Darth Maul ми е еден од омилените ликови од новата Star Wars трилогија, а верувам и на повеќето фанови. Налетав на Star Wars: Darth Maul мини-серијал од четири броја што мора да го споделам тука, иако не е ништо посебно, но некако успеа да пројде кај мене. Деновиве пак правев Star Wars маратон, па сега си барам нешто ново за читање.

Значи, дејствието е сместено краток период (шест месеци) пред настаните во Episode I: The Phantom Menace, кога речиси никој незнае за постењето на Ситовите. Darth Maul добива наредба од Darth Sidious да направи покољ во редовите на криминалната организација Black Sun, која постои неколку стотици години. Darth Maul со штотуку завршен тренинг, двоен лајтсејбер и фраерски брод (Sith Infiltrator) тргнува да го изврши тоа што му е наредено. Искрено, освен профит не гледам којзнае каква поента во серијалов. Доколку идејата била да покажат колку е Darth Maul моќен, злобен и послушен, сигурен сум дека можеле да најдат некоја подобра приказна. Веројатно ќе треба да си побарам некои други стрипови од периодот со Darth Maul...

Стрипот е издаден во 2000 година од Dark Horse Comics. Клик тука за даунлоуд.

Очигледно некои игри никогаш нема да ги завршам и Tomb Raider: Legend е една од тие. Скоро година откако ја почнав и веќе некое време сум на две мисии пред крај. Обично ваквите добри игри намерно ги играм споро, за уживањето да ми трае подолго, бидејќи ретко кои игри сум ги играл втор пат од почеток до крај.

По година дена бавно "уживање" во Tomb Raider: Legend, мислењето за играва ми остана исто. Ова е најдобрата игра за PlayStation 2 и најдобрата во Tomb Raider серијалот. Legend успева да ги достигне сите нивоа на совршенство кај една игра, од графика, до игривост и приказна. Лара Крофт трага по Екскалибур, низ осум долги мисии насекаде во светот, од древни храмови во Боливија, преку покривите во Токио и Хималајските снегови, па се до гробницата на Кралот Артур каде што сум јас моментално заглавен од декември минатата година (немав играно 6 месеци). Преубави предели, одлично изработени со куп препреки на кои заглавував со саати, за да отворам една мочана врата. Низ мисиите Лара е во постојан контакт со помошникот од Британија, проследено со културен број на сцени кои ја збогатуваат приказната и дозволуваат да земеш здив од постојаното трчање и скокање.

Лара никогаш не изгледала подобро, Karima Adebibe е дефинитивно најдобриот модел за ликот, не ми е јасно зошто мораа да ја сменат за новиве игри. Не дека нешто и фали на девојката од Tomb Raider: Underworld (последната игра од серијалот, излезе минатата година), но Карима одговараше совршено и не изгледаше како ефтина порно ѕвезда.

Летово не ми останува ништо друго, освен конечно да ја завршам Legend за да можам да ги играм последниве две Tomb Raider игри што излегоа за PS2. Незнам каква е верзијата за PC, не се сомневам во квалитетот, но Tomb Raider најмногу ми го прави ќеифот на PS2. А, имам спомнато дека причината поради која купив PSX на времето беше Tomb Raider III? :)

Викендов конечно го гледав Terminator Salvation, и тоа во кино. Веќе два дена се обидувам да напишам нешто за филмов и некако не ми оди ко што сакам. После неколку згужвани драфтови, саати размислување и враќање сцени од Salvation, дојдов до следниов заклучок: Terminator Salvation е океј. Ништо повеќе, ништо помалку, но секако далеку подобар од Terminator: Rise of the Machines.

Да, поразличен е од претходните, има CGI Шварценегер, се случува по Судниот Ден, го има Бејл... Да немаше Terminator во насловот, ќе беше совршениот Б-филм. Интересно е тоа што конечно ја видовме војната меѓу машините и остатокот од човештвото, за која толку се зборуваше во претходните делови. Приказната не беше толку лоша, само што на моменти ми се виде премногу хаотична и тешка за следење, веројатно поради тоа што некои ужасни сцени ми го одвлекуваа вниманието што неколку минути после нив, неможев да прекинам да мислам на ништо друго, освен на грчевите во стомакот. Исфорсирани акциони сцени, тон непотребни експлозии и ефекти - не прават добар филм. Го угушиле филмот со вакви глупости, а од напнатоста која беше карактеристична за првите два дела, ни трага. Покрај тоа, имаше повеќе од доволно модели на Терминатори, ко што вика еден другар, фалеше уште буф Терминатор.

Ајде малку за приказната. Џон Конор е клучна фигура во Отпорот кој се бори против машините. Пораснат е со снимките на мајка му Сара Конор (гласот го позајмува Линда Хамилтон, нормално) која зборува за иднината и што треба да направи за да ги исправи работите. И тука доаѓаме до делот каде што го бара татко му, Кајл Рис (преведен како Кили; со кој памет, неписмени едни?), тинејџер кој потсеќа на младиот Џон Конор од Т2, кој треба да го испрати во минатото, за да се случи најголемиот темпорален парадокс во историјата на филмовите. По низа настани и купишта CGI сцени со млатење роботи, доаѓаме до делот каде што се крчкаат новите T-800 машини кои верувам дека ќе бидат клучен дел од следното продолжение во 2011. Од муабетите до сега, Роберт Патрик изјавил дека сака улога во следниот дел, па баш ќе ми биде мило ако успеат да го изведат тоа некако.

Негде тука ќе завршам, со тоа што ќе кажам дека воопшто не е лош филмот, можеби е малку празен, но остава простор за да се погледне уште еднаш, и тоа во кино, зошто знаеме дека Рамстор тупат со исти филмови со месеци...

Good news, everyone! Futurama следната сезона ќе се врати на Comedy Central со нови 26 епизоди! По четирите долгометражни филмови кои беа издадени директно на ДВД, конечно се сетија дека серијата и е потребна на публиката, а со новите епизоди Futurama ќе добие и нови фанови.

Значи, по шест годишна пауза (никогаш не ми беше јасно како можеа скинат толку добра серија), Futurama повторно на телевизија. Подобри вести деновиве, амин. Редовно си гледам Futurama секоја пролет, маратонот со рендом епизоди за годинава ми заврши, па конечно сега ќе седнам и ќе ги изгледам филмовите на раат, зошто само првиот го имам гледано.

По враќањето на Family Guy и Futurama, мислам дека редно време е да се направи нешто во врска со Firefly...

Искрено, одамна ми е пукнат филмот поради бранот на римејци на стари филмови кој беснее без престан изминативе неколку години и сум преморен да мрчам за тоа. Речиси секој ден читам за нов римејк и сум згрозен. Очигледно Холивуд се наоѓа во некаква креативна метастаза од која нема излез. Наскоро ќе направам една листа на филмови кои ќе добијат римејк, чисто за да се посмееме (или да се расплачеме).

Friday the 13th римејк можеби и не е толку лоша идеја, со оглед на тоа во која безизлезна состојба се најде серијалот по катастрофалниот Jason X. Е, сега, во што е главниот проблем? Како за почеток, ќе кажам дека овој жанр на хорори одамна си го "искасапи" своето, пред некои 20-30 години и едноставно не функционира денес како тогаш. Од златното доба на slasher хорорите, па до денес, видовме милион литри крв инспирирани од филмовите кои го започнаа жанрот и сеуште стојат како цврсти столбови. Видовме уште толку трансформации на хоророт како жанр (Saw е добар пример за ова), и доаѓаме до заклучок дека филмови како Friday the 13th денес не делуваат исто на психата на луѓето како во времето на оргиналниот филм. Значи, конечен одговор - slasher хорор жанрот е мртов. Tочка.

Новиов Friday the 13th не нуди апсолутно ништо ново и невидено. Знаеме кој ќе умре, знаеме кој ќе преживее, знаеме колку е болен Џејсон и што може да направи. Филмот е преполн со клишеа, плитко сценарио и лоша глума. Единствено цицките се подобри од оние од осумдесетите, а рака на срце, неможе хорор без цицки, мора и тинејџерската публика да има на што да се смешка под мустаќ во кината низ Америка. Покрај сето ова, филмот е забавен. Позабавен од другите хорор римејци кои успеав да ги гледам. Најверојатно поради тоа што симпатично ги инкорпорира сите елементи кои ги прават првите три дела интересни.

Иако би го одбрал оргиналот, и новиов може да добие шанса со добро друштво и ладно пиво. А, да. Ќе има и продолжение за две години...

Дали само јас мислам дека ова беше најдосадниот плејоф? Подосаден и од Сан Антонио кога играат. Или можеби е само тоа што немав баш многу време за да ги следам и коментирам мечовите ко што треба. Испаднаа Мајами, па Бостон, па Кливленд... Мајами неможат да играат само со Вејд, Бостон очигледно неможат без Гарнет, а неможев да видам што беше вчера проблемот со Кливленд. Орландо во финале по цели 14 години.

Низ годиниве имам видено куп фан трејлери, фан филмови и слично и првото место кај трејлерите сеуште го држи Grayson трејлерот. Денес налетав на Green Lantern трејлер, со Нејтан Филион во главна улога, склопуван од инсерти од 28 филмови и серии, плус нешто CGI.

Трејлерот изгледа одлично, навистина секоја чест за трудот. Може да се погледне на линков. А, за вистински Green Lantern филм ќе треба да почекаме до 2011.

Еве ја комплетната листа на серии и филмови искористени за трејлеров: Planet of the Apes, Serenity Trailer, Fantastic 4: Rise of the Silver Surfer, Stardust Trailer, The Lord of the Rings - The Fellowship of the Ring, Firefly, Dragonball Evolution Trailer, Galaxy Quest, The Fountain Trailer, Superman Returns Trailer, The Day the Earth Stood Still, Smallville, Justice League TAS, GI Joe Trailer, Contact, Star Trek Enterprise, Star Wars Episode III, The Mutant Chronicles Trailer, Iron Man, Star Trek Trailer, Mortal Kombat vs DC Universe Cutscene, The Chronicles of Riddick, Kamen Rider, Bedtime Stories, Escape from Witch Mountain Trailer, The Matrix Revolutions, The Chronicles of Narnia - Prince Caspian, White Noise 2. Импресивно, нели?

Јас сум комплетно збунет од крајот на последнава епизода од петтава сезона. Да речеме дека тоа што сакаа да го направат Џек и Лок беше успешно, плус да беа објаснети уште неколку работи сезонава и Lost комотно можеше да заврши тука. Не е некој крај што би сакал да го видам, но навистина немам идеја како би можеле да ја завршат серијава. Епизодава дефинитивно беше една од најдобрите и ми ја долови атмосферата од првите две сезони и ми докажа дека Lost е најдобрата серија било кога снимена.

Мистериите се решаваат, се добива смисла и станува уште поинтересно. Не ми се верува колку добро ги поврзаа точките. И покрај муабетите дека сценаристите не го знаеа правецот/поентата на Lost до третата сезона, сега е јасно дека некои од клучните работи кои се моментално дел од серијата, а се чепнати во првите две сезони, не биле толку случајно вметнати тогаш. Навистина секоја чест.

Останува да чекаме да пројде време до јануари следната година за последната сезона.

Ги гледав Bad Copy без Виклер и сега конечно и него, плус Рахмани. Сите информации со дешавкава ги има на постерот доле. За даунлоуд на последниот албум, "Ortaci Ne Znaju" клик на линков.

Замислата ми беше еднаш месечно да објавувам по еден Crapwerk Sci-Fi Special, но некако не успевам во тоа, нели? Повторно имав проблем околу избирањето за долната тројка филмови. Дали да бидат црно-бели Б-филм класици од 50-тите, дали филмови од последнава деценија, или стандардно, моите омилени – Б-филмови од осумесетите и почеток на деведесеттите. Се решив за последнава група, бидејќи ми е омилена и одбрав филмови кои обработуваат сосема различни теми. Мора малку да избегам од киборзи и пост-апокалиптични филмови, па затоа за следниот cSFs ќе спремам нешто поразлично. Ајмо...

2019: After the Fall of New York (1983) Италијанска продукција, интересен почеток, со нарација која ветува многу повеќе и пластична минијатурна верзија од пост-апокалиптичен Њујорк што боде очи, но му дава шмек на филмов. Првите 3 минути. А, очекував навистина многу од филм во кој после нуклеарна катастрофа, завојуван остаток од човештвото и ниту едно родено дете во последните петнаесет години, рип-оф на Снејк Плискин оди во разрушениот Њујорк да го бара чарето. Битно ги искористиле сите костими од локалниот театар...

Universal Soldier (1992) Што е Б-филм без Долф Лундгрен и Жан Клод Ван Дам? Баш размислував кој ми е омилен филм со Ван Дам, и сфаќам дека не ми текнува на некој подобар од Universal Soldier. Ван Дам и Лундгрен се војници (од иста страна) на мисија во Виетнам кои завршуваат мртви убивајќи меѓусебе. Благодарение на таен владин проект, двајцата се вратени во живот како машини за убивање, контролирани како роботи, со избришани сеќавања и кодови наместо имиња. Работите се извртуваат кога дел од сеќавањата ќе почнат да им се враќаат. Одличен акционен СФ, еден од најдобрите од жанрот. Класика. Еден од оние филмови што би можел да ги гледам во било кое време и да не ми биде досадно. Има уште неколку продолженија, имам нешто гледано но не би можел да кажам кој дел е кој. Најверојатно поради тоа што припаѓаат во Z movie категорија...

Tremors (1990) Дали е случајно, незнам, ама секогаш сериски убијци, чудовишта и вонземјани напаѓаат мали и мирни гратчиња низ Америка. Овој пат, гратчето Перфекшн е мета на огромни црви, Грабоиди, што живеат длабоко во земјата. Уникатна идеја, напната атмосфера и актерска екипа која глуми одлично и го прави филмот да биде тоа што е. Еден од најдобрите филмови со чудовишта што сум ги гледал. Може да послужи како пример за тоа како треба да се прават вакви филмови. Има уште три продолженија (ги немам гледано сите), плус серија од 2003. Еве нешто што заслужува да се изгледа маратонски (серијата не, некако се сомневам во квалитетот).

Секако дека бев возбуден кога дознав дека се снима филм за почетоците на Вулверин, со Хју Џекмен во главна улога. Следев речиси се што се случуваше со филмот и се повеќе се плашев од кастингот, а особено од Лив Шрајбер (Сејбртут). Типот ми е антипатичен уште од малата улога во Scream трилогијата...

Филмот се сними а пред месец дена се појави и нелегална workprint верзија на филмот, со недовршени специјални ефекти на некои места, но со DVD квалитет на снимката. Незнам како толку голема компанија дозволи да се случи вакво нешто, па дури и новинарот кој напиша рецензија на workprint-от остана без работа, а последно што прочитав е дека осомничениот за пуштање на оваа верзија е некој од австралиското студио кое работело на ефектите на филмот. Битно, за еден ден, филмот беше симнат 75,000 пати.

X-Men Origins: Wolverine позитивно ме изненади, можеби поради тоа што имав навистина мали очекувања. Не сум доволно компетентен за да зборувам за сличностите со стрипот, бидејќи незнам многу детали за почетоците на ликот, освен тоа за Weapon X кое во филмов беше прикажано баш како што го знаев претходно, како и делот со војните.

За чудо, кастингот колку и да изгледаше лошо, некако сите успеале да се вклопат солидно. Хју Џекмен го обожавам, неможам да замислам друг за Вулверин. Можеби не е совршениот избор и неговиот Вулверин не е комплетно верен на стрипот, но одлично си ја врши работата. Сејбертут е исто добар, ме изненади, иако мислев дека ќе ми го заебе филмот. Камео улоги на други мутанти, Скот Самерс, Ема Фрост, Дедпул и нормално, изненадувањето на крајот што не го очекував. Тука е и Гамбит, со промашен акцент, но изгледа исто како во стриповите. Гамбит ми е еден од омилените ликови и мило ми е што конечно го видов на филм. Штета што ликот не е толку познат за да добие сопствен филм.

Да резимирам. X-Men Origins: Wolverine е солиден филм. Не би можел да го споредам со X-Men трилогијата, ќе мора да го гледам уште неколку пати. За разлика од The Incredible Hulk кој тогаш ми остави позитивен впечаток, а денес не го ни памтам, е ремек дело. Wolverine ќе го гледам пак, со довршени специјални ефекти, се разбира. :)

Инаку, поради leak-натиот workprint, конечната (изменета) верзија ќе се обидат да ја извадат со неколку алтернативни завршетоци кои едвај чекам да ги видам. Денес е премиерата на филмот во Британија, а на први мај ќе биде прикажан и во САД.

За Фејсбук event-от, клик тука. Фала на Миле за постерот.