December 31, 2009

PS2: Најиграни за 2009 (прв дел)

Ќе ја завршам годинава на Crapwerk со PS2 игрите од кои прстиве ми се доискривија... Пошто PS2 дојде малце покасно кај мене дома, уште играм стари игрици, а и ќе продолжам, додека не падне цената на PS3. 2009 и немаше којзнае колку многу игри за PS2 што ми го привлекоа вниманието, а догодина ќе има уште помалку. PS2 веќе некое време го гази новава генерација конзоли и најмногу за две години комплетно ќе го истиснат.

Се изнаиграв Black годинава. Пуцачина од 2006, меѓу најдобрите што воопшто сум ги играл, било на PC, било на конзола. Играчот е во улога на Jack Kellar, оперативец (black ops) на ЦИА кој м'кља терористи наоколу. Приказната не е којзнае колку битна, мене не ме внесе баш многу, ама добри се сцените измеѓу нивоата. Супер се реализирани, само што некако брзо ги заборавав. Black ме фураше на моменти како Call of Duty, но не до тој степен да се осеќам како воен ветеран и да имам флешови во наредните неколку месеци по завршувањето на играта. Во Black најмногу ме фасцинира околината и дизајнот на мапите. На моменти ме потсеќа на Half-Life 2, има такви пусти разрушени места, темно-жолта сатурација и сиви бои, многу слична атмосфера. Одлично и детално сработено. Мисиите се речиси слични како и во повеќето FPS игри, многу акција, некогаш бараат и тактички потези, значи ништо посебно и ново, туку баш тамански како што треба да е. Интересно е тоа што може да се носат само две оружја и неколку бомби. Ништо повеќе. Па така што некогаш ситуации кога дел од мисијата ќе зависи едно оружје, а некогаш ќе треба да се направи и избор помеѓу неколку. Да не го дрвам, Black е задолжителна игра за PS2.

God of War II ја играм месецов. Конечно ми дојде на ред, читав толку добри рецензии за играва и испадна се точно. Се гледа дека е искористен максимумот ресуси кои PS2 ги нуди графички и тоа ја прави играта уште толку поубава. Со оглед на тоа што сме 2009 и сме виделе што се може со графиката денес, ретко ме изненадуваат постари игри. God of War II е hack & slash какви што има многу за PS2, и сега ми е јасно зошто го сметаат најдобриот од својот вид. Приказната е одлична, инспирирана од грчката митологија каде што главен лик е Кратос, курназ што прави покољ низ Античка Грција, од штанцани војничиња до Колоси и Богови. God of War II има куп разни комбоа, фраерски оружја и одлични анимации. У која друга игра можеш да му откорнеш рака на некој и да го заколеш со неговата (откорната) рака у која држи меч? :)

Tony Hawk's Pro Skater 3 играв цела пролет, ко демек за размрдување. Возев скејт ко дете, а и од тогаш играм вакви игри. Интересни скејт-паркови и локации, финтици, комбоа, па и некои немогучи ствари што никако неможев да ги пројдам. Tony Hawk's Pro Skater и Fifa Street 2 се баш онака игри за одмарање мозок, после напорен ден или у напорен период. Добра музика у позадина, стискаш, леташ, пркосиш на гравитација...

Со ова и ќе го завршам првиот дел, другиот здравје догодина, за пет саата цепам на планиње и мора да легнам. Tekken 5 и Crash Nitro Kart нема потреба да ги спомнувам, знаеме дека се игри што најдобро функционираат во друштво.

П.С. 2009 да ја заборавиме.

December 27, 2009

Аниме саундтрек плејлиста

Музиката има огромен удел во обликувањето на квалитетно аниме. Почнувајќи од главната тема со која отвaра, преку музиката која се провлекува низ сцените.... Ќе правам од време на време колеции на добри ствари од саунтреци, а ако не ме мрзи, ќе склопам некоја mp3 колекција и ќе ја закачам тука. До тогаш, ЈуТјуб...

Eве што има денес на плејлиста:

December 22, 2009

Филмови во 2009

Ги изгледав повеќето филмови кои ми го привлекоа вниманието уште пред да излезат, меѓутоа не успеав да пишам за сите. Не дека сега немам време, туку ме спука некоја мрза, неможам да се логирам, а камоли да седнам и да искуцам нешто.

Годинава се изнагледав добри филмови. Некои и не толку добри, ама успеаа некако да пројдат, барем да запамтам дека сум ги гледал.

Moon е најпријатното изненадување годинава. Дело на младиот режисер Данкан Џонс, кој допрва треба да почне со кариерата. Moon е независен филм, научно-фантастична драма, жанр кој изминативе години апсолутно ме купи со добрите филмови што имав прилика да ги погледнам. Приказната е генијална, раскажува иднина во која Месечината се користи како извор на ресурси кои помагаат во опстојувањето на Земјата. За собирањето, обработката и препраќањето на супстанцата хелиум-3 се грижи приватна компанија. Сем Бел е единствениот астронаут, придружуван од роботот со неверојатна вештачка интелегенција, GERTY, кој се грижи работата при собирањето на хелиум-3 да биде успешно завршена. Е, сега, за да не е се совршено, Сем Бел доаѓа до сознание кое комплетно ја поместува целата слика за компанијата. Тоа е всушност клучниот елемент на приказната, што нема да го спомнам поради спојлери. Moon е одлично напишан и изведен со минимална употреба на специјални ефекти, но затоа има одлични сетови и Кевин Спејси кој го позајмува гласот на GERTY. GERTY e омаж на HAL9000, па дури и целата станица на Месечината изгледа како да е излезена од 2001: A Space Odyssey. Инстант класика.

F.A.Q. About Time Travel е британски филм со типон од The IT Crowd... СФ комедија, апсолутно мајсторски изведена. Замисли си муабетиш за патување низ времето, пијан, у бар, и одеднаш баш тоа почнува да случува... Супер приказна, интелегентно напишано сценарио кое всушност го движи целиот филм, харизматични ликови и сето тоа одлично реализирано. Искрено, очекував многу повеќе тупење со наука, испадна некои ствари ги чепка ептен површно, што и не го прави филмот помалку забавен. Јас скроз се внесов, мислам дека пет саата да траеше, немаше да ми здосади. Еден од оние филмови што најмалку сакаш да завршат. Ме изненади Ана Фарис, не ја познав...

The Hangover ми е во конкуренција за 3 најдобри филмови годинава. Ваква комедија му се нема десено на Холивуд со години, а јас не памтам кој филм последен пат сум го гледал три пати во една недела. Четворица другари одат во Лас Вегас на ергенска забава, за следниот ден да се разбудат со тешка главоболка и без никакво сеќавање за претходната ноќ, во растурена соба, со празни флаши пиво насекде, тигар во купатилото, итн... The Hangover има сцени што неможев ни да ги замислам или предвидам додека го гледав, сцени кога сопирав да се досмеам или да враќам за да се изнасмеам пак. Еден од најдобрите филмови годинива и општо, една од најдобрите комедии што некогаш излегле. Ќе има и втор дел догодина, иако не прави смисла, прави пари. Тоа е, знаеме како функционираат работите...

Fanboys е комедија генерално наменета за Star Wars фанови и како таква функционира, не совршено, ама таман. Значи, ако не си фан на Star Wars, не ти е смешно и готово. Барај друг филм, зошто повеќето фори се наменети за одредена публика. Fanboys е базиран на краток филм, со скоро иста приказна - четворица другари, пред премиерата на Star Wars: The Phantom Menace тргнуваат кон ранчот на Лукас да украдат копија за другар, болен од рак, кој тешко дека ќе дочека да го види филмот во кино. Нормално, безброј референци (тоа е поентата, да) до Star Wars, неколку познати фаци, Вилијам Шетнер... Конечно го дочекавме филмов, се одложуваше дооолго време, очекувањата кај мене си ги исполни, не ни треба да е нешто поразлично од тоа што е.

Harry Brown е последниот филм од оваа година што го гледав. После толку рецензии, фалења, се надевав дека ќе видам нешто повеќе од просечно. Тоа што го знаев за филмот доволно ме заинтересира да го ѕирнам. Мајкл Кејн глуми пензиониран маринец, што ја одмаздува смртта на најдобриот пријател и шах противник. Очекував повеќе од просечна драма, сигурно не очекував Мајкл Кејн да иде сите да ги испотепа со базука, ама мислев дека ќе видам нешто приближно кул како Gran Torino. Има еден куп исфорсирани и тотално беспотребни сцени, мислам сфативме дека Кејн живее во опасно маало кај што младичи пушат курови у мерцедес. Пресвртот на крај воопшто не ме изненади, зошто во ниеден момент претходно не ми беше битно кој и што во бандата. Не е лош филмот, океј е, само што е за едно гледање... и за на Телма. Во Harry Brown игра и Plan B, шизикот што соработува со Chase & Status...

Ќе се апдејтува ова, зошто има и уште неколку други, ама тоа деновиве... Од останатите за кои пишував изминатава година, ќе ги издвојам District 9, Inglourious Basterds, Coraline, 2012, Terminator Salvation, Wolverine, Bruno, Bolt, римејкот на Friday the 13th и Punisher: War Zone што упорно го заборавам. Значи, пак ќе кажам, супер филмови годинава, барем пола од овие што се спомнати тука ќе остават некаква трага, а некои веќе си обезбедија статус на култни филмови. Ќе видиме Avatar каков е деновиве... И Up ми дреме, треба конечно да седнам.

December 18, 2009

Iron Man 2 трејлер

Конечно се појави првиот трејлер за Iron Man 2 и изгледа супер. Едвај чекам да излезе филмот, знам дека ќе биде подобар од првиот. Трејлерот открива по малку од новите ликови кои ќе се продолжат во продолжението како Black Widow, War Machine и се разбира Whiplash. Отприлика, приказнава е следната. Тони Старк е притиснат од владата, медиумите и јавноста да ја открие тајната на Iron Man оклопот и да ја сподели со армијата. За трејлерот, клик тука.

Деновиве сум ептен во Iron Man расположение. Завршив со читање на The Invincible Iron Man стриповиве што се дел од Dark Reign (Љубиша, фала за препораката), моменталната состојба во која се наоѓа Marvel универзумот каде што Норман Озборн има огромна политичка и воена моќ и носи промени кои се нормално, во негова полза. S.H.I.E.L.D. e расформиран, Озборн има нова слична организација H.A.M.M.E.R. и создава херои аналогни на оние што веќе ги знаеме, а Тони Старк се наоѓа во бегство. Ќе пишам нешто повеќе, кога ќе ги дочитам останатите, како Dark Avengers, X-Men, итн...

Dark Reign инаку е продолжение на настаните од Secret Invasion. Требаше прво тоа да го читам, мада и вака може да и се влезе на приказната. Сега како што имам време, ќе му седнам и на ова.

December 14, 2009

Најава за Stаr Wаrs: Thе Fоrcе Unlеashed 2

На 2009 Spike Video Game Awards беше најавена Star Wars: The Force Unleashed 2. Некое време го дрвам со тоа Star Wars: The Force Unleashed е една од најдобрите работи што и се случиле на целата франшиза до сега. За среќа, имаат уште идеи за приказната, па ќе видиме и приквел, барем така се шпекулира. А, со оглед на тоа како завршува The Force Unleashed, ова е логично продолжение.

За жал, не е најавена верзија за PlayStation 2, што е нормално, бидејќи играта ќе излезе дури за една година, а како што проаѓа времево, се помалку игри добиваат и PS2 верзии. Изгледа пак ќе направат финта, ќе излезе година дена покасно за PC, како првата, зошто сега за сега се планирани верзии само за PlayStation 3, Xbox 360, Wii, DS и PSP.

Перидов очекувам да има повеќе новости околу играва, па ќе постирам кога ќе има нешто ново. Сега, клик тука за трејлерот. Летоска имав напишано нешто околу моите желби и идеи за иднината на The Force Unleashed, за тоа клик тука.

"Uncertain your future is. Find yourself, you must."

December 13, 2009

Heroes of Might and Magic викенд

Нели, World of Warcraft? Не. Серверот е нешто сјебан, плус сум пред пензија, full epic, пројдени инстанци и презаситеност за периодов...

Играм Heroes of Might and Magic V од вчера. Ми требаше нешто вакво, што ќе бара од мене да кликам со една рака, без многу замарање. Плус, визуелно ги обожавам Heroes of Might and Magic игрите (играм од тројката па навака, заедно со Chronicles серијалот, од време на време), такви се шарени, да ти е ќеиф да кликаш. Почнав со првата кампања, негде сум до четвртата мисија. Во споредба со претходните игри, петкава е значително полесна, имаш армија сељаци на секој чекор, брзо левелирање, бафови, ресурси и што уште не.

Графиката е далеку подобра, ротирачка камера, 3D, многу детали, подобра анимација на борбите, ама па затоа единиците и суштествата се премногу еднолични што на моменти знае да скурчи. Незнам колку различни единици има, видов неколку, веројатно има доволно по фракција. Интересен е и книгата со магии, само што не успеав уште да се снабдам со доволно магии. Приказната сега нема да ја коментирам, зошто уште сум на почеток.

Зошто сум релативно слободен периодов, планирам да ја завршам оваа ако не ми скурчи пред тоа, па да ги грабнам експанзиите.

December 11, 2009

Family Guy: Something, Something, Something Dark Side

Денес низ warez мрежата се појави целосна, нецензурирана верзија на новата Family Guy пародија на Star Wars, Something, Something, Something Dark Side која официјално треба да излезе за две недели. Само што ја изгледав и саат време не прекинав да се смеам. Колку пати треба да повторам дека Сет МекФарлејн е гениј? Не престана да се надминува себе и не знам до каде би можел да оди.

Новата пародија е феноменална и ми се свиѓа повеќе од Blue Harvest, затоа што нели, The Empire Strikes Back го сметам за омилен од оргиналната трилогија. Ваква пародија на овој филм, немало до сега, а нема ни да има, бидејќи ова го движат ликови од најдобрата хумористична цртана серија која моментално се прикажува.

МекФарлејн знае како да ги искомбинира карактеристиките на неговите ликови со оние на Лукас и може секоја сцена од Star Wars да ја претстави како дел од Family Guy универзумот. Хан Соло е уште покул кога го 'глуми' Питер. ("I love you. - Fuck off.") Палпатин е татко и на Лоис, Картер Пјутершмит, Џиновската кокошка е Боба Фет, па веќе може да се претпостави каква сцена не очекува во следната пародија.

Скроз забегани моменти, ако почнам да ги двојам ќе треба да го раскажам целото. Има куп ситници ради кои плукав кафе од смеење, аплаудирав ко кретен и враќав сцени. Крајот најмногу ме изненади, делува како МекФарлејн да спрема пародија на уште една култна трилогија. Океј, немора да значи, меѓутоа кревам две раце "за".

We Have A Bad Feeling About This ќе биде последната пародија, на Return of the Jedi и треба да се појави на пролет.

December 9, 2009

World of Warcraft: The Comic

World of Warcraft универзумот е доволно голем, за приказната од играта да може да се прераскаже преку стрипови, книги, филмови, па дури и серија. За филмот ќе почекаме уште некоја година, најавен е уште одамна.

Компанијата Wildstorm, дел од DC Comics во ноември 2007 почнува со издавање на World of Warcraft: The Comic. Приказната почнува со човек кој се буди на бреговите на Калимдор, без никакво сеќавање за себе или како стигнал таму каде што е. Заедно со двајца Елфови (Најт Елф и Блад Елф) е заробен од Орките со цел да се натреварува во гладијаторските арени. Членовите на тимот се борат за сопствените животи, како и за златото на Орките-господари кои ги држат во заробеништво. По извојувана победа против друг тим кој важи за еден од најагресвните, главните ликови решаваат да побегнат и Ло'гош (човекот кој по победата ќе се стекне со ова престижно име/титула) конечно да дознае кој е и од каде е, за подоцна да се испостави дека е всушност изгубениот крал на Стормвинд.

Приказната се протега низ повеќе клучни и добро познати региони во играта, се појавуваат сите главни раси и повеќето од класите, како и некои ликови што веќе ги знаеме. Пристуни се и елементите што ги прават класите карактеристични, од опрема па се до магии, маунтови и што уште не. Што значи дека стрипот комплетно ги користи оргомните ресурси што играта ги нуди за создавање на една добра приказна. И не ме чуди што World of Warcraft: The Comic функционира толку совршено. Нормално, наменет е за фанови кои се запознаени со играта, но не е којзнае колку понеинтересен и за останатата публика.

Спакував 22 броја во две архиви, може да се симнат од тука и од тука. Ќе ги ставам и другите неколку, до сега излегоа 25.

December 8, 2009

FlashForward на пауза до 2010

По емитувани десет епизоди, FlashForward заминува на пауза до март следната година. ABC како причина за прекинот, ги наведуваат Зимските Олимписки Игри, поради кои и последната епизода на Lost ќе биде прекината.

Серијата не е лоша, само што некако си мислам дека нема да трае многу. Добро е тоа што е многу подинамична во споредба со Lost и бар за сега, не се расфрлаат со мистерии за кои ќе треба да пројдат неколку сезони за да бидат објаснети. FlashForward веќе завзема некаква форма и тек по кој ќе се движат настаните, па се надевам дека во иднина нема да ги искомплицираат работите. Значи, сфативме дека самиот 'флешфорвардот' директно влијае на иднината кои луѓето ја видоа шест месеци од блекаутот. Знаеме и кој го предизвикал, остана уште разоткривањето на целиот заговор и причините, па ете материјал за уште неколку сезони.

FlashForward ми има еден голем проблем. Ликовите ми се некако неубедливи, па тешко е да ти е гајле за нив. Не ме интересира ни кој ќе умре, ни дали ќе умре и што ќе се случи. Дури и пресвртот во последнава епизода не ме потресе којзнае колку. Можеби дека пребргу ги објаснуваат работите, или па уште не се случил вистинскиот пресврт. Имаат време до март да пробуваат различни ствари, други и ликови и да набацат нешто плус во приказната. Вака е празно, а тоа што го има не е доволно за серија од ваков тип.

December 4, 2009

Назад на Digg

После долго време, се враќам активно на Digg. Го користев активно порано, секогаш кога имав уклучено Фајрфокс, ми дремеше Digg во позадина... нешто како што сега е случај со Facebook. За жал.

Од тоа киснење на Digg, денес ми останаа куп сајтови што ги следам секојдневно, а сајтот го отварав многу поретко, додека во позадина ми беше Facebook со корисни информации за тоа кој, како и кога прднал и во колку саат, проследено со лајкови и коментари колку далеку се слушнало. Факт е дека Facebook го смени интернетот, и неоспорно е тоа дека е корисен, и мене ми е, особено за информирање за настани и слично. Facebook не е во никој случај лош, супер е од главната идеја до техничката реализација, затоа и привлече толкав број корисници, кои денес создаваат лоша слика за сервисот.

Сега на Digg си направив и нов акаунт, има големи подобрувања од последнот пат кога бев логиран, сега ќе си го спастрам убаво.

За тие што не се во тек, Digg е сервис на кој корисниците споделуваат линкови (новости, статии, видеа и слично). Секој момент има нешто ново, а најгласаните се објавуваат на почетната страна. Digg денес слави пет години постоење.

November 30, 2009

Saw VI (2009)

Изминатиов месец се изначитав позитивни рецензии за последниов Saw, па дури и имав некаква надеж дека ќе бидам позитивно изненаден. Не. На исто ниво е со претходните два, со исклучок на моменти кои се за нијанса поинтересни. Приказната не напредува воопшто, без разлика колку и да форсираат. Веќе ми се излитени сите тие морални дилеми и жртвување за нечиј живот да биде спасен. Првиот дел одлично си функционираше, се после тоа беше рециклирање на оргиналната идеја и тупење до бескрај.

Знаеме кој ја продолжи просветлувачката мисија на Џон Крејмер уште во четвртиот дел, а за жал, знаеме и кој ќе тера понатаму за уште седумнаесет продолженија, без пардон. Пак ќе кажам, доколку имаа во план да тераат со вадење на нов филм секоја година, не требаше да го убијат клучниот лик толку рано. Навраќање со флешбеци и тајни касети што никнуваат во секој дел, кај мене не проаѓа. Мислам, океј, еднаш го направија, сфаќам, ама до кога ќе тераат вака? Испадна дека Џон Крејмер уби повеќе луѓе откако умре.

Приказната е хаотична, ја заплеткаа беспотребно. Стапиците не ги коментирам, секогаш им се добри, што не значи дека го прават и филмот добар. Дали решиле да заштедат на продукција, незнам, ама филмов е делува како нискобуџетен B-филм со катастрофални актери, на пример, во сцената со рингишпилот. Е, тоа беше претерано, и ако потраеше уште минута повеќе, ќе мотнев напред. Крајот не ме изненади, уште кога се појави жена му на Крејмер, знаев што е муабетот и како ќе заврши. Не се ни трудат веќе.

Нормално, следната година ќе има нов дел, почнува со снимање за некој месец. Продуцентите велат дека имало шанси да биде последен, зошто Saw VI не прошол добро на бокс-офисот. Држам среќа да биде последен...

November 29, 2009

World of Warcraft викенд: Оргримар рејд

Со 80 левел, покрај лутањето низ Нортренд, ми останува да играм инстанци, battlegrounds, арена и рејдови на главни градови на непријателската фракција. Инстанците не ми се нешто посебно интересни за играње, ама се добри за тимска игра, опрема и злато. Battlegrounds почнав скоро да играм, е тоа е далеку подобро, има тимска игра, стретегии и млатење до бесконечност. За арена ми треба добар тим, а таков немам.

Останува рејдањето на главните градови на Хордашките раси, како најинтересен елемент од играта за 80-ти левел. Вчера се собравме околу 50-тина луѓе и тргнавме накај Оргримар. Е, ова најмногу ќеиф ми прави. Сум приметил дека на серверов Хордата е далеку понеорганизирана што вообичаено не е случај, па се лесни за тепање. Во Алијанса има стварно добри играчи, искусни лидери што одлично се справуваат со понеискусните играчи во групата. А, треба добар лидер за да организира толку луѓе. Има и такви што кога се рејда групно и потребна е добра организација, трчаат напред први да удрат и најчесто први и гинат.

Интересно е, понекогаш е "не глеам кај маам" кога гледаш само гужва и мешаница од црвени и зелени имиња на играчи и гилдови. Оргримар е интересен за рејдање, зошто по пат до таму, има уште неколку места кои може да се опустошат. Би платил некад за WoW, само за да не падне серверот дур влагаш во градот откако си убил се пред влезот...

November 26, 2009

2012 (2009)

Го гледав вчера во Рамстор. Арно што го донесоа, зошто немав намера да го гледам на лоша кино снимка, а ми се гледаше. Искрено, мене филмов супер ме извозе, после напорен ден ми дојде одлично за исклучување. Се внесов скроз тие два и кусур саата. Ефекти лудница, можеби и најдобрите што сум ги видел до сега, приказната никаква, сценариото шутро - значи, се испадна како што очекував.

2012 се плука беспотребно. Незнам што очекуваа тие што се разочарани од филмов. Филмовите со глобални катастрофи се вакви и ефектите имаат приритет. Претерување има, намерно е, па сцената кога бегаат со колата и авионот воопшто не ме изненади. Али, нека дојде нека се пробие така низ гужвана Рекорд или Бит-Пазар у 4 саат попладне...

Ликовите се тие, клишеизирани до максимум, ама мора да има таква упорна фамилија што ќе им пркоси на законите на физиката, ќе лета со авион меѓу згради, ќе преживува вулкански ерупции и ќе се санка со Бентли. Мора. Претседателот, нормално, мора е црнец, а Дени Гловер ептен легна за улогата.

Од сите слични филмови, можам да го издвојам за фаворит, зошто за ова ми се пресудни ефектите. Горе-доле сите се со истата приказна, раскажана преку херојската фамилија, секогаш ги гледаме уништени истите градови и сите имаат хепиенд, т.е. среќа во несреќа. Налет среќата што си преживеал кога 98% од луѓето што ги познаваш се мртви и плус тоа немаш ништо освен облеката што моментално ја носиш.

Планираат серија која ќе ја продолжи приказната на филмов, со група на преживеани и ќе се случува во 2013. Не верувам дека ќе го гледам тоа.

November 25, 2009

Inglourious Basterds (2009)

Некако знаев дека Тарантино ќе се извади за ѓубрето од Grindhouse. Сериозно, го памти некој уште тоа? Така и си мислев. Тарантино е назад, со извонредна приказна за мала бунтовничка група во окупирана Франција за време на Втората светска војна, која убива нацисти. Групата ја предводи Алдо Рејн (феноменална улога на Бред Пит), се нарекуваат себе "the inglourious basterds" и не покажуваат милост кон непријателот.

Филмот отвара со напорен германски офицер кој е експерт за наоѓање скриени Евреи. Кристоф Волц е совршен за улогата, ликот е супер осмислен само што некако Тарантино зар'ѓал кога станува збор за пишување на дијалози кои се памтат. Некако вниманието е повеќе свртено на развојот на самата сцена, отколку дијалогот. Немам намера да го споредувам Inglourious Basterds со Pulp Fiction и знам дека сцената во вториов филм со Кристофер Вокен е неповторлива, но некако очекував Тарантино да се искупи за глупостите што ги пишуваше пред некоја година. Како и да е, филмот е одлично склопен и си цепа некоја напнатост до самиот крај. Крајот е посебна приказна, верувам дека никој не го очекуваше. Познавајќи ја работата на Тарантино, очекував некако да ги изврти работите и да понуди повеќе опции за финишот, но и ова е доволно добро за мене.

Да сумирам. Нема промашени ликови, приказната е супер, реализацијата е солидна. Се препознава Тарантино во филмов и тоа ми се свиѓа. Очекував многу од филмов, да, сум задоволен, ама некако не e на врвот на топ листата на моите омилени филмови за годинава.

Something, Something, Something Dark Side трејлер

Онака, пост-роденденски, за време на пауза од учење, трејлерот за новата Family Guy пародија на Star Wars, Something, Something, Something Dark Side. The Empire Strikes Back ми е омилен од оргиналната трилогија, па знам колку ќе уживам во новава пародија.

Трејлерот е лудница, три минути се мочав у гаќи од смеење. Специјалната епизода ќе биде прикажана на 22-ри декември, а потоа ќе ја издадат на ДВД, Блуреј, итн. Клик тука за трејлерот. Најзакон моменти ми се кога ќе го соборат AT-AT вокерот и Боба Фет. :)

November 24, 2009

Три години Crapwerk

Три години Crapwerk. Еве како лани, колекција на омилени постови напишани изминатава година. Ме мрзеше да ги делам по месеци, па ете ги на купче, а плус тоа последнава година и не бев толку активен како претходната. Немам време да пишам ништо ново, Crapwerk ќе паузира бар уште недела додека ги средам испитите...

November 17, 2009

V: Уште една серија што нема да доживее втора сезона

Да речеме дека претерувам и дека можеби ќе стигнат и до трета сезона. Меѓутоа, почетоков испадна некако лабав и шабански. Лошото сценарио и шаблонските ликови некако ја убиваат целата идеја на серијата, која е онака, океј. Само проблемот е во тоа што се работи за римејк на серија од пред 20 и кусур години, така да оваа приказна некако не ми се верува дека ќе пројде во 2009. Од тогаш сме виделе милион приказни со инвазии на вонземјани, а втората епизода ме потсети дека овој тип на серии последен пат беа актуелни во 1997. Тоа му доаѓа како сега да правиш серија ко The Twilight Zone. Ни треба нешто ново, аман.

Овој тип на серии, продукциски слични, како The 4400, па дури и Terminator: The Sarah Connor Chronicles не проаѓаат кај мене, иако се интересни на почетокот. V е тапа уште од старт, ама ќе пробам да и дадам шанса, ќе ја гледам бар следната епизода.

Приказната веќе ја спомнав во минатиот пост, значи вонземјани, лизард пипл, доѓаат на Земјата како доброчинители, миротворци, нудат технологија, мед, млеко, згодни плави тинејџерки, ама местат интервјуа, манипулираат со јавноста и разбиваат мали групи што пружаат отпор. Не ми е јасно зошто вонземска цивилизација која е далеку помоќна од луѓето, едноставно не збрише се, па нека си колонизираат на раат... Океј, цепидлачам сеа, ама бар да беше интересна серијава, вака ете се фаќам за глупости. Не очекував многу, а добив помалку од тоа што барам...

November 13, 2009

Квалитетна домашна музика

Факт е дека имаме доста квалитетна музика која некако паѓа во сенка на шундот кој упорно владее со години у вукојебинава, но сепак успева да го најде патот до слушателите. Решив да споделам неколку изданија кои денес потешко може да се најдат низ продавнициве, а верувам дека има луѓе кои би биле заинтересирани да ги имаат во било каков формат. Доколку некој од изведувачите, издавачките куќи или некој директно поврзан со албумиве подоле има проблем со тоа што се ставени за даунлоуд, нека пише, одма ќе ги тргнам.

ВЕРКА - Jaggah (2003)
Верка се бенд од Делчево и стилот си го декларираат како "џага" метал. Некоја нивна комбинација на тогашниот популарен ну-метал звук и етно елементи. За жал, квалитетот на Верка не успеав да го забележам тогаш, кога бев музички затупен, а бендот праеше партал на сцената. Ги заслушав асално пред две-три години и сега знам за каков одличен и уникатен бенд станува збор. Не знам што се случува денес со нив, знам имаа свирка во "Хавана" годинава и толку. Освен овој албум, немаат друго издание, барем не нешто ново. Штета ако Верка останат на Jaggah.

MOSAIQUE - ? (2000)
Памтам кога се појавија, само што и нив ги заслушав нешто покасно. На сцената беа поприсутни и од Верка, а ги снема исто така нагло. Бендови со огромен потенцијал, стварно штета. Знам дека имаше планови и за втор албум, но за жал никогаш не го дочекавме. Стилот им е многу сличен на Rage Against The Machine само со многу повеќе џез елементи, скречовите на Славе и куп други интересни детали. Имаат и закон преработка на "Зајко Кукурајко" со спотче, не успеав да го најдам нигде, се вртеше порано често на телевизија. Сепак, мене хитот од MosaIquE ми е "Најдобриот непријател".

ЧИСТА ОКОЛИНА - Новиот Аспект на Старата Школа (2001)
Нека каже некој дека "Пуздер" не е една од најдобрите песни снимени тука. Исто како Верка, касно видов дека Чиста се генијален бенд, иако не слушам многу хип-хоп. Како и повеќето, останаа само на едно издание, добија култен статус и огромна група на фанови. Денес дел од нив се со фамилии, други си бркаат своја кариера и филм, а со некои играм Меџик, пошто го држат "Гоблин." :) Закон бенд, супер музика и текстови, баш деновиве гледам на Фејсбук се организираат фановите и бараат реоформување. Незнам што ќе се случи, а би сакал да ги гледам Чиста Околина во живо, ако не сите, барем дел од нив на куп.

November 9, 2009

Thor Modan, Dun Argol, 77 левел...

Мило ми е што Neverendless-WoW го спуштија xp rate-от пола од тоа што беше, зошто вака можам да играм квестови за левелирање низ Нортренд што со Друидот немаше потреба да ги играм. Има интересно место во Гризли Хилс, зона за левелирање од 73-75 левел, Dun Argol, уште еден рудник на Џуџињата. Рудникот е изграден на неколку нивоа, на планина и е една од најубавите градби во Гризли Хилс. Квестовите што се земаат пред рудникот и се извршуваат горе, работат супер, така што успеав да го излевелирам Паладинот до 77 левел и конечно да изучам cold weather flying за маунтот. Исто така билдам jewelcrafting и mining професии.

Пред тоа играв неколку квестови во Thor Modan, уште еден рудник со интересна приказна и потсеќа малку на Ајронфорџ. Рудникот е разрушен од Џинови, па затоа Dun Argol служи како база за Џуџињата. Забегав скроз со приказнава у WoW, сега спремам да читнам и нешто од стриповите, за книгите и немам баш многу слободно време.

Ајде скриншоти.

November 4, 2009

Уште еден WoW пост...

Како го средија Neverendless WoW серверот деновиве, одамна не ми било волку ќеиф да играм. Апдејтуваа на 3.2.2а верзија и сега работат 95% од квестовите, спелови, талентите и се останато. Играм квестови што никогаш не работеле. Спуштија и xp rate, така што сега е потешко за левелирање од пред некоја недела, додека беше 3.1.3 верзијата. Тргнаа и WarpNPC-то па така што сега нема телепортирање и гага бафови, а и идиотско ганкање.

Е, сега, има ситни багови, ама брзо ги средуваат. Некад има дисконектирања што ептен курчат, вчера имаше и мал ролбек, денес гледам средиле, играв неколку саата без проблеми. Работат и некои ад-они што не работеа пред апдејтот. Сега серверот има капацитет од 4000 луѓе, скриптирани инстанци и станува се подобро. Сум играл на многу приватни сервери и овој е можеби најдобриот. Vote shop-от не им работи денес, а подобро ќе им биде воопшто да не го враќаат назад или па да го стеснат изборот. Може да се гласа за добивање на секаква опрема, дури и епик ствари.

Кренав Ферал Друид 80-ти левел, конечно го прошетав Нортренд, барем онака грубо, колку да ги разгледам зоните. Сега левелирам Паладин, Друидот ми здосади и не е баш за мене. Некако навикнав на играм Паладин на другиве сервер, знам како се игра класата, позгоден ми е за PvP, левелирање, рејдови и целото злато ќе го фукнам на него. Пошто го скинаа vote shop-от, сега лесно се прави злато во AH.

October 31, 2009

Crapwerk Horror Show

Фан сум на хорори уште од дете. Имам голема колекција, филмови собирани некои седум години. Одамна се спремав да пишувам околу омилените, а денес имам и (глупа) причина за ваков пост. Еве неколку хорор филмови што ми се особено драги и сакам да ги препорачам. Има уште многу други што ги имам намерно испуштено, а спремам нешто и за нив.

1. The Omen (1976)
Долго време The Omen го сметав за омилен филм, со тоа и омилен хорор. Го гледав речиси секој ден, дури и денес знам цели дијалози од филмот на памет. Откако синот на американскиот дипломат Роберт Торн (извонредна улога на Грегори Пек) ќе почине при раѓање, ќе го замени бебето со друго бебе, без да и каже на сопругата. Испаѓа дека тоа е всушност синот на Сатаната и може да се убие само со Седумтте бодежи од Мегадо. The Omen е сеуште ненадминат хорор до ден денес, нема филм со толку морбидна атмосфера и таква музика како на Џери Голдсмит. Филмот има уште три продолженија и еден римејк.

2. Halloween (1978)
Не може "Halloween Special" без овој филм. Верувам дека сите имаат гледано барем еден дел. Јас ги сакам само првите два, другите се океј се до последниот пред римејците на Роб Зомби, Halloween: Ressurection. Комплетна утка што ја закопа франшизата која колку толку мрдна со Halloween: H20. Мајкл Маерс ми е омилениот убиец од слешер хорорите. Кога пробаа да го објаснат однесувањето на Мајкл Маерс, тогаш почна да тоне Halloween ко франшиза. Добро, тоа и смртта на еден од клучните актери, Доналд Плисенс.

3. Re-Animator (1985)
Осумдесетите според мене се златното доба на хорор жанрот. Тогаш се појавуваат сите слешер франшизи што за жал денес се мртви поради идиотските безбројни продолженија. Re-Animator бега од тој тренд, накај андерграунд хорор-гор жанрот кој во тоа време е популарен во многу потесни кругови. Се работи за хорор-комедија, најдобрата од овој жанр, инспирирана од дело на Лавкрафт. Херберт Вест, ексцентричен студент на медицина, патентира "лек против смрт" со кој оживува мртви луѓе. Проблемот е што лекот ги оживува само физички, додека се ментално сеуште прилично мртви, па имаат само инстинкт за преживување и обожаваат да напаѓаат луѓе. Има уште две продолженија, исто добри, а веќе неколку години се најавува и четврто, каде што докторот Вест ќе се обидува да го врати во живот починатиот американски претседател. Поради овој филм, Џефри Комбс ми е во топ 10 актери. А, да. Требаше да има и серија, ама не знам што се деси со тоа.

4. Saw (2004)
Повеќе пати сум спомнувал, и на Crapwerk, дека Saw ми е еден од омилените хорори. Уникатна приказна, нов стил на хорор кој комплетно го редефинираше жанрот денес. Успеа да се пробие низ купот клишеизирани хорори и да си најде своја публика што ќе дава пари за лоши продолженија како што беа последните два филма. Новиот излезе деновиве, според рецензиите бил добар, го сметаат за најдобар после првиот, речиси и да нема негативна критика. Ќе го гледам кога ќе излезе на подобра снимка. Saw кецот е извонредно искуство првиот пат кога се гледа, има изненадувачки крај што може да се доживее само еднаш. Вториот дел не беше толку лош, третиот така-така а за другите два, веќе пишував тука.

5. [REC] (2007)
Пред [REC], до сега ме имаат исплашено само два филма, They (1993) и Grave Secrets: The Legacy of Hilltop Drive (1992) и тоа пред повеќе од десет години. [REC] е шпански филм, снимен со минимален буџет, без сетови и со една камера. Снимен е во стил на документарец, откако ТВ екипа ќе биде заробена во зграда во која има нешто што не е баш природно и човечко. Баш тоа што делува реално, го прави филмот толку језив. Има и американски римејк што не планирам да го гледам, а се има и втор дел годинава, директно продолжение на првиот, шпанскиот.

October 30, 2009

Трејлер и вести за последната сезона на Lost

Не ми се верува дека Lost завршува и дека волку брзо проаѓа времето до почетокот на последната сезона. Дефинитивно најдобрата серија некогаш снимена и мило ми е што ја следам додека се прикажува. Последната сезона ќе почне кон крајот на јануари следната година и требаше да заврши некаде во мај. Е сега, после неколку епизоди Lost ќе паузира до март поради Зимските Олимписки Игри. Глуп потег на ABC да ги стопира сериите, бидејќи ЗОИ во САД ќе се прикажува на NBC. Ко малку да чекавме и да си идеше без прекини до сега...

Се појави и тизер трејлер, уште една глупост, зошто нема ниту една секунда нов материјал од новата сезона. Продуцентите одлучиле да не прикажуваат ништо ново до премиерата на првата епизода.

Едвај чекам јануари, а ќе пројдам и низ паузата. Чекав толку години за крајот, па два месеци не ми се проблем. Знам дека конечно се ќе се објасни и ќе ни биде многу подосадно во иднина...

Загревање за Avatar

Без разлика дали и колку е филмот квалитетен, ако успее да и го привлече вниманието на публиката уште во рана фаза на продукција, тоа се сигурни пари од кино салите бар првата недела, што би рекле и на Грајфер. Со Avatar е слична ситуацијата, го следат медиумите, а и гиковите. Џејмс Камерон се враќа на СФ жанрот како режисер по повеќе од десет години, освен ако некој го рачуна Aliens of the Deep. Да потсетам дека Џејмс Камерон не е само 'the director of Titanic', туку јебото потпишан како режисер на СФ класики ко Aliens и првите два Terminator филмови. Развојот на Avatar почнав да го следам од пред некој месец, кога се појавија првите слики и првиот тизер трејлер. Еве го новиот, излезе вчера. Мене ми мириса на одличен филм, инстант класика. Ќе видиме во декември.

Џејк, парализиран воен ветеран од Земјата, заминува на месечината Пандора да си го бара лекот. Бидејќи луѓето неможат да го дишат воздухот на Пандора, направени се хибриди, Аватари, помеѓу човек и На'ви, хуманоидната раса која ја населува Пандора. Џејк со неговото ново тело може повторно да оди, и како што може да се види нели во трејлерот, и да скока, а и да брка На'ви девојчиња (Зои Салдана од новиот Star Trek). Меѓутоа, за да не биде се така весело, на Пандора избива војна...

Визуелно, Avatar делува совршено, од тоа што можев да видам од трејлерот, само што ја приметувам една работа повеќе. Целата атмосфера во трејлерот, освен машините и другите хајт-тек ствари, многу ме потсеќа на World of Warcraft. На'вите изгледаат слично со Night Elves, Пандора има елементи од WoW зони, има некои суштества што личат на змејови... Како да гледам трејлер за WoW филмот. Ако веќе биде филм, сакам да видам нешто вакво. Ќе муабетиме повеќе за ова кога ќе го гледам Avatar...

October 24, 2009

Terminatwerk

Под влијание на никотин, кофеин и C#, успеав да го создадам Terminatwerk T-600 кој ќе биде пратен во минатото да ми мавне заушка пред да напишам некои срања што сум ги објавил на блогов. Постови што ми е глупо да ги читам, а тука се, постојат за да посведочат од какво гомно еволуирал Crapwerk. Факултет за гејминг, Дај нека помине... се само дел од нив. Да беше блогов хартија, ќе посакав да си го избришам газот со колекција од вакви чкртаници.

Со ова, предизвикав и темпорален парадокс (Дали Terminatwerk ќе може да ми мавне заушка и за овој пост?) кој планирам да го средам откако ќе ми пројдат испитиве и колквиумиве, значи, за една недела. До тогаш, на Crapwerk ќе се тркалаат грмушки ко у вестерн, а ја ќе сум под таков стрес, што теоретски би можел да предизвика краток спој кај скиентолошкион геџет.

Гледам како се запустува блогов кога сум зафатен. Не дека се форсирам за пишување, само што некако се навикнав да чкртам за поголемиот дел од стварите што ги гледам, читам или играм. Фатив 80-ка на WoW, навечер гледам трета сезона The X-Files и деновиве фурам на Windows 7. Најдобар Windows после XP, таман после полагањава ќе можам асално да пишам што и како е.

За крај, да кажам само дека Terminator Salvation е лош филм. Нема да навлагам зошто, очигледно е, незнам само кај ми бил паметот откако сум излегол од кино... А, за ептен на крај, на Warcraft III на Garena го јадам од тие гиковите ко пијана средношколка на матурско вече...

< /terminate >

October 19, 2009

20 години The Simpsons

The Simpsons го слават својот 20-ти роденден. Цртаната серија која ми го обележа детството, доживеа 21 сезона со вкупно 445 епизоди и еден долгометражен филм, што излезе во 2007. Плус огромен број на игри, стрипови и куп други ствари. Не знам што се случува денес со серијата, не ја следам редовно, имам гледано негде до 17-та или 18-та сезона, а првите 10 сезони ги имам гледано најмалку три пати, уште кога ги даваа на телевизија.


Дома ги имам до 18-та сезона, знам да си пуштам некоја епизода од време на време, особено старите кои голем дел ги знам на памет. Хуморот неможе да се мери со генијалноста на Family Guy или South Park, но ликовите тука ми се подраги од било кои други и баш поради тoa, серијата ми е секогаш интересна. Квалитетот е одамна опаднат, меѓутоа гледам дека и понатаму си фураат и успеваат да задржат доволно публика за уште сезони. Не верувам дека имаат нешто ново да понудат, ќе ѕирнам баш кога ќе немам нешто друго за гледање, а сигурен сум дека ќе траат повеќе од било која друга анимирана хумористична серија која се прикажува денес.

По овој повод, фановите ќе може да земат учество на натпреварот во создавање на нов карактер кој ќе стане дел од серијата.

October 11, 2009

Warcraft III на Garena

Wacraft III: The Frozen Throne играм со години, а никогаш не сум играл на Garena, Battle.net или нешто слично. Играм онака, аматерски, во LAN или против компјутер. Денес инсталирав Garena, баш да видам како се игра Warcraft "професионално". Лесно се наоѓа друштво за играње, повеќе се игра тимски 2 на 2, 3 на 3, меѓутоа има и соби за еден на еден. Изиграв три партии, првата со рендом армија, ме даде со Undead, ме решија од двете страни за помалку од 10 минути, еден со Human армија, другиот со Demon Hunter. Колегата од тимот (некој копиљ од Полска) се исклучи додека ја рушеа мојата база, па дека имаше Night Elves пробав нешто да се спасувам, али џабе. Играат тука, не се заебаваат.

Втората партија си играв со Night Elves, мојата раса, 3 на 3 партија и тепавме. Се погодив со тип што играше Undead во тим, па лесно влеговме во база со Фрост Вирмови и Кимери. Најинтересно е 3 на 3, на поголеми мапи, да можеш одма да завземеш рудник и да се развиваш на раат. Третата партија онака, бев на лошо место на мапа, па го изедов прв. :)

Гледам има фори некои што не сум ги знаел. За градење на база, редослед на војска, херои... Така да, читање туторијали не помага, Garena бара само вежбање. Ќе видиме деновиве тоа.

October 9, 2009

V: Нова инвазија

На Земјата никогаш не и се доволни инвазии од вонземјани. Неисцрпна тема, одамна присутна и милион пати интерпретирана на различни начини. Дури и V. Станува збор за римејк на серија од 80-тите, со вонземјани кои доаѓаат на Земјата со навидум добри намери, за потоа да се испостави дека се всушност lizard people кои и не се баш пријателски расположени.

Серијата обработува една од поидиотските теории на заговор за расата на луѓе-гуштери кои според Дејвид Ајк, го контролираат светот. Пред неколку години гледав некои документарци поврзани со типов, и неговите идеи се во најмала рака смешни. Друг пат за него, сега сакам да кажам нешто за серијава. Очигледно, ABC си планираат уште една серија која ќе ја пополни дупката после Lost. Сметам дека FlashForward има поголем потенцијал да го стори тоа, отколку V, пред се поради посвежата тематика и интересот на публиката. Вонземјаните не се толку популарни како порано.

Во V, вонземски бродови се појавуваат над поголемите главни градови низ светот. Вонземјаните велат дека се спремни да ги потпомогнат луѓето, со цел да ја стекнат нивната доверба, додека тајно спремаат инвазија и превземање на Земјата. Дел од луѓето се исплашени, додека останатите ги прифаќаат вонземјаните и се спремни да живеат со нив.

Знам дека звучи интересно. Старата серија (има и филмови, и мини-серијали) ја немам гледано, ама сум читал нешто порано. Новава почнува со прикажување на 3-ти ноември. Има интересен кастинг, а автор е типот на The 4400, Скот Питерс. Не дека не знае да направи серија, туку незнае да го задржи вниманието на публиката. The 4400 пропадна, а типов е инволвиран и во најлошите сезони на The Outer Limits. Ќе видиме, очекувам добра-пилот епизода, ако ништо друго.

На официјалниот сајт има трејлер, слики и други информации.

October 8, 2009

Трејлер за римејкот на A Nightmare on Elm Street

Колку и да е трагично, изгледа единствен спас за оживување на култните слешер серијали од 80-тите се римејциве, откако ги усраа со идиотски продолженија како Jason X, Halloween: Resurrection и последните Hellraiser филмови.

На ред е A Nightmare on Elm Street. Истата судбина како филмовите погоре. Трејлерот се појави пред некој ден, може да се ѕирне на линков. За разлика од Friday the 13th римејкот, работен од истава екипа, ова ми делува како поверно на оргиналот од 1984. Или бар трејлерот е така склопен да ја наведе публиката на тоа. Не ми се свиѓа новиов Фреди Кругер (Џеки Ерл Хејли), за мене Роберт Инглунд е Фреди.

Филмов излегува на 30-ти април 2010. Има време, до тогаш треба да видиме уште неколку дебилни продолженија, како Saw VI на пример...

October 4, 2009

World of Warcraft викенд: Назад на OmegaWoW

Не планирав да се враќам на blizzlike сервер, а уште помалку на OmegaWoW откако ми го скинаа златото, ама ете ме пак. И тоа на OmegaWoW. Добив назад се, освен златото, ама што ќе правам без тоа. Си направив Dwarf Warrior, моментално 16-ти левел, плус имам 400 и кусур vote points, така да, ете ми опрема/злато. Не дека неможам да ги потрошам за паладинот, туку сакам да играм Алијанса, а џуџињава ги немам играно многу одамна. Сега се левелирам во некои зони кај што не сум стапнал повеќе од година и ми е ептен интересно. Плус на OmegaWoW квестовите работат супер, па нема проблем за фаќање левели. Дроп рејтот е ептен Blizzard, собрав некоја опрема колку да не умирам брзо, плус торбици неколку, па поените од гласање ќе ги трошам понатаму. Ќе се моткам што е можно подолго низ Азерот, малку да избегам од шемата што ја цепам последнава година, со левелирање во Беренс/Ешенвејл/Танарис. Ми здосадија тие места веќе.

Neverendless-WoW се сјеба тотално, паѓа на секои 10 минути, ни новиот хардвер не им помогна, па ќе сределе во текот на неделата. А, таман го кренав Night Elf друидот на 27-ми левел. Додека не го средат како што треба, ќе си играм на OmegaWoW. И, кога нема да ме мрзи да се левелирам, зошто сега ми е најбитно убаво да го видам Нортренд, а не на instant 80 сервер. Или ритејл.

Проблемот е што уште неделава ќе имам слободно време да играм WoW на два сервери...

October 3, 2009

Пет минути од 2012

2012 е еден од најисхајпаните филмови годинава, базиран на исто така исхајпан настан кој наводно треба да се случи на 21 декември 2012 година. Во некоја друга прилика ќе пишам повеќе за календарот на Маите и неговото завршување во 2012.

Значи, според толкувањата на календарот на Маите, крајот на светот ќе се случи баш на датата погоре, исто како што, нели, имавме крај на светот на почетокот на 2000. Филмов ги раскажува настаните на 21-ви декември 2012, за време на глобалната катаклизма. Веќе сме виделе купишта вакви филмови, така што овој не нуди ништо ново, освен поквалитетните специјални ефекти. Во овие пет минути од филмот кои вчера се појавија по разни сајтови и блогови, го гледаме уништувањето на Калифорнија и дел од изјавата на гувернерот (тип што го глуми Шварценегер). Не ми е јасно само како луѓево успеваат цели пет минути да се буквално чекор понапред од бранот кој го руши градот и да се извлечат без влакно да им фали. Добро е што сум навикнат на вакви претерувања кај овој тип филмови, па и не ми пречи баш многу.

Филмот излегува во ноември. Се надевам дека ќе го донесат во Рамстор, да немора да чекам уште месец дена за подобра снимка.

Еве ги петте минути од 2012.

September 30, 2009

Селење на Neverendless-WoW

Да, зошто мојата кариера како Blood Elf Paladin на OmegaWoW заврши откако го апдејтуваа серверот на 3.1.3 верзија и избришаа се што имав. 72 левел, без никаква опрема, без злато, без ништо...

Neverendless WoW е high xp rate сервер, баш каков што ми треба во моментов, зошто и немам баш многу време за трошење и левелирање на blizzlike сервери. Си направив Night Elf Druid (немам одамна играно Алијанса) и го кренав до 14-ти левел. Баш го начекав серверот во момент кога имаат технички проблеми, па сега почна да паѓа и на неколку минути. Утре ќе го мењаат хардверот и ќе биде во ред. Има околу 2000 онлајн играчи постојано, вендори што телепортираат до битни локации и нудат бесплатни бафови, гласање за опрема и минимален број на багови. Ме зачуди што работат некои квестови што не се сеќавам дека работеле на други приватни сервери. Плус, никогаш немам видено толку многу луѓе во Телдрасил како тука.

Ќе почекам до утре да го отстранат проблемот, да се излевелирам и асално да го видам Нортренд.

September 29, 2009

Family Guy: Почеток на осма сезона

Какво отварање на новава сезона Family Guy... Епизодите со наслов "Road to..." секогаш им биле меѓу најдобрите, а првава од осма сезона, "Road To Multiverse" инстантно ми стана омилена од ваквите. Нема да одам во детали, поради спојлери, туку ќе кажам само: Дизни универзумот. (океј, спојлер е)

Family Guy пичи напред и не познава граници. Сет МекФарлејн оди во крајности и знае како да испорача таков генијален хумор што се двои од било што друго денес на телевизија. Затоа е и толку успешен и стои зад моментално најдобрата анимирана хумористична серија. Сигурен сум дека следните пет сезони Family Guy ќе фура со истиот квалитет. Сезонава инаку требаше да почне со пародијата на The Empire Strikes Back, меѓутоа решија да ја одложат дури за крај, негде на пролет, заедно со пародијата на Return of the Jedi. Така ќе биде комплетна Star Wars пародијата што ја почнаа со "Blue Harvest".

American Dad прекинав да гледам негде на средина на четврта сезона. Досадно. Како МекФарлејн да си ги чува добрите идеи за Family Guy. Незнам што нуди The Cleveland Show, а не ни планирам да дознаам во брзо време.

September 28, 2009

Аниме на месецот: Bokurano

Кога го открив Bokurano, сосема случајно, и видов за што станува збор, се замислив само за количината на квалитетно аниме кое лежи закопано, неоткриено и натрупано со шунд од типот на Dragon Ball Z. Станува збор за генијална серија, речиси совршена и не ми е јасно како со години успеала да привлече внимание на толку малобројна публика. Не ме чуди како претходно немав чуено за Bokurano, а оргинално се има прикажувано во 2007.

Приказната на прв поглед делува наивно и детски. Група од 15 деца, скучуваат договор со сомнителен програмер, за учество во игра каде што ја бранат Земјата од напади на mecha роботи управувајќи со нивниот робот Zearth. Е, сега Bokurano е борба со роботи, колку што Lost е авионска несреќа на пуст остров. Bokurano е приказна за животот, пожртвуваноста, личните приоритети, завиена во чудовишниот Zearth. Уникатна СФ приказна, на моменти дури потресна и сурова. Цената која се плаќа за да се одбрани сопствената планета и животите на блиските не е воопшто мала, а е уште полошо кога се нема избор.

Малку ме разочара крајот, не очекував така да заврши, но доколку завршеше поинаку, ќе се изгубеше поентата. Сепак, крај со малку поинтензивни настани, не е лоша идеја. Bokurano има 24 епизоди, брзо се гледа, само бара малку повеќе внимание и трпение на почетокот. Пак ќе повторам, анимето не е борба меѓу mecha роботи, иако првите неколку епизоди делуваат така.

За крај, линк до најавната шпица. Песнава ми е хит откако ја слушнав првиот пат.

September 27, 2009

Transformers: Revenge of the Fallen (2009)

Да го гледав Transmorphers: Fall of Men, можеби вториов Трансформерс немаше да биде најлошиот филм за 2009. Не дека имав големи очекувања, но сигурно не се надевав на толку глупости во еден филм што трае неиздржливи 150 минути. Ефтин хумор како во Американска Пита 9, цел саат непотребни сцени, олигофренични Трансформери и никаква конзистентност во приказната, го спречуваат Transformers: Revenge of the Fall да добие и прелазна оценка. Последните 30 минути прекинав и да следам што се случува.

Ајде по ред. Има еден куп тинејџерски комедии каде што главниот лик заминува на колеџ, родителите му се со незавиден коефициент на интелегенција, па целиот хумор се базира на комбинација од овие елементи. Нема никаква поента да го гледаме истово и во Трансформерс филм. Голем дел од непотребните сцени што ги спомнав, се баш со овие очајни обиди за хумор. На другата страна се двата Автоботи што зборат на црнечки сленг, што голем број фанови, а и медиуми, ги искритикуваа дека поттикнувале расна дискриминација. Искрено, ме здоболе за тоа. Јас ќе ги искритикувам продуцентите за дебилниот потег, што го преполниле филмот со вакви идиотизми, далеку од било каков хумор. Не верувам дека за наменети за помладата публика, освен ако филмов нема некоја едитирана верзија каде што се тргнати бројните вулгарни реплики.

Кога Transformers: Revenge of the Fallen не се обидува да биде комедија, има "сериозни" сцени со Трансформери кои изгледаат како биолошки да остареле, имаат метална брада, бастун и се сенилни. Иако можат да изразуваат и силни емоции, ова не престана да ми биде чудно.

Шаја и Меган Фокс ми станаа најодвратните фаци во Холивуд, така да нема да потрошам ни збор повеќе за нив од оваа реченица. Филмов нема никаква приказна, туку е колаж од случајно нафрлани сцени, така да на секои 10 минути скока во друг хаотичен правец. Бидејќи сите ликови имаа по вкупно 8 минути време, не видовме никаков развој, а камоли Трансформери. Освен ако немало Трансформери во неколку сцени со експлозии кај што има само чад, оган и метал и едвај може да се забележи било што. Елементот за забава е сведен под нулата, не ми се верува дека нешто што е базирано на искучително забавна серија/линија играчки може да има ваков исход. За жал, ни специјалните ефекти не го вадат, денес и А1 Метео има исти такви...

Првиот беше подобар. Сега е време конечно Transmorphers да добие шанса.

September 25, 2009

Првата епизода на FlashForward

Ноќеска беше прикажана првата епизода на новата серија FlashForward. Рип со лош квалитет од епизодава почна да се врти низ интернетов уште пред една недела, но решив да почекам. Само што ја изгледав првата епизода и сум задоволен од серијава. Интересен почеток, успеа да покрене еден куп мистерии што верувам дека ќе се објаснуваат споро како во Lost. ABC добро знаат дека ваков тип на серии проаѓаат кај публиката.

За приказната пишав во минатиот пост. Сите луѓе во светот, во исто време губат свест и додека се во таа состојба, свеста им е пренесена шест месеци во иднината. Значи, секој си добива 2:17 минути флеш од неговиот живот во иднината. Кога ќе се разбудат, ќе го затекнат светот во (буквално) катастрофална состојба. Причините се непознати, а главниот лик, ФБИ детективот Марк Бенфорд, започнува истрага. Дали е таен експеримент на Владата, вонземјани, природен феномен или нешто друго, се надевам ќе дознаеме за период пократок од три сезони.

Споредбата со Lost е сепак неизбежна, бидејќи има куп референци и горе-долу работите се одвиваат со сличен интензитет баш како и пилот-епизодата на Lost. Дури има и Oceanic Airlines билборд. Ликовите делуваат стандарни за ваква серија, но мислам дека самиот концепт на FlashForward дополнително ќе ги менува и обликува, бидејќи нивните цели и мотиви допрва треба да бидат дефинирани. Вака, на прв поглед делуваат како купче ликови извадени од Lost или било која друга драма. Актерската екипа е составена од познати фаци, а камео имаше и Сет Мекфарлејн. Ме изненади кога се појави, не очекував, а сега читам дека ќе се појавува и понатаму.

Серијава носи огромен потенцијал во себе, речиси како Heroes во првата сезона, пред комплетно да заебе. Но, Lost е при крај, па мислам дека ABC нема да дозволи FlashForward да отиде во погрешна насока. Почетокот беше одличен, ајде да видиме уште една квалитетна серија.

September 24, 2009

Почнаа сериите...

Септември е месецот кога поголемиот дел од сериите што ги следам редовно, почнуваат со новите сезони. Минатата недела започна The Office, а оваа ги донесе новите епизоди на The Big Bang Theory и How I Met Your Mother.

The Office имаше одличен почеток на сезонава, иако по просечната петта сезона немав којзнае колку големи очекувања. Хуморот спласна, ликовите некако се истрошија, но со последнава епизода успееа да ме убедат дека сепак серијава може да испорача свеж хумор. Отварањето на епизодата е веќе класика, веднаш си најде место меѓу најдобрите отварања на The Office епизода. Шест сезони до сега, не верувам дека Тhe Office ќе истрае уште долго, но очекувам многу подобра сезона од минатата. Првата епизода од новава сезона може да се симне преку овој линк.

The Big Bang Theory е релативно млада серија, сега започна третата сезона. Серијава ја следам од почетокот и веднаш успеа да ми го привлече вниманието. Не знам уште колку долго четирите физичари ќе се обидуваат да функционираат заедно со не толку интелегентната комшика, пред да стане досадно, но сега за сега серијата е феноменална. Последнава сезона почнаа премногу да го форсираат ликот на Шелдон, многу повеќе отколку што треба, па додека им снема материјал, Шелдон ќе заврши носејќи ја цела серија на негов грб, што воопшто не ми се допаѓа. Пред и Шелдон да стане досаден, се надевам дека ќе се посветат и на развој на другите ликови, зошто веќе почна да се осеќа сенката која тој ја фрла.

How I Met Your Mother ја избегнував долго време, за летово конечно да седнам и да изгледам четири сезони за една недела. Класичен ситком, ништо што веќе не сме виделе до сега. Но, некако ликовите ми се многу посимпатични од класичните ситком ликови, ситуациите ми се многу пореални, само што со самиот концепт на серијата, знаев дека нема How I Met Your Mother нема уште долго да трае. Петтава сезона се надевам дека ќе биде последна. Веќе немаат каде со приказната, станува монотоно, а Барни, кој што беше еден од движечките елементи во серијата, доживеа трансформација која не му прилега на ликот, меѓутоа наговестува правец кој е одличен за добар завршеток на серијава. Се надевам дека нема да има враќање назад, зошто на сите ни е здосадено да чекаме да се открие мајката на децата на Тед. :) How I Met Your Mother можеби и нема да ја следам секоја недела редновно, зошто ми е многу позгодно да изгледам неколку епизоди по ред.

Остана уште Family Guy наредната недела и вечерва Flashforward. The Clone Wars продолжува во октомври. South Park не следам веќе цела сезона. Толку од South Park, затупеа исто како The Simpsons. А, Lost, дури во јануари следната година...

September 20, 2009

Новата генерација гејмери

Видеово доволно кажува за тоа како новата генерација гејмери, помлади и од првиот PlayStation, како ги доживува 8-bit игрите на конзоли како Nintendo NES и старите аркади. Мислам дека нема потреба од коментар. Навистина е жалосно што децата денес никогаш нема да можат да ја осетат магијата која ја содржат овие стари игри.

Nerdballon го склопиле ова видео како дел од нивниот Project D кој одлично ја отсликува разликата помеѓу две генерации на гејмери. Еве како 11 годишен фан на Call of Duty и Halo 3 се чувствува после играње на култната Contra:



Во контекст, на ова, ќе линкам три постари текстови објавени на Crapwerk, поврзани со олд-скул гејминг:

September 18, 2009

Сите на куп: The Expendables

Пред година дена го поставив прашањето, Кој сега ќе го спаси светот? и одговорот е веќе во пост-продукција. Сталоне успеа да ги убеди Шварценегер, Долф Лундгрен, Брус Вилис, Џет Ли, Џејсон Статам, Мики Рурк заедно со Ерик Робертс и куп други, да се соберат на едно место и да го направат најдобриот акционен филм на сите времиња. Или најлошиот.

The Expendables
можеби е меч со две острици. Или ќе ги круниса кариерите на актерите кои немаат уште многу до пензија, или невозможната опција, да бидат исплукани и да го загубат угледот кај фановите, како што тоа му успеа на Брус Вилис со Live Free or Die Hard. Невозможна, бидејќи главниот адут на филмот се баш сите овие имиња на едно место, па не верувам дека некој ќе остане рамнодушен или разочаран. Барем сите знаеме што да очекуваме.

Приказната е едноставна. Тим на врвни платеници, се испратени на мисија во Јужна Америка да го убијат диктаторот што ја тероризира околината со години. Шварценегер и Брус Вилис ќе имаат помали улоги, Шварценегер верувам дека нема ни да го приметиме. Ми фалат Курт Расел (не бил заинтересиран за ол-стар филм), Жан Клод Ван Дам (одбил, ко да има други филмови за снимање), Дени Трехо (каде без него?!), Вин Дизел, а Стивен Сегал одбил бидејќи имал недоразбирања со продуцентот. Чак Норис никој не го ни прашал, зошто најверојатно и на Сталоне му е дојдено преку кур од Чак Норис.

Тоа што ме секира, се двете планирани продолженија. Пред се, пола од актерите горе се доволно зрели за пензија, а не се Харисон Форд за да бидат кул и на 90 години, плус сите имаат доволно пари и ќе направат уште многу со филмов. Беспотребни продолженија со пола постава или Кристијан Бејл, не фала.

The Expendables ќе излезе во август 2010. Има време. За продолженија, подобро да нема. Меѓутоа, Сталоне не се дава, во 2011 Rambo V: The Savage Hunt.