на Игри. Екипава од "Гоблин" организира.

Битно, ќе има промоција на друштвени игри, ќе има промоција на Magic: The Gathering, плус турнир во 14:00, со интересни награди, читам еве на форумот на sezaigri.com. Ќе има и World of Warcraft турнир (картите) од 17:00. Таман завршувам со полагање петоков, идам обавезно на ова, башка не сум играл Меџик месец дена.

Почнува порано изгледа, зошто има турнир Yu-Gi-Oh! од 11:00. Како и да е, ќе трае цел ден, така да се гледаме таму.

October 28, 2008

The Incredible Hulk (2008)

Конечно дојде The Incredible Hulk на ред за гледање. Еден од добрите филмови годинава што решив да си ги почекам на ДВД со добра снимка. Да кажам уште на почеток - филмов е океј, не е воопшто лош. Немав некои очекувања, можеби и затоа позитивно ме изненади.

Ако треба да го споредам со оној од 2003, да, новиов е подобар. Зошто? Трае кратко, има јасна приказна, доволно акција, фино одбран кастинг и неверојатно добра режија и музика. Успеа да го надмине во секој поглед. Едвард Нортон е одличен како Брус Банер, дефинитвно најголемото изненадување во филмов. За него бев малку скептичен, а баш одлично се вклопи во улогата и ме убеди дека е Брус Банер. Совршена комбинација со прекрасната Лив Тајлер.

Hulk од 2003 патеше од асален негативец, додека тука го имаме Abomination. Некако премалку видовме, иако и тоа беше доволно. Како што претпоставував, GCI борбата на крај е курчење со ефектите, веќе сме виделе во Transformers, Spiderman 3 и што и да беше друго. Сфаќам дека е финта да се направи, ама дајте нешто поинтересно. За анимацијата на Хулк немам замерки, совршена е.

Ми се допадна тоа што немаше беспотребни забегувања со приказната како во претходниот. Тука има стриповска приказна, едноставна и концизна, филмот си тече по една линија и тоа е тоа. Ах, да. Се појавува и Тони Старк. Иако повеќе би сакал да видам два дела Iron Man, отколку втор дел на ова, мислам дека со добра приказна би можело да се склопи солидно продолжение.

October 26, 2008

Terminator Degradation?

Ако нешто требаше да остане недопрено, тоа е Терминатор сагата. Но, знаеме како функционираат нештата во Холивуд, па затоа имаме трет дел, серија и четврт дел кој се очекува следната година.

За Terminator 2: Judgment Day го мислам истото она што и за Indiana Jones серијалот, така да нема да објаснувам како и зошто би се нашол на врвот на листата на моите омилени филмови. Совршен во секоја смисла.

Што се случи потоа? Terminator 3: Rise of the Machines. Сериозно, зошто некој би сакал да види што се случува со Џон Конор пред Судниот Ден, наместо потоа? Ако веќе мораше да видам нов дел, ќе го изберев ова. Кога таа приказна ќе се базира на шаблон позајмен од T2, со згодна Терминаторка за кревање рејтинг, дупло повеќе (веќе видени) ефекти и лош хумор резултира со сквернавење на еден од најдобрите филмови некогаш снимени. Излезе, да не речам предоцна, собра поделени мислења и критики, направи веројатно доволно пари и толку. Скоро никој и да не се сеќава на филмов денес.

Пред неколку години, друга компанија ги превзема правата за нови продолженија и беше најавена нова трилогија, и искрено, не верував дека навистина ќе се случи. И така, дојдовме до Terminator Salvation: The Future Begins. Ова е требаше да биде третиот не-толку-срање дел. Ем ќе видевме асална приказна, ем Шварценегер ќе можеше да се врати во улогата. Значи, конечно филм во кој се прикажани настаните по Судниот Ден, кога луѓето се борат против машините за опстанок во иднина каде што Џон Конор е гадниот мајкоебач и во минатото испраќа луѓе за да го зачнат и Терминатори за го заштитат. И овој пат, Џон Конор е факинг Кристијан Бејл! Кога беше потврдено дека ќе биде дел од филмов, ја примив вестта со мала доза на скептицизам, можеби зошто се навикнав да го гледам како Брус Вејн, но сега сум сигурен дека е погоден за улогата. Само што ми е по логично Конор што го претстави Ед Фарлонг да порасне во Ник Стал него во Бејл, ама ај... :)

Чудно ми е што имам некава верба во филмов. Мислам дека ќе успее да го најде патот до фановите, дури и без Шварценегер кој би сакал да го видам бар во мало камео. Стар е, но од кога тоа е проблем за шминката во Холивуд? Тизер трејлер за филмов, тука.

October 20, 2008

What's up, Doc?

Каков е блогов, како Хан Соло во карбонит... Некако ми се намали слободното време, сезона е на обврски и учење, а и инспирацијата ми е спласната изминатиов период.

Што има старо-ново? Сликите од новиот Star Trek, полни со ерес и актери со сомнителна сексуална ориентација. Не сфаќам како повеќето фанови го прифатија Крис Пајн како Кирк. Има сублиминални пораки во маркетинг кампањата за Star Trek XI што не допираат до мене? Квинто е смешен како Спок. Кога сум кај тоа, "Heroes" ја тргнав од листата на серии што ќе ги следам сезонава. Втората сезона воопшто не ме импресионираше и решив третава што моментално иде да ја оставам за во иднина.

Сакав да пишувам пост за тоа колку владее "Terminator: The Sarah Connor Chronicles" и колку стана подобра по првите две епизоди. Успеа да се надоврзе на Terminator 2: Judgment Day, и тоа доволно добро за да не ми усере филм што ми е меѓу петте омилени. Колку што е блиску до духот на филмот, толку си е и посебен ентитет што би можел независно да функционира. Обично за работите имам големи очекувања и се разочарувам. Со серијава ми се случи спротивното. За вторава сезона се збори дека е последна, па се надевам дека ќе видиме некаков достоен завршеток. Штета, серијата е супер.

Ги следам и новите епизоди на "Big Bang Theory", "Family Guy" и "South Park". Првиве две забегаа уште повеќе (во позитивна смисла) додека "South Park" продолжи да оди кон дното и искрено се надевам на Треј и Мет ќе кажат "стоп" пред серијата главечки да тресне. "American Dad" ќе мора да причека. Нека легнат прво втора и трета сезона.

Star Wars: The Clone Wars уште го нема на добра снимка, не го гледав и не планирам да почнувам со гледање на серијата (излегоа три-четири епизоди) додека не го гледам. Деновиве сакав (и пробав) да почнам да читам некои Star Wars стрипови за периодот пред Лук Скајвокер, ама веројатно и тоа ќе го поместам за две недели.

Eте, вакумирав куп работи во еден пост и малку да го размрдам Crapwerk. Продолжувам и со маратонот на стари SF филмови, па ќе следи и апдејт на тој дел. Успат, се сеќава некој на The Incredible Hulk? Сега ми текна дека не го гледав.

Ej, да... НБА и новиот Бонд уште малце.

October 10, 2008

Crapwerk Sci-Fi Special

Киборзи, човек против машина, вонземјани, приказни полни со клишеа, евтини сценарија и ефекти, просечна до лоша глума, одлична музика, купишта акција, згодни девојки и заебан мајкоебач со огнено оружје, фраерски one line-ри и ништо вредно за губење... Состојките за совршен акционен SF (Б продукција) во почетокот на деведесетите или крајот на осумдесетите години. Иако поголемиот број од овие филмови, инспирацијата ја црпеле од Mad Max, The Terminator или Blade Runner, понекогаш може да се најде и нешто оргинално, но не е тоа поентата. Вредноста и убавината на овие филмови е поинаква.

Периодов си ја збогатив мојата колекција на вакви стари филмови и се осеќам ко да ми ги донирале од видеотека, зошто некои се VHS рипови (не се издадени на DVD), а други се DVD, но со послаб квалитет. Повеќето што ги земав, ги имам порано гледано на телевизија, некои едвај ги памтам, а некои видов дека сум ги гледал откако ги мотав да видам каква е снимката. Третите би биле филмовите што повеќето добро ги знаат, не се баш Б продукција, но жанровски можат да се носат со овие кои следат подолу. Имам многу да пишувам на темава, па ќе почнам со филмови што ги имам гледано повеќе пати порано на телевизија, а верувам дека и повеќето ги знаат.

Screamers (1995) Еден од моите омилени филмови од детството е дефинитивно Screamers. Одамна го немам начекано на телевизија и сум среќен што конечно го најдов да го симнам. Значи, ги содржи сите елементи што се набројани на почетокот горе. Мала група на луѓе, се обидува да преживее на планета во пост-воен период каде што меѓу другото, користени се интелегентни роботи кои развиле наква-таква свест, за да можат самите да еволуираат и да се надоградуваат. Верзиите се од мали и брзи машини што се движат под земја, до оперативци со напредно развиена вештачка интелегенција. Во главната улога е Питер Вилер, познат како Алекс Марфи/Робокап. Screamers е совршениот акционен СФ, класи над филмовите во жанрот, за жал многу потценет иако може да се носи со високобуџетни филмови како The Thing. Сценарист на филмот е Ден О’Бенон, типот што ги има напишано Alien и Total Recall. Доволно?

Trancers (1985) Бев речиси сигурен дека го немам гледано, се додека не ги изгледав првите неколку минути. Комплетно го имав заборавено филмов! Главниот лик е Џек Дет, полицаец од 2200 и некоја, и лови “трансери” (да, знам како звучи), зомбифицирани жртви на криминалецот Вислер. Дет се обидува да го фати и Вислер кој се вратил во минатото (1980 и некоја) преку најоргиналниот начин за патување низ времето што сум го видел на филм. Во времето на Џек Дет, постои машина што може да те врати во телото на твој предок со послаб ум. Оргинално, нели? А, тек часовниците кои може да го успорат времето за неколку секунди. Trancers има шест продолженија и се надевам дека ќе ги гледам во скоро време.

Nemesis (1993) Nemesis го памтев, но никогаш не успеав да дознаам како се вика, па порано дури и мислев дека е некое продолжение на Cyborg. Во дистописки свет, каде што киборзите се секојдневна појава, а и кибернетските замени за делови од човечкото тело, постои и терористичка организација која се бори баш против овие работи. Оливиер Грунер е во главна улога, типов е закон и игра се во вакви филмови. Тука го глуми Алекс, бивши полицаец, повеќе машина отколку човек што убива се што ќе му излезе на патот, додека го мачат комплексни прашања за постоењето на човекот и она што го дефинира како таков. Иако со некои вакви детали во приказната, делува како повеќе од Б-филм, но како што е Алекс повеќе машина одошто човек, така и Nemesis и повеќе Б-филм и тоа еден од најдобрите што сум ги гледал. Го обожавам секој момент, од почетокот до крајот е прекрасно доживување, динамично се одвива и има језива сајберпанк атмосфера. Школски пример за Б-филм.

За почеток, нека бидат овие три. Викендов имам уште неколку на листата за гледање, па ќе следи и нова тројка.

October 3, 2008

Аниме на месецот: Fullmetal Alchemist [Hagane no Renkinjutsushi]

Fullmetal Alchemist е аниме базирано на истоимената манга (нормално), дело на Хирому Аракава, авторка која доаѓа од јапонскиот остров, Хокаидо. Анимето почнува да се прикажува во октомври 2003 и вкупно има 51 епизода.

Почнав да гледам пред три недели и конечно денес завршив со последната епизода. Иако грото од работите што имам да ги кажам за Fullmetal Alchemist се позитивни, не е тоа што очекував. А, очекував многу, после еден куп прочитани рецензии, фалења и препораки.

Приказната е оргинална, досега немам видено нешто вакво. Се работи за свет во кој алхемијата е нормална наука, речиси секаде прифатена и нејзиното изучување е достапно за секого. Така и за две братчиња, Едвард и Алфонс Елрик, кои со помош на алхемија се обидуваат да ја вратат во живот нивната почината мајка. Притоа, забораваат на главното правило во алхемијата, а тоа е дека за да добиеш, треба и да дадеш нешто со еднаква вредност. По неуспешниот експеримент, Едвард ја губи раката и ногата, а Ал го губи целото тело и неговата душа е заробена во голем метален оклоп.

Соочувајќи се со последиците, почнува и нивната потрага по начин со кој ќе ги вратат работите во нормала. Дознаваат дека за камен (The Philosopher's Stone) кој наводно ќе им ја зголеми нивнат алхемиска моќ и ќе им помогне да ги поправат работите. Потрагата по црвениот камен е на некој начин и базата на анимето, но има и еден куп други споредни приказни кои успеваа да ми го задржат вниманието, а и да ја направат и целата серија подобра. Иако очекував многу пообемна обработка на некои елементи од приказната, неможам да кажам дека тоа што го добив е лошо. Да не бидам погрешно сфатен, серијава е феноменална, ова сум само јас и моите големи очекувања.

Анимето напредува со секоја нова епизода, се откриваат нови работи, некои од старите се објаснуваат, но незнам зошто е толку стегнато. Има тука огромен простор за шарање и за експериментирање и потенцијал кој некако не е доволно искористен. Поголемиот дел од ликовите кои играат главна улога се некако површно развиени и не оставаат простор за читателот да се поврзе со нив. Веројатно ова е најголемиот проблем што го има Fullmetal Alchemist.

Крајот беше изненадувачки, предвидував што ќе се случи, но не бев ни блиску до тоа што го добив. Приказната иако може да заврши така како што заврши, мангата си продожува понатаму (се збори за втора серија), а има и филм кој го дополнува анимето, Fullmetal Alchemist the Movie: Conqueror of Shamballa. Во план ми е да го гледам деновиве...

September 28, 2008

Осврт на Star Wars: The Force Unleashed

Има веќе една недела откако почнав да ја играм Star Wars: The Force Unleashed на PS2. Бидејќи беше најавувана долго време, а и исхајпана максимално, очекував навистина добра игра. Приказната е генијална, за тоа веќе доволно зборував (остана да ја ислушам и аудио книгата), па следи мал осврт на играта.

Впечатокот што ми го остави при првото играње, секако дека е се уште присутен и стојам речиси зад се што кажав претходно. Иако, генерално тоа би било тоа, изиграв доволно од The Force Unleashed за да можам да ја критикувам играта како што сакам и мислам дека треба. Прво да кажам, имам обичај игрите што ми се допаѓаат да ги играм споро, со недели, па дури и со месеци (Tomb Raider: Legend ја играм од јули и уште не сум ја завршил). Сакам да уживам во игрите, да ги играм полека и без брзање. Не гледам задоволство во поминување игра за еден ден.

А, Star Wars: The Force Unleashed и покрај сите убавини што ги нуди, е досадна, репетитивна до тој степен што на моменти е крајно фрустрирачки да се игра. Ајде, ќе почнам со негативните особини. Како што кажав во претходниот текст, играта е клон на Devil May Cry. На моменти е како да играш Devil May Cry со Star Wars скинови. Но, тоа и не е некој минус, така да ќе продолжам понатаму. Која е формулата на The Force Unleashed? Кратко видео, неколку минути тепање на Стормтрупери или непријатели од сличен карактер (различен скин), собирање енергија/force points/кристали/некакви кутии и на крај на нивото има бос со лајт-сејбер кој се победува со иста финта како и другите босови. Потоа следи краток видео клип и одиме од почеток.

Токму поради ова (и поради лошата верзија во која не работи save-от на среде ниво) играм по едно-две нивоа дневно. А, исто така ми пречи и тоа што мора да се движиш по однапред зацртана патека, без никаква можност за шетање низ околината која изгледа навистина добро. И, како капак на се, играта е прелесна и не е којзнае каков предизвик. Одиш, тепаш со лајт-сејберот и Силата, босот го тепаш со "брзи/спретни прсти" финта и толку.

Тогаш, што е светлата страна? Можноста да одиш со лајт-сејбер во рака и да тепаш буквално се што ќе мрдне. Тоа е и главниот штос на играта и функционира одлично, и покрај мааните што ги набројав погоре. Има некои мали ситници што ја прават уште посимпатична, како на пример кристалите со кои можеш да си ја смениш бојата на лајт-сејберот, разните облеки што се добиваат со секое ново ниво, новите финти за користење на Силата, итн...

Генерално, играта е добра. Ако треба да ја оценам од 1 до 10, добрите и лошите страни ќе ги избалансирам со една солидна седумка. Не е тоа што очекував, но игрива е и успеа да ми го задржи вниманието. Уште да си најдам подобра верзија каде што ќе работи save-от. Најмоќната страна на играта е сепак приказната и кратките видеа што ги има измеѓу нивоата. Со оглед на тоа колку играта е популарна (за една недела се проададени 1,5 милиони копии), може да се надеваме барем на анимиран филм кој ќе ја прикаже приказната онака како што заслужува да биде видена.

За крај, графиката на PS2 е супер, го извадиле максимумот. Толку може денес PS2.

September 23, 2008

Indiana Jones and the Tomb of the Gods #2

Еве го и вториот број на Indiana Jones and the Tomb of the Gods. Продолжува таму каде што застана првиот број. Инди оди во Тибет за да дознае повеќе за делот од артефактот кој споен дава клуч до мистериозниот Гроб на Боговите. За неколку страници, Инди и Маркус Броди успеаа да прошетаат неколку држави, за на крај Инди сепак да заврши на среде океан со ајкули и со злобната девојка (која и не е толку злобна, туку е алчна) која го предава на Нацистите.

Интересен е вториот број, ми се допаѓа како се билда приказнава, ама како што разбрав ќе има само четири броја. Некако се малку за сето ова што почна да се случува, се надевам дека ќе успеат да се извадат со преостанатите четириесетина страници. Исто што го кажав за првиот број важи и тука, одлично цртање, сценарио кое е во духот на филмовите и неприкосновениот сарказам на Индијана Џонс.

Следниот број излегува во октомври (едвај чекам), а за симнување на вториов, клик тука. Еве линк и за првиот.

September 22, 2008

Аниме на месецот: Sen to Chihiro no kamikakushi [Spirited Away]

Можеби и најдоброто аниме од 2000 па навака. Прекрасно, магично и шарено, а на моменти дури и тажно. Едноставна приказна, но толку убаво склопена во форма на психоделично патување кое трае цели два часа. Алиса во Земјата на Чудата на LSD.

Фасцинантна анимација, преполна со детали и живи бои кои прават и најгрдите суштества во анимето да изгледаат убаво и мазно. Немам видено подобра 2D анимација до сега. Атмосферата е надополнета со звуците на Џо Хисаиши, композитор кој е одговорен за музичкиот дел на повеќето филмови на творецот на Spirited Away, Хајао Мијазаки.

За жал, не успеав да ја најдам оргиналната јапонска верзија на филмов (во формат што ми е корисен), па го гледав синхронизиран на англиски. Доволно голем впечаток ми остави и вака, актерите што ги позајмуваат гласовите се одлични за разлика од синхронизациите на други филмови што сум ги гледал. Штом успеам да си најдам добра верзија со јапонско аудио, ќе го гледам.

Ако на некого му значи, во 2001 доби Оскар за најдобар анимиран филм.

September 20, 2008

Први впечатоци од Star Wars: The Force Unleashed играта

Деновиве играм Star Wars: The Force Unleashed на PS2. По толку чекање, играта успеа да си го оправда хајпот, да ги задоволи играчите и да понуди одлична канонска приказна. Ја симнав еден ден откако излезе, за жал некоја лошо рипувана верзија, па неможам да ја сејвувам играта на сред ниво (иако има таква опција, на одредени делови од нивото) и со секое лоудување почнувам од почеток на нивото.

Прво да кажам, пред играње на играта, задолжително е читање на стрипот. Ете така. Значи, играта почнува со интро-текст како и во филмовите, по што следи кратко видео кое треба да се внесе во приказната (пак да кажам - стрипот!) и следното е Дарт Вејдер под контрола на играчот, праи растур со лајт-сејбер и Силата. Првата мисија е на Кашиик, планетата на Чубака и неговиот род Вукија и завршува со видео каде што Дарт Вејдер го наоѓа малиот Старкилер и го зема под негова закрила за да го тренира. Од тука, играта продолжува со Старкилер.

Инаку, има финта со последователно притискање на одредени копчиња за тепање на босовите. Прво мислев дека е до лошата верзија, зошто пола саат го тепав првиот бос и упорно си полнеше енергија на одреден дел од борбата. После прочитав по форумиве за финтата и видов дека има луѓе што дури и ја враќале играта во продавницата кај што купиле зошто мислеле дека се работи за лоша верзија. :)

Гејмплеј. Хм, играл некој Devil May Cry? The Force Unleashed е клон на Devil May Cry, само во Star Wars универзум, со лајт-сејбер и многу подобра камера. Камерата во Devil May Cry 3 страшно многу ме курчи. Значи тоа е. Идеш и праиш партал со лајт-сејбер, собираш force points за пимпање на моќи и лајт-сејбер, на крај на нивото има бос и тоа е тоа. Нема којзнае какви мисии, се движиш по однапред одредена патека, значи нема забегување и шетање што за мене е голем минус. Но, и покрај ова, играта е навистина интересна, фино изледа и има доволно видеа измеѓу нивоата за подобро да се интерпретира приказната. И по трет пат, читнете го и стрипот.

За сега, тоа е тоа. Ќе играм уште, пројдов само две нивоа, имам време викендов за повеќе, само ме курчи фрката со сејвот, ако треба да исклучам, ќе мора пак отпочеток... Ќе си симнам подобра верзија.

September 18, 2008

За WALL-E

Го гледав WALL-E вчера. Прекрасно филмче. Си ги оправда критиките, а ги надмина моите очекувања. Саат и пол совршена анимација, приказна и роботче со тажни очи со кое ако не сочуствувате од почетокот, филмот нема да има смисла. Бар јас така го доживеав. Секоја чест за Пиксар. Не знам како успеале да вметнат толку емоции во р'госано роботче што чисти и организира ѓубре.

Најдобриот анимиран филм во изминативе неколку години, и најдобриот Пиксар филм од Monsters Inc. па наваму. Сега сите анимирани филмови на конкуренцијата ќе изгледаат инфериорно...

Жалосно е што немаме можност вакви ремек-дела да гледаме кај нас во кино (ако може така да се нарече она во Рамстор, зошто нема други).

September 16, 2008

Star Wars: The Force Unleashed (графичка новела)

Најновата Star Wars игра, The Force Unleashed што излезе денес, отвори ново и неоткриено поглавје во сагата кое ги изненади сите фанови. Уште кога беше најавена, The Force Unleashed се очекуваше да биде многу повеќе од игра и тоа го докажа со книгата и графичката новела која е причината за овој текст. Книгата ја најдов во аудио верзија, да ја слушнам и ќе пишам на Crapwerk. Играта исто така ќе ја играм деновиве, излезе верзија и за PS2 и веќе се врти по нетов.

The Force Unleashed ме привлече поради тоа што приказната е сместена помеѓу Revenge of the Sith и A New Hope. Дефинитвно е потребен некаков (анимиран) филм за оваа ера, како што е Clone Wars на пример. Се надевам дека успехот на The Force Unleashed ќе овозможи барем direct-to-DVD екранизација на овој период од приказната. Мене ми е многу поинтересен од Clone Wars.

Значи, The Force Unleashed почнува две години пред A New Hope и уништувањето на првиот Death Star. Главен лик е тајниот ученик на Дарт Вејдер, младиот дечко Гален Мерек, познат како Старкилер (мала тривија - Лук Скајвокер, во првото сценарио за A New Hope се викал Старкилер). Вејдер го наоѓа како мало дете, го зема под своја заштита и го тренира. Веќе пораснат, Старкилер ги лови преживеаните Џедаи кои се во бегство или се кријат. Отприлика тоа би бил малиот вовед, за останатото предлагам читање или играње на играта која има неколку различни краеви што ја прави уште поинтересна. А, ннигата и стрипот си завршуваат со ист, канонски крај. Има еден куп изненадувачки моменти, како на пример, кој го почнал отпорот против Империјата и сл.

Графичкава новела има околу 130 страници и може да се симне тука. Фајлот е некои 80 мегабајти во .cbr формат.

Инаку, деновиве пробувам да играм Star Wars: Battlefront II. Интересна е, ама не е којзнае што. Уште не сум ги пробал кампањите, а другиот дел од играта брзо здосадува.

September 13, 2008

Demonbane, Akira и пост-Dragon Ball Z стрес...

Иако Death Note е многу подобар начин за исфрлање на Dragon Ball Z од организмот, некако не ми се поклопува со слободното време кое сакам да го потрошам на други работи. Akira го има речиси истиот ефект, а и трае пократко. Го немав и онака одамна гледано, а веќе некое време го имам и на ДВД, ре-мастеризирана верзија, плус некои други додатоци кои не успеав уште да видам што се (читај: ме мрзи). Akira е одлично аниме, но сепак првото место кај мене е резервирано за Ghost In The Shell. И двата филма обработуваат интересни теми, но GitS многу повеќе ми лежи. Akira за жал во 2009 година станува дел од магичниот круг на холивудските римејци, сиквели, приквели и уништување на оргинални идеи и концепти. Иш.

Demonbane го планирав долго време. Кратко е, 12 епизоди, се гледа за два-три дена. Само што ја изгледав првата сезона и не успеа да ме импресионира ни малку. Се работи за детектив е најмен од сомнителна група на луѓе да најде стара мистична книга. Имињата на ликовите и некои други ситници се позајмени од дела на Лавкрафт. Мене не успеа да ме купи со финтава, иако сум фан на писателот. Но, дури и ми се чинеше малку интересно, а потоа епизодата почна да се развива во правец од кој лесно може да се види дека целна група на Demonbane се goth/emo тинејџери. Барем му дадов шанса.

После Death Note, критериумите за аниме ми се комплетно поместени и убеден сум дека нема да гледам подобро аниме во наредниве пет години. Таму уште првата епизода предизвикува зависност поголема и од Lost. Следно на листа е Reideen.

September 12, 2008

Dragon Ball Z sucks dragon balls

Океј, мислев ако Dragon Ball е океј, Dragon Ball Z е добро. Ебати паметот. Не, озбилно, критиките беа многу попозитивно настроени према Dragon Ball Z него обичново. Од обичното изгледав три саги (не се баш сезони, зошто одат без прекин) и сеуште си стојам на тоа што го кажав пред некоја недела. И покрај сите маани што штрчат, дејствува исто ко Нинџа Желки или Трансформерс. Пред да ме фати некој за врат, нека се сети дека сите три серии се наменети за деца и треба да се споредуваат баш како такви. Друго е убавото сеќавање за TMNT или Оптимус Прајм, денес и тие делуваат просто и излитено. И Dragon Ball ќе ни беше закон денес да го гледавме ко деца...

Како и да е, немам проблем со детски серии, напротив, уживам да ги гледам. Dragon Ball Z никако! Му дадов шанса, изгледав скоро цела сага од 30-тина епизоди и сега можам опуштено да почнам да мрчам. Што е поентата на Dragon Ball Z? Oргиналното Dragon Ball барем има концизна приказна што ја следи и тоа е. А што е Dragon Ball Z? Во првите 5 епизоди, лоши вонземјанини слетуваат на Земјата, во следните 15 пораснатиот Гоку трча по патека долга неколку (стотици?) километри и во следните 10 се спремаат да се тепаат. Толку. Сериозно, толку. Јас никаде, па ни во Lost, немам видено нешто толку развлечено. Сфаќам дека поентата им било да направат повеќе епизоди, ergo повеќе пари, ама чекај малку, кој го гледа ова? Сериозно, кој? Што деца гледаат Dragon Ball Z? Зошто е ова толку популарно? Дури и да бев дете немаше да го гледам ова. Првата половина од епизодите што ги изгледав чекав да се почне да се случува нешто, како ај, билдаат приказна, интересното тек треба да почне... Не. Од насловите на епизодите, видов дека борбата што почна пред 10 епизоди, завршува тек за 15. Најдов и видео на YouTube од тип што ја читал мангата и убаво, со исечоци од анимето и мангата, објаснува зошто Dragon Ball Z е тапа. Еден цртеж од мангата е две епизоди во анимето. И тоа баш исечокот е од епизодата кај што јас прекинав да гледам.

Океј. Можеби и јас сум во заблуда. Можеби после доаѓа интересното, кога приказната се движи побрзо и подинамично, но не фала. Има доволно добри, вистински, аниме серии кои што вредат многу повеќе. Одамна им се спремам на Demonbane и на REIDEEN.

September 9, 2008

Stargate Atlantis трета сезона


Иако за првпат гледав епизоди кои беа под просекот за Stargate Atlantis, сезонава беше најдобра до сега. "Echoes" ја номинирам за најлошата епизода од Atlantis. Неинвентивна приказна, делуваше бајато и веќе сто пати видено, а тоа со китовите беше дебилно како "Threshold" епизодата од Star Trek: Voyager. Сепак, најголемиот минус оди за смртта на Др. Карсон Бекет.

Од друга страна пак, имаше епизоди како "Vengeance". Целата епизода е трибјут на Alien, со бројни референци до франшизата до тој степен што се обиделе да ја пренесат целата атмосфера од филмовите. И функционира совршено. Одлична, мрачна епизода и плус тоа со еден од моите омилени споредни ликови, Мајкл, wraith кој пројде низ еден куп експерименти до сега и сеуште е жив. На Star Trek фановите им е познат како Трип Такер од Enterprise, така да знаете за кој закон глумец станува збор.

Минатиот пат спомнав колку Atlantis потсеќа на Star Trek. Истото и сега би го кажал. Дури вметнаа и лик што очигледно е инспириран од Мад, измамник што се појавува во само две епизоди од Star Trek: The Original Series, но има оставено силен впечаток кај фановите. Atlantis си има свој Мад, само што тука се вика Лушс (штп, Луциус да пишам?) и го глуми Ричард Кинг од Spin City. Закон лик, дури и го надминува Мад и е далеку позабавен. Се надевам дека се враќа и во четвртата сезона. Онака, comic relief лик. Ронон Декс супер се вклопи во тимот, само што на моменти го претераa ликот со неговата опседнатост со убивање wraith-ови.

Друга работа што ми се допаѓа е тоа што ни малку не штеделе на сетови и специјални ефекти. Визуелно, Atlantis е најдобрата СФ серија денес, штета што петтава сезона ќе биде последна. Очекувам сега Battlestar Galactica фан да го фрли првиот камен.

Финалето на сезоната е најдоброто финале на Atlantis до сега.

September 7, 2008

Star Wars прашање на денот

Зошто Џедаите се облечени како селани од Татуин?

Инаку, деновиве правам нов Star Wars маратон. Со секое гледање сфаќам колку е совршена оргиналната трилогија. Колку и да пробувам да најдам маана, неможам. Ми се игра некоја добра Star Wars игра за PS2, барам нешто да симнам сега. Штета што Galactic Battlegrounds е само за PC. Ја чекам и The Force Unleashed, излегува за некои десетина дена, ќе има верзија и за PS2, па чим ја пробам ќе пишам рецензија.

Синоќа после Return of the Jedi, ja изгледав и Robot Chicken: Star Wars епизодата. Заедно со Family Guy: Blue Harvest е најдобрата пародија на Star Wars, дури подобра и од Spaceballs.

Clone Wars уште го чекам на добра снимка. Од тоа што го прочитав за цртаниов, разочаран сум. Го нема текстот на почетокот што го има на сите филмови и ја нема музиката на Џон Вилијамс. На кој кретен му текнало да тргне толку суштински елементи од Star Wars филм? Серијата која ќе го следи филмот би требало да започне со прикажување до крајов на годинава.

September 5, 2008

Преглед на Shards of Alara

Деновиве конечно се појавија неколку карти што ќе ги содржи новата Magic: The Gathering едиција која го започнува и новиот блок (значи нова приказна и нови карти поделени на три едиции), Shards of Alara. Shards of Alara ќе има pre-release на 27-28 септември, а официјално излегува на 3-ти октомври.

Првиот дел од Shards of Alara ќе содржи 249 нови карти од кои 15 ќе бидат сосема нов вид, Mythic Rare. Исто така, ќе има и нови (претпоставувам 5) Plainswalker карти што првпат се појавија во Lorwyn. Дури и на pre-release ќе се дава Plainswalker. Има промена и во preconstructed дековите, веќе нема да бидат такви туку ќе одат како "Intro Pack", пакување од 41 карта + Booster pack во паковка со многу поинтересен дизајн, барем од колекционерски аспект. Едвај чекам да си земам вакво.

Што се однесува до мојот Goblin дек, од тие 10-тина спојлер карти на официјалниот сајт, само Goblin Assault картата делува корисно за мене. Деновиве ќе има уште, па ќе ги ставам и тука.