April 29, 2009

X-Men Origins: Wolverine

Секако дека бев возбуден кога дознав дека се снима филм за почетоците на Вулверин, со Хју Џекмен во главна улога. Следев речиси се што се случуваше со филмот и се повеќе се плашев од кастингот, а особено од Лив Шрајбер (Сејбртут). Типот ми е антипатичен уште од малата улога во Scream трилогијата...

Филмот се сними а пред месец дена се појави и нелегална workprint верзија на филмот, со недовршени специјални ефекти на некои места, но со DVD квалитет на снимката. Не знам како толку голема компанија дозволи да се случи вакво нешто, па дури и новинарот кој напиша рецензија на workprint-от остана без работа, а последно што прочитав е дека осомничениот за пуштање на оваа верзија е некој од австралиското студио кое работело на ефектите на филмот. Битно, за еден ден, филмот беше симнат 75,000 пати.

X-Men Origins: Wolverine позитивно ме изненади, можеби поради тоа што имав навистина мали очекувања. Не сум доволно компетентен за да зборувам за сличностите со стрипот, бидејќи незнам многу детали за почетоците на ликот, освен тоа за Weapon X кое во филмов беше прикажано баш како што го знаев претходно, како и делот со војните.

За чудо, кастингот колку и да изгледаше лошо, некако сите успеале да се вклопат солидно. Хју Џекмен го обожавам, неможам да замислам друг за Вулверин. Можеби не е совршениот избор и неговиот Вулверин не е комплетно верен на стрипот, но одлично си ја врши работата. Сејбертут е исто добар, ме изненади, иако мислев дека ќе ми го заебе филмот. Камео улоги на други мутанти, Скот Самерс, Ема Фрост, (ужасен) Дедпул и нормално, изненадувањето на крајот што не го очекував. Тука е и Гамбит, со промашен акцент, но изгледа исто како во стриповите. Гамбит ми е еден од омилените ликови и мило ми е што конечно го видов на филм. Штета што ликот не е толку познат за да добие сопствен филм.

Да резимирам. X-Men Origins: Wolverine е солиден филм. Не би можел да го споредам со X-Men трилогијата, ќе мора да го гледам уште неколку пати. За разлика од The Incredible Hulk кој тогаш ми остави позитивен впечаток, а денес не го ни памтам, е ремек дело. Wolverine ќе го гледам пак, со довршени специјални ефекти, се разбира.

Инаку, поради leak-натиот workprint, конечната (изменета) верзија ќе се обидат да ја извадат со неколку алтернативни завршетоци кои едвај чекам да ги видам. Денес е премиерата на филмот во Британија, а на први мај ќе биде прикажан и во САД.

April 23, 2009

Добро што им текна...

Конечно ми стигна пакетот од Wizards of the Coast, со пластичната DCI картичка за која сум регистриран од јануари 2005! Доцнеше поради некои фрки со акаунтот, но добро што воопшто стигна.

Добив и неколку textless карти (стандардна испорака после одиграни пет официјални турнири) кои ќе ми бидат доста корисни плус една голема верзија на Spellbreaker Behemoth за украс. Во писмото пишува дека треба да има и Cryptic Command, ама изгледа заборавиле да стават. Како и да е, сега редовно ќе добивам вакви пакети.

За некој ден ќе биде и пририлисот на новата едиција, Alara Reborn, а најавени се две нови, Magic 2010 (за летово) и Zendikar (октомври). Ќе пишам повеќе за ова деновиве.

April 22, 2009

The Jedi Code

Не сум воопшто религиозен, не поддржувам никакви религиозни доктрини, но морам да признаам дека одредени работи Кодексот на Џедаите ми се исклучително занимливи за разгледување/ проучување. Пред се, се работи за елемент кој поткрепува дел од Star Wars сагата и е тука за да ја направи приказната поинтересна и подетална, и покрај тоа што огромен број фанови ширум светот го имаат прифатено ова како религија. Во секој случај, далеку е “побезбедна” од останатите религии.

Кодексот на Џедаите претставува збирка на неколку принципи според кои Џедаите го одредуваат начинот на живеење. Со придржување до Кодексот, Џедаите успеваат да остварат само-контрола, да ја надминат потребата од материјалното, поинаку да гледаат на поразите, да научат правилно да ја употребуваат Силата и ред други работи кои можеби и (не)намерно ќе ги испуштам, бидејќи не би сакал да навлегувам премногу во детали.

Првобитната верзија, изгледала вака:

Emotion, yet peace.
Ignorance, yet knowledge.
Passion, yet serenity.

Chaos, yet harmony.

Death, yet the Force.


Актуелната верзија, гласи вака, со тоа што во некои записи четвртиот ред е изоставен:

There is no emotion, there is peace.
There is no ignorance, there is knowledge.

There is no passion, there is serenity.
There is no chaos, there is harmony.
There is no death, there is the Force.


Следуваат толкувањата:

There is no emotion, there is peace
Џедаите во никој случај не го отфрлаат постоењето на емоциите, туку работат на нивно разбирање и потиснување, со цел да постигнат внатрешен мир. Како што вели Јода, “Fear leads to anger. Anger leads to hate. Hate leads to suffering.” Што ќе се случеше доколку Аникин успееше надвладее со сопствените чувства?

There is no ignorance, there is knowledge
Знаењето е моќ, ова дури и за Џедаите е битно. Но, овој дел се толкува малку поинаку. Џедајот треба секогаш да има отворен ум и да не ги потценува другите и да умее разумно да согледа и да се справи со дадена ситуација.

There is no passion, there is serenity
Многу слично со првото, барем на прв поглед. Ова се однесува на ситуации кај што Џедајот би можел да биде воден од чувства во момент кога би требало да биде сконцентриран на постигнување на одредена цел. Џедајот мора трезвено да расудува во дадена ситуација. Страствено користење на Силата води кон Темната Страна.

There is no chaos, there is harmony
Џедајот не треба да го гледа универзумот како хаотично и неповрзано место, туку да научи дека сите нешта се меѓусебно поврзани, функционираат заемно и се зависни едни од други во непрекинат избалансиран циклус.Преку Силата, Џедајот мора да научи да ги прифати и да се справи со сите лоши работи кои може да ги донесе животот. Неуспехот и разочарувањето се неизбежни работи и Џедајот мора да се справи со нив.

There is no death, there is the Force
Редот на Џедаите ја прифаќа смртта како дел од животот. Џедаите треба во секој момент да се спремни да умрат во битка, да не се плашат од смртта, бидејќи Силата продожувааа да егзистира и по нивната смрт.

Ете груб преглед на Кодексот на Џедаите, максимално симплифициран. Подетално има на Wookiepedia . Интересно ми е ова, одамна го планирав, а наскоро ќе пишам и за Ситовите.

April 9, 2009

Welcome back, Frank!

Одамна немам направено пауза која траела повеќе од еден месец, па ми беше навистина чудно (а и драго) кога кликнав на "New Post" копчето. X причини ме спречуваа да објавам било што, иако изминатиов месец се случуваа и добри, интересни ствари кои сакав да ги споделам. Ќе ми треба неколку дена да се ре-адаптирам, да најдам малку време неделава во тесниот распоред, за конечно Crapwerk да си продолжи како што си тераше.

Само што ја изгледав новата Lost, "Dead is Dead". Феноменална епизода, конечно серијата почна да се движи кон кулминацијата која ќе се случи догодина, во последната сезона. По катастрофалниот почеток на петтава сезона, Lost успеа да се врати на вистинскиот пат и повторно да ми го привлече вниманието како некогаш. Да, сосема е изменета, но мислам дека ова е вистинската тема на серијата. Нормално, не е ништо толку добро како првите две сезони, но е далеку поквалитетно од трета сезона, која да бидеме реални, служеше само за да пополни место додека продуцентите размислуваа што всушност ќе претставува серијата. Серијата моментално стои на цврсти темели кои почнаа да се градат уште во претходната сезона. Изнајдоа формула која ќе даде одговор на сите прашања кои ги поставуваа фановите, која ја конечно ја прифатив каква што е, и решив да уживам во серијата. Последнава епизода ми покажа зошто сеуште гледам Lost.

Љубиша пред некое време ми даде теорија која објаснува буквално се во врска со Lost, и иако е неофицијала, секој збор напишан има смисла. Ја прочитав и чекам да видам колку од напишанато ќе испадне точно.

Покрај Lost, редновно следам The Big Bang Theory и The Office, моментално најдобрите хумористични серии кои се прикажуваат. Одамна се спремам да напишам нешто повеќе, па повеќе за нив во некоја друга прилика. Од South Park се откажав по ужасната 12-та сезона каде што го допреа дното и не гледам начин да се извлечат. Доволни беа десет сезони, веќе се прегазија и станаа крајно монотони. Family Guy сега ми е омилено нешто за гледање од овој тип. Со последната епизода "Not All Dogs Go To Heaven" уште еднаш ми докажаа колку се над истрошените South Park.

Без размислување, аниме за месец март е Ghost in the Shell: Stand Alone Complex, серија базирана на најдобриот аниме филм некогаш снимен. Првата сезона има 26 епизоди, дел се секоја за себе, додека друг дел следи поврзана приказна од која ми останаа уште неколку епизоди кои никако да ги догледам бидејќи ми треба посебно расположение кое некако периодов неможам да го подесам.

Бидејќи веќе не симнувам нови филмови и серии, решив интернет сообраќајот (покрај upload-от на RapidShare) да го искористам за PS2 игри. Играм Black деновиве, според 90% од рецензиите, најдобриот first person shooter за PS2. Ги изиграв првите две-три мисии и сосема се согласувам со рецензиите. Баш штета што ја нема играва за PC. Кога сум веќе кај игри, на World of Warcraft сум 60 level на OmegaWoW серверот. Јебига, очигледно нема откажување од WoW, туку само апстиненција...

Magic: The Gathering
немам играно повеќе од месец, исто колку што немаше нов пост на Crapwerk. Се враќам наскоро, плус Wizards of the Coast вчера конечно ми ги испратиле пластичната DCI членска карта + некои други поклони кои ми ги должат со години. Се надевам дека ќе стигнат наредната недела.

Наскоро почнува NBA плејофот. Дебелиот иде у Далас?!