April 28, 2007

Какви печурки јадеше Супер Марио?

Сигурно ви текнува дека Супер Марио јадеше печурки за да порасне и да добие сила? Дали околината на "Super Mario Bros." беше само неговиот трип? Мислам, кога јадеш такви печурки со сомнително потекло и вид, голема е веројатноста дека ќе ти летаат желки и ќе те бркаат измутирани змејови.


Јадеш бед, ти ја киднапирале девојката... гледаш огнови, светлини, ходајучи печурчиња, трња, треви, се обидуваш да летнеш за да го спуштиш знамето кај замокот (ај коа не си на печурки скокни така да те видам)... Облачиња ти фрлаат пламени одозгора, ти се стемнува, идеш низ канализации, паѓаш во цевки, те бркаат печурки...

Океј, играта почнува со мал трип, да претпоставиме дека кркал ејсид, ги гледа малите печурки... удира во ѕид, оп.. Amanita muscaria! Ја крка (или ја брка), и станува посилен. Да претпоставиме дека печурката што ја крка на почетокот само му го зголемува трипот од претходната дрога. Пошто пази, го гледа истото што би го гледал и со печурката, само што е немоќен да крши ѕидови, а голема е веројатноста да не ги помине подземните трипови..

Дали претходно јадел псилоцибински печурки? Што се зелените печурки кои му даваат живот?

April 24, 2007

Хагар од Final Fight!

Го гледав Gojira: Fainaru uozu (анг. Godzilla: Final Wars) пред некое време. Филмот е супер, онака, ја обележува 50 годишнината на Годзила и све тоа... Треба да се погледне.

Ми падна во очи Don Frye, кој е во улога на американскиот капетан Гордон. Типот е ист како Mike Haggar од Final Fight играта! Ако некогаш се снима филм според Frye би требало да го глуми Haggar. Изгледа речиси исто како него.

Другата сличност помеѓу Haggar и Frye е тоа што Frye e професионален борач и учесник во Ultimate Fighting Championship, исто како Haggar во играта, само што Haggar не е во UFC.
Дури и тука некаде се во години, ако го земеме фактот дека Haggar во оргиналната Final Fight што сите ја знаеме, има 46 години. :)

April 17, 2007

Лоши филмски продолженија

Последниве неколку години во мода е правење на римејк филмови. Освен посерување на оргиналниот филм, ретко постигнуваат нешто друго. Но, настрана тоа. Има друга работа којашто ми иде на живци, а тоа се продолженијата. Тука се за да искешираат од славата на оргиналниот филм, и во поголемиот број случаи, серат по него, а некогаш и доживуваат големи финансиски катаклизми. Како и да е, еве листа на продолженија кои сметам дека треба да се избегнуваат:

1. Matrix: Reloaded и Matrix: Revolutions

Првиот дел ми е еден од омилените филмови. Имаше приказна, поента, добро сценарио... пример за добар и комплетен филм. Вториот и третиот дел, колку и да се визуелно интересни на моменти, некако ја пренатрупаа приказната и ја одведоа во сосема друг правец. Од СФ трилер, филмот стана СФ акција пренатрупана со досадни ефекти.


2.
Friday the 13th продолженија
Има ли крај на сагава? Само првиот и вториот дел се добри, другите ги имам од колекционерски причини. Интересни се за гледање, но само по еднаш. Некои се крајно дебилни и забегани. И ме нервира што Џејсон го направија бесмртен.
Jason X е еден од најлошите филмови снимени било кога.

3.
Batman & Robin
Од Бетмен филмови ги прифаќам само оние два на
Tim Burton. Во Batman Forever можеше да се види дека Џоел Шумахер не го бива за режисер на Бетмен. Пред се, Вал Килмер не беше погоден за улогата на Бетмен/Брус Вејн. Реализацијата на филмот можеше да испадне многу подобра, но тоа е тоа. Следниот филм, Batman & Robin беше комплетно разочарување за повеќето Бетмен фанови. Имаше интересни моменти, но и УЖАСНО лош кастинг, лошо сценарио, приказна режија.. Џорџ Клуни е одличен актер, дури и сам се кае што се појавил во филмов. Не личеше воопшто на Бетмен филм и беше пренатрупан со недоработени ликови и претерани специјални ефекти.

4.
Butterfly Effect 2
Тотално непотребно продолжение на феноменален филм. Приказната е иста како во оргиналниот, но многу лошо изведена. Повеќе би рекол дека е римејк, отколку продолжение. Освен
ефектот, нема други допирни точки со првиот. Додуша, има мала референца која го спојува со првиот, но е далеку од потребно. Самиот филм е непотребен.

5.
Kickboxer 5
Секогаш кога треба да набројам лоши продолженија, го спомнувам овој. Слоун е мртов тука, и друг тип ја одмаздува неговата смрт. Доволно?

Има уште многу кои не ги спомнав. Ќе пишам продолжение на текстов кога ќе имам повеќе време.

April 11, 2007

Силата

Кодексот на Џедаите


Нема емоции, има мир
Нема незнаење, има знаење
Нема страст, има спокојство

Нема хаос, има хармонија
Нема смрт, ја има Силата

* * *

Кодексот на Ситовите

Мирот е лага, има само страст
Преку страст, добивам цврстина
Преку цврстина, добивам моќ
Преку моќ, добивам победа
Преку победа, се ослободувам од ланците
Силата ќе ме ослободи

* * *

"Tell me what you regard as your greatest strength, so I will know best what to undermine you. Tell me of your greatest fear, so I will know what I must force you to face. Tell me what you cherish most, so I will know what to take from you. And tell me what you crave, so that I might deny you" - Darth Plagueis

April 4, 2007

Lost виц

Q: Колку ликови од Lost се потребни за да се смени сијалица?
A: Доволен е еден, но ќе му требаат три сезони.

April 2, 2007

Linux: Инсталација на OpenSuSE 10.2

Инсталацијата на openSuSE 10.2 (последната верзија до сега), е прилично едноставна, па секој кој инсталирал Windows XP пред тоа би се снашол. Дури и тие што првпат сами инсталираат оперативен систем. openSuSE 10.2 е нормално, бесплатен за симнување. Инсталацијата е на 5 CD-a, или едно DVD. Нормално, ако имате DVD-ROM/RW, симнете ја DVD инсталацијата, да заштедите време и нерви. Инсталационите дискови можете да ги симнете тука. Да почнеме.

Значи, потребна ви е слободна партиција. Не е потребно да имате креирано Linux партиција претходно, бидејќи при/пред инсталирањето на openSuSE 10.2 има можност да се избрише старата (пр. FAT32, NTFS) и да се креира нова, со Linux file system. (пр.ext2, ext3)

Првиот чекор би било ставање на DVD/CD-то во соодветниот оптички уред (hint: не е флопи драјв). DVD/CD-то само ќе се boot-ира, и ќе излезе едно мени со неколку точки. Избирате installation. Следи подесувањето на јазик (има и македонски) и прифаќањето на license agreement-от. Потоа следува подесувањето на временската зона, и на крај работната околина. Двете најкористени Linux работни околини се GNOME и KDE. За ова планирам посебен текст, до тогаш пролистајте нешто сами. Јас користам KDE.

Потоа следи, Installation Summary. Самата инсталација предлага да го форматира целиот хард-диск, и да направи свои партиции. Внимавајте, зошто ако стиснете next, отиде другиот оперативен систем (доколку го имате) заедно со податоците. Има опција да се избере празната партиција, другите да останат недопрени, додека таа партиција можете да ја избришете и да направите нова, како што спомнав погоре. Откако ќе го направите ова, проверете дали под Partitioning стои дека партицијата ќе биде форматирана во Linux file system, па стиснете next.

Почнува инсталацијата, но пред да почне, ќе бидете прашани, кои софтверски компоненти да ги инсталира. Ако не сте сигурни, или ви е првпат, оставете како што е, и притиснете next. Инсталацијата трае пократко од инсталирање на Windows XP. Откако ќе заврши инсталацијата, следува сетирање на root лозинка, вашиот акаунт, сетирање на интернет конекција, online update (оставете го ова за подоцна), креирање на други акаунти/users, конфигурација на хардвер (проверете дали се е препознаено од вашите хардверски компоненти, но, веројатно се ќе биде) и тоа е тоа.

Системот се reboot-ира, а за тоа време извадете го DVD/CD-то од уредот. Доколку имате два оперативни системи, ќе ви понуди да изберете (избирате openSuSE 10.2, нормално), а ако не, директно ќе се подигне. Тоа е тоа. Запознавајте се со новиот оперативен систем. :)

За видео туторијал на openSuSE 10.2, клик тука.