January 21, 2007

Писмо

Драг Дедо Мраз,
Знам дека е рано за писмово, ама решив сега да ти го напишам, зошто знам дека во Декември имаш многу повеќе работа и си зафатен сo читање други писма. Знам дека сега си слободен, и дека ќе го прочиташ ова. Овие три недели од 2007 сметам дека бев добар и дека заслужувам да ми ги исполниш желбите. Те молам, направи да положам ВВИ во среда. Мислам, стварно. Знам HTML (глеј блогов како си го средив), така да ако можеш, бар малку да ја гурнеш работата, да ми се падне нешто полесно. Нека е нешто со помалку фрејмсетови, помалце код, и без глупи слики. Првиот колоквиум го положив (ете глеаш, добар сум бил и лани), и сакам да го положам овој, за да не идам на испит. Да не требаше да учам Структуирано програмирање, немаше воопшто да те напнувам со овие глупости.
Успат, ако можеш (знам дека можеш, не си Дедо Мраз за џабе), овозможи ми барем бесплатен дајал-ап после 02.02.07, бидејќи ми истекува две-годишниот АДСЛ договор со МтНет. Океј, знам дека згрешив што потпишав две-годишен договор со нив, ама се надевам дека направив доволно попаметни работи од тоа, за да можеш да ми простиш. Ми треба интернет Дедо Мраз, немаш појма колку многу.
П.С. Извини што јадев гомна за тебе во еден претходен пост на блогот, знам дека често сум серко. Извини.

January 19, 2007

Стрип: Ultimate X-Men

Само што го дочитав последното она што го имам од овој неверојатно добар серијал. Јас имам 71 број + annual #1, а ако не грешам, вкупно се излезени околу 80 броја до сега.

Ultimate X-Men е сместен во Ultimate Marvel универзумот, некој вид на римејк на оргиналниот универзум, направен за да ги привлече новите генерации на стрип.

Приказните во Ultimate X-Men се слични на оние од оргиналните стрипови, нормално тука се и истите ликови, плус-минус. Да бидам искрен, Ultimate X-Men ми се допадна МНОГУ повеќе од Uncanny X-Men. Uncanny X-Men, несомнено биле добри во '60-ите години од минатиот век, но денес не се. Бар на мене не ми се. Не ми се допаѓа како се нацртани, а баш тоа ми е најбитно кога читам стрипови.

Ultimate X-Men е сместен во модерно време, речиси исто како нашето.

Ликовите се добро разработени, така што нема голема потреба од познавање на претходните серијали. Како што кажав, се работи за одличен римејк. Немам никакви забелешки, освен тоа дека Pyro никаде не го видов до сега, и тоа што Nick Fury е црнец.

И да, конечно добив одговор на прашањето "Како е можно Rogue да има секс со некого без да го убие?".

Сега ќе гледам да си ги набавам останатите броеви што излегоа последниве месеци, како и редовно да ги следам тие што ќе излезат. Инаку, имам и некои хрватски изданија од стрипов... ако ви текнува, имаше некаде во 2005 низ трафикиве. После десетина броја престанаа да носат. Срамота. Толку никој не чита стрипови?

Додека да набавам тоа што ми фали, ќе се обидувам да читам мисли, да манипулирам со магнетизам, како и да пробувам да извадам канџи од адамантиум од рацеве...

January 11, 2007

Последен лимит

На 02.02.07 (педерска работа, мамата!) ми истекува две-годишниов договор со МтНет. Месецов, колку и да го стискав шупаков, денес го истрошив последниот килобај од оние црни 4GB дозволен интернет сообраќај. Деновиве се мислев, откако ќе помине, да пушам eMule или uTorrent да си бркаат работа до крај на месецов... што бе, 64kbps, ама нека се симнува.

Се мислев што да биде она што еМулето ќе го отпичи за последен пат. Во изминативе години станав најголем пират у маало. Абе незнам филмови, серии, музика, стрипови, што се' не... па летово ми цркна хард-диск, немав бекап, отиоа 30 гига филмови/серии/музика/стрипови, сосе други мои битни ствари. Океј, тоа е сосема друга приказна.

Симнав доста работи, и се мислев што уште останало. Океј, останало уште многу што сакам да ми се најде во колекција, ама знам дека можам и на друго место да го најдам. :)

Пред неколку саата се решив. Бојан, фала за препораките. :) Симнувам стрипови... Marvel Zombies, Marvel VS. DC, некои Batman мини-серијали... нека шиба ова до крај на месецов. Што се симне се симне. Па, за после ВториВтори, ќе имам друг проблем на ум - каков интернет ќе користам?

Marvel Zombies би требало да е добро стрипче. Marvel суперхероите, ама зомбифицирани, во некоја паралелна реалност or something. Нека се симне, ќе го читнам, па ќе пишам тука...

January 6, 2007

Battle City

Една од моите омилени Нинтендо игри. Ја играв пред некој ден на Нинтендо. Братучед ми има Нинтендо.

Значи, контролираш едно тенкче (се игра и со двајца), и целта е да ги уништиш 20-те непријателски тенкови. А нивната цел е да те уништат тебе или твојата база. Со двајца кога игравме порано, еден идеше да ги тепа непријателските тенкови, а друг ја чуваше базата. Инаку, има и "трепкави" непријателски тенкови, кои даваат разни појачувања и животи.

Тоа што тогаш ми беше најинтересно, е map editor-от. Креиравме наши стази, нормално орелчето во базата ќе го заштитевме со тие белите блокови, што неможеа да ги уништат непријателските тенкови. :) Или па цела стаза со цигли, и потсеќаше на Digger. :)

Играва инаку е од 1985, а деновиве открив дека имало е некоја постара верзија, Tank Battalion.

Battle City се наоѓа и како rom за NES емулатори, мада филингот е на вистинско Нинтендо. Повеќе за играва - тука.

January 3, 2007

Дај нека помине...

Можеби отсуството на празничната еуфорија пред Нова Година го направи крајот на 2006 таков каков што беше. 95% од луѓето со кои правев муабет пред и после 31.12 рекоа дека воопшто не се осеќале како да било "Нова Година". Дали потоплава клима (во споредба со други зими, да, топло е), и недостатокот на снег се погрижија за лошото (пред)новогодишно расположение, незнам. И порано немало снег, па сме се веселеле, нели? :)

Океј, ајде да не зборам во името на други луѓе, иако делиме исто мислење во однос на празнициве.


Едвај чекам да можам пак да шетам по мојата улица без да ги гледам глупавине шарени сијалички што ја свират Џајант Болз.. овај, Џингл Белс.. Секоја втора куќа има сијалички во дворот, по терасите, по прозорите. Што е ова? Факинг Крисмас Таун?!


Едвај чекам да поминат празнициве и да се врати се во нормала. Да се отрезнат луѓево, и да функционираме како порано. И конечно децава да се стишат со петардите.