December 31, 2006
4:15
December 27, 2006
Дамбо психоделија
Сцената е тешка психоделија, незнам ја на што дроги биле луѓето што го праеле ова. Нормален, трезен човек не прави вакви работи. И ден денес имам кошмари после гледањето на сцената со ебените розеви слонови. А за тоа музиката колку е забегана, ич не праам муабет...
Вакви мрднати работи имам гледано само во старине руски цртани. Ама, за тоа, во друга прилика.
December 23, 2006
Clerks II
Оваа година излезе и вториот дел на Clerks. Нормално, со поголем буџет. :) Clerks II е супер филм, но не е толку добар како првиот. Искрено, очекував да има преџвакување на стари финти од првиот дел, ама згрешив! (како можев да посомневам во еден од најдобрите режисери у свет!?!?)
Што се случува во Clerks II? Данте и Рендал, и после толку години работат во истото дуќанче од првиот дел. Арно ама, се случува тоа што случува (нема да го откријам тоа, сами гледајте!), и завршуваат во ресторанот за брза-храна, Mobby's. Ресторанот се појавува и во Dogma, исто така филм на Кевин Смит. Нормално, пред ресторанот се Џеј и Сајлент Боб. :)
Има некои нови ликови како шефицата на ресторанот, и вработениот што е навлечен на Lord of the Rings и The Transformers.
Очекував многу повеќе од филмов, повеќе ликови, повеќе хумор... Е, сеа, да. Има некои ТОТАЛНО ЗАБЕГАНИ делови од филмот, како на пример Kinky Kelly, и плус уште некои, ама можам на прсти да ги набројам. Од првиот дел памтам каде-каде повеќе сцени/реплики. Ќе беше многу бољи Џеј и Сајлент Боб да бидат повеќе застапени у филмот, ама јебига. Верувам дека Смит знаел што прави...
Во секој случај, филмот би им се свиѓал и на тие што не го гледале првиот дел. Сепак, препорачувам да го гледате првиот пред да го гледате овој.
Линкови: 1) Clerks II на IMDB 2) Clerks II на МФФ
December 14, 2006
Агентите 007
Како и да е, ќе го гледам Casino Royale кога ќе излезе на ДВД, бидејќи ми се превртуваат цревата од лоши кино-снимки. Тогаш ќе видам дали навистина го бива Craig или не.
Еве, мој личен осврт на претходните 007 агенти. Немам фаворит, бидејќи сметам дека секој беше добар на свој начин.
Sean Connery - според многумина, најдобриот и единствен Бонд. Конери направи одлични Бонд филмови, постави одредени стандарди и засекогаш ќе биде запамтен по оваа улога. Го сакам како актер, како Бонд, и нема промашено ниеден од неговите Бонд филмови.
George Lazenby - сними само еден филм. Лично, ми се допадна On Her Majesty's Secret Service, и Lazenby како Бонд. Не знам зошто не успеа да сними бар уште еден филм.
Roger Moore - иако не изгледаше како оној Бонд што го претстави Конери, Мур ги сними моите омилени 007 филмови. Има посебен шарм, смисла за хумор и го претстави Бонд во малку поинакво светло. Одличен Бонд!
Timothy Dalton - добро, зошто никој не го сака Тимоти Далтон?! Според мене, се покажа феноменално како Бонд, двата филма со него беа сосема океј. Требало да му се даде барем уште еден филм.
Pierce Brosnan - Бонд на мојата генерација. Имаше Бонд фаца. GoldenEye е еден од моите омилени филмови. Според некои, најдобар Бонд. Дури подобар и од Конери. Ама што да правиме што последните два 007 филмови со него, не беа како што треба? Не е он крив, туку сценаристите и режисерите.
Намерно ги испуштив актерите од неофицијалните и телевизиски верзии на Casino Royale, бидејќи овде збориме за "официјални" 007 агенти.
December 6, 2006
Counter Strike, пак?!
December 4, 2006
Таксират 8 Aftermath
Значи, како и обично, се нацртав таму уште пред 19:00. За среќа, не каснеа многу, и влеговме во празната сала. Приметив дека голема толпа на луѓе е собрана кај еден шанк. Се тепаа да земат гага маици. Нормално, и јас ко лакомо копиле земав, но откако толпата се разотиде. :)
Бев во првата хала, и се каам што не си земав блок-карта, ама нема везе, затоа се досадував/нервирав неколку саата... Одиме со ред:
BllaBllaBlla - ги гледам по не знам кој пат, и се досадни како и секогаш. Можеби си имаат своја публика, но мене воопшто не ми се интересни и забавни. За среќа, траеа кратко.
Обојени Програм - досадно, ужасно... свиреа околу 45-50 минути. Траеше ко цела вечност. За среќа, си фатив ќош од халата, и се одседов таму, пушејќи цигара по цигара.
Van Gogh - првиот пат кога ги гледав, умрев од досада/нервоза, бидејќи отвараа за Metallica во Белград. Е, сеа да ти ги стаат Van Gogh саат време пред Metallica, нема да умреш од досада?! Инаку, ги сакам Van Gogh. Ми се свиѓаат, и имаат стварно некои добри ствари. Се нацтав што поблиску до бендот. Ги свиреа Mama, Vrteska, Da li Zna, Spisak Razloga и плус уште некои. Јас ги чекав Opasan Ples и Neko Te Ima. Од првава го отсвиреа само рефренот, и тоа во некоја глупа верзија, додека Neko Te Ima, ја имаше во 2-3 верзии...
Iggy Pop & The Stooges - Ристо Вртев излезе и го најави. Имам некоја доза на почит за Иги, ама неможам да му ја поднесам музиката. Отидов напред, колку да го видам што има да понуди. Првите 2 минути беше интересен, поседовме со друштвово некои десетина минути, и се вративме со нашиот ќош од халата, седејќи кај парното. Тој саат и пол на Иги беше најдосадниот од цел Таксират. Звучеше како една иста песна да свири цело време. Не ја изведе песната која е единствена што ја поднасам - "The Passenger". Заклучок: Иги е досаден колку што е стар!
Kultur Shock - Признавам, ги дознав кога беа најавени. Описот ми беше интересен, симнав еден албум, па друг, па трет... бендов ме освои на прво слушање, и бев сигурен дека ова МОРА да се види во живо. Не знам како да го дефинирам стилот на Култур Шок, свират преработки на балакански изворни песни, во некои рок/панк/метал верзии, нормално задржувајќи го изворното. Им ги знаев сите песни, а приметив дека помалку од 10 луѓе ги знаеа. Ги спичија Romana, Horse Theif, God Is Busy - May I Help You, Nadija, Nano Mi Hermano.... дури и беа викнати на бис (Иги не беше, ХА!), и ја отсвиреа мојата омилена - Hashishi! Според мене испаднаа поголеми ѕвезди од Иги... Публиката скокаше, се шуткаше, се играа ора и чочеци... абе лудница! Единствено нешто што ми беше позитивно овој викенд, беа токму Култур Шок.
Се на се - најслаб Таксират на кој сум бил. За наредна година, ќе мора да има повеќе од еден добар изведувач за да отидам.
Се надевам дека некој ќе има живци да ја прочита исцрпнава рецензија. :-)
П.С. Во многу рецензии за Таксиратов сретнав дека Kultur Shock ги пишуваат Culture Shock. Епа, не се пишува така. :-)