May 24, 2013

За иднината на Star Wars

Одамна се спремам да напишам нешто за случувањата со Star Wars и Disney и неделава конечно имам добра причина за тоа. Изминативе неколку месеци Disney почна да ја "зачистува" франшизата, правејќи пат за нивното молзење кое допрва треба се случува. Ја укинаа The Clone Wars по петтата сезона, ветувајќи дека ќе добиеме завршеток на серијата во форма на неколку епизоди кои би требало да се појават наскоро. Потоа ги затвори LucasArts оставајќи неколку игри да висат во воздух, меѓу кои и онаа што мене ми изгледаше крајно занимливо, 1313. Иднината на игрите е неизвесна, се чека дали некој друг девелопер ќе ја превземе. Ќе бидам најсреќен и ако дефинитвно се откажат од Star Wars: Detours.

Она што мене ми личи најзагрижувачко е тоа што се планираат повеќе Star Wars филмови базирани на посебни ликови кои би требало да излегуваат секоја година, измеѓу новите епизоди на сагата. За Star Wars Episode VII, потврдени се Кери Фишер, Марк Хамил и (веројатно) Харисон Форд кои ќе си ги репризираат улогите кои ги прославија (или им ги уништија кариерите на првиве двајца). Тоа се можеби добри вести, доколку некој мисли дека овие тројца може да ги носат ликовите приближно како некогаш. Лично, повеќе од една минута не би сакал да ги видам. Ако веќе е одлучено за продолженија, оставете ги ликовите таму каде што припаѓаат - во оргиналната трилогија. Лукас се обиде да ги поврзе трилогиите со тоа го исфорсира секој ебен лик во приквелите и јасно ни е колку лошо излезе тоа. 

Меѓутоа, најстрашното нешто за Episode VII е што Џ.Џ. Абрамс е потврден како режисер. Мислам, од толку режисери, искусни и млади чие време допрва доаѓа, некој решил дека баш Џ.Џ. Абрамс е тој што треба да ја води франшизата. Сериозно? Нели веќе упропастува други "гиковски" влажни сништа? За да биде уште потрагично, Дејмон Линделоф почнува да фигурира како еден од можните сценаристи. Дејмон факинг Линделоф. Не знам, мене уште ми горчи од очајното сценарио на Prometheus. Очигледно Disney се свесни дека било што Star Wars е сигурен профит, па играат на "звучни" имиња кои апсолутно не значат квалитет.

Сепак, побитно е во која насока ќе ја тераат приказната, а има многу. Претпоставувам дека на крајот ќе се одлучат за нешто свежо, баш какво што треба. Иако нема да биде ни приближно до оргиналната трилогија, шансите да ги срамни приквелите се некако поголеми. Дури и со шабан како Џ.Џ. Абрамс. Освен ако не си скроз мајстор, па да се посереш комплетно до степен да Џар Џар Бинкс добие оскаровска вредност. Моментално не би се кладел на ништо, да оставиме настаните да си се развиваат. Има време до 2015. 

Во меѓувреме, една фина вест. Мислам, фина во споредба со мраковиве што ги верглам погоре. Есента 2014 ќе видиме нова анимирана серија, Star Wars: Rebels, сместена меѓу двете трилогии! Пред еден месец имаше шпекулации за серија Reclamation, со приказна измеѓу оргиналната трилогија и оваа што доаѓа, ама изгледа ништо со тоа. Можеби и тука ќе го видиме Вејдер, а не во Episode VII. Disney не се откажува од него, а серијава е одлична шанса да продадат некоја играчка, без да ја серат оргиналната трилогија во филмовите. Измеѓу приквелите и оргиналната трилогија има дваесетина години и простор за приказната која ќе ја наследи The Clone Wars. Со надеж дека ќе се сконцентрираат на нови ликови и дека ќе го избегнат Хан Соло. Не е тешко, остајте првото појавување да го има во кантината на Татуин.

Disney се огромна корпорација и често знаат што прават и што носи профит. За бренд како Star Wars, нема дискусија исто, само полека. Ќе донесе пари и квалитет. Дајте ни го тоа. Вие сте единствената надеж...

May 18, 2013

Финалето на The Office

По девет сезони, The Office конечно ја заокружи приказната за вработените во Dunder Mifflin која почна во 2005. Последнава сезона воопшто не ја следев, финалево беше уствари единствената епизода која ја гледав. Откако замина Мајкл, истераа фина осма сезона, но серијата беше далеку од тоа што беше претходно. Не дека Стив Карел ја носеше серијата, туку уште во последната сезона со него, квалитетот некако почна да опаѓа. 


Финалето е сместено една година по прикажувањето на "документарецот" кој ги следеше ликовите низ цела серија, односно на свадбата на Двајт и Анџела. Не знам што се случувало низ сезоната, но иако ги затекнав ликовите во сосема друга состојба откако престанав да гледам, некако лесно се вклопив. Пример, Двајт беше на фотелјата на Мајкл, позиција што ја бркаше сезони наназад. Има и некои нови што не ги знам, ама не добија баш некое големо внимание тука. Сепак, поената на финалево очигледно беше да се спојат оние кои беа суштината на The Office, а ја напуштиле серијата во текот на сезоната. 

Како за последна епизода, одлично изведено. За мене, прилично емотивно и носталгично. Баш онаков фин завршеток каде што секој си го добива посакуваното и си продолжува со животот. Dunder Mifflin продолжува со работа, но сите ликови се распрскаа на различни страни. Гостувањето на Карел беше очекувано. Можеби делуваше и малку исфорсирано неговото присуство тука, меѓутоа тоа е веројатно зошто сценаристите не сакале да го украде целото внимание (или зошто Карел е малку поскап сега и не му се замара со серии). Мајкл си го имаше својот момент кога ја напушташе серијата и го предаде микрофонот. Издржаа две сезони без него, па и немаше некоја потреба сега пак да е "ѕвездата". Тие неколку минути со него беа супер. Со толку малку време, ова ќе да е најдоброто што можело, сепак фалеше на забавата во самата канцеларија.

The Office ми останува во омилените ситкоми. Првите неколку сезони се маестрални, без разлика на тоа што последниве години почна да се осеќа заморот и недостатокот на идеи. Јебига, секоја серија затупува после толку епизоди. Последнава сезона не верувам дека ќе ја гледам, зошто веќе се имав простено со серијата.

May 15, 2013

RIFT бесплатна од јуни

Претпоставував дека Trion ќе ја укинат претплатата за RIFT во текот на оваа година, меѓутоа не очекував дека толку рано. Значи, од 12-ти јуни, играта ќе биде бесплатна со 2.3 апдејтот, нормално со одредени ограничувања и микротрансакции. Од табелата достапна на официјалниот сајт, органичувањата не изгледаат толку страшно, доколку останат само овие.


Штета. Откако експанзијата не ги исполни очекувањата и си замина Скот Хартсман од тимот, играта продолжи да оди по надолна линија. Сè уште има играчи, барем последниот пат кога проверив, но потенцијалот за жал, тресна во ѕид. Премногу имам вложено во RIFT (дури и годишна претплата која сеуште ми е активна), и верував дека ќе остави белег на жанрот, па затоа ми е криво што работите се доведени до оваа ситуација. 

Дури сега, со конкуренцијата на F2P пазарот, играта ќе се изгуби во безбројните слични наслови. Бизнис моделот со кој ќе продолжи да функционира е ефективен, но содржината од експанзијата нема како да ги задржи играчите. Доколку беше истиот менаџерски/продуцентски тим кој ја донесе до Storm Legion можеби и имаше некаква надеж. Вака, со новиве фаци кои и баш не знаат што прават, не ми изгледа дека играта има светла иднина. Спасот веројатно лежи во некоја мини-експанзија колку да се понуди нешто ново, а моментално ништо такво не е најавено.

Значи, сите заинтересирани за RIFT (доколку воопшто има такви), ќе може бесплатно да ја играат за некоја недела.

May 13, 2013

Најава: Agents of S.H.I.E.L.D.

Филмската франшиза на Marvel се сели на телевизија оваа есен. Agents of S.H.I.E.L.D. (клик тука за промо видео) ќе се врти околу група агенти на... кхм.. S.H.I.E.L.D. предводени од Фил Колсон кој веќе го видовме во неколку претходни филмови. Последен пат во The Avengers нели, заради што серијата прво ќе треба да појасни како преживеал. Но, ова е стриповски универзум, а објаснувањето ќе го добиеме од никој друг, туку Џос Видон кој уствари стои зад серијава. 


Повеќе фактори укажуваат на тоа дека од есен ќе уживаме во квалитетен продукт кој би требало подлабоко да ги чепне активностите на S.H.I.E.L.D. и она што го прават кога не се расправаат со суперхерои и нивните душмани. Со самото тоа што е серијата е сместена во истиот универзум, се остава огромен простор за помалку познатите херои на Marvel, пред сè зошто "големите" се скапи. Во секој случај, јас сум веќе задоволен од тоа што го знам за серијава и тоа ми е повеќе од доволно за од септември да ја следам редовно. Видон е мајстор на занаетот и мило ми е што пак доби телевизиска шанса која сигурен сум дека ќе ја искористи како што најдобро знае. 

Приказната ќе биде сместена по настаните во The Avengers и Колсон ќе го придружуваат уште неколку агенти кои изгледа се смислени специјално за серијата. Никаде не видов дека се појавуваат во стриповите, а тоа и не е баш битно во моментов. Значи, ете серија за гледање од есен, таман нешто што би пополнувало време до продолжението на The Avengers и стварите од истиот универзум што треба да излезат во меѓувреме. Серијата ќе оди на ABC и твојот омилен торент тракер.

А, да. Уште една работа за која треба да е човек среќен што е Marvel фан... Уствари две работи. Avengers Assemble и Hulk and the Agents of S.M.A.S.H. летово. Одлично одиграно, Дизни, одлично.

May 12, 2013

Крај на четвртата сезона на Community

Заврши четвртата сезона на Community, после месеци натегање, одложување и 13 епизоди. За жал, отсуството на создавачот на серијата Ден Хармон, како и неколку сценаристи и продуценти, остави белег на серијата, правејќи ја бледа сенка на она што го гледавме изминатите три сезони. Уште на самиот почеток се осеќаше дека нешто не чини и продолжи така до самиот крај, оставајќи ја иднината на Community неизвесна. За среќа, пред некој ден серијата беше обновена за уште една сезона со 13 епизоди, меѓутоа без Чеви Чејс кој исто така си замина. 


Главниот проблем е веројатно во новите сценаристи кои упорно пробуваа да ја шлепаат сезоната на стари финти што веќе се заморни и истрошени. Особено во првите епизоди каде што серијата доаѓаше до точка на неподносливост. Сепак, добрите приказни и ситуации понатаму успеаа да направат некаков баланс, што и покрај просечноста успеа да ме задржи до самиот крај на сезоната. И повторно со стари штосови, некако добивме задоволително финале кое меѓу другото, го отпиша и Пирс на Чеви Чејс. Покрај несогласувањата со Хармон, Чеви збореше дека Community му била наголемата грешка  иако токму оваа серија го врати назад од мртвите. Сериозно, кариерата му беше сопрена некаде пред дваесетина години и ова му беше некаква втора шанса. Штета, Пирс ќе фали во следната сезона. 

Очигледно Community ќе успее да си ги оствари "шестте сезони и филмот." Иако најпаметно ќе беше да се заврши со оваа сезона пред работите да станат уште полоши.

May 11, 2013

Нови MMO игри на Marvel и DC

Годинава Мarvel и DC ќе понудат две нови мултиплеер онлајн игри, бесплатни, со микротрансакциски модел. Конкурентните стриповски гиганти објавуваат игри кои се различен жанр, па на играчите е да одлучат кој сетинг повеќе им одговара. 


Marvel Heroes моментално е во фаза на отворена бета, баш овој викенд. Последниот пред да биде официјално објавена на почетокот на јуни. Marvel Heroes е класична акциона RPG игра, во стилот на Diablo и Torchlight и е дело на ветеранот Дејвид Бревик, додека за приказната е задолжен Брајан Мајкл Бендис. Играчите ќе може да одберат херои од огромната палета на Marvel, истите да ги собираат за својата колекција и за некој долар да купуваат различни костими. Играта ќе содржи познати локации од Марвеловиот универзум каде што ќе може да се пресметуваме со најгнасните негативци предводени од Doctor Doom.

Моментално во бетата се достапни 26 херои за играње, а за официјалното лансирање се најавени уште неколку. За нестрпливите достапни се Founder пакетичња кои доаѓаат со бонус херои, костими и овозможуваат предвремен влез во светот на Marvel Heroes.


Infinite Crisis е MOBA игра базирана на истоимениот популарен серијал на DC. Играта ја развива Turbine, компанијата која стои зад Lord of the Rings Online. Моментално нема потврден датум на излегување освен тоа дека ќе биде оваа година, а во тек е регистрација за отворено бета тестирање. Хероите и негативците со кои играчите ќе може да играат припаѓаат на повеќе универзуми од мултиверзумот на DC, што значи дека ќе има различни верзии на еден ист херој. 

Покрај класичната мапа од DotA и League of Legends, Infinite Crisis ќе содржи и уште неколку други, со различен гејмплеј и стратегија. Претпоставувам дека ќе вадат по неколку нови херои месечно, зошто во моментов во затворената бета достапни се само 12, од кои 3 се различни верзии на Бетмен. Доколку успее ова, а некако ми изгледа дека ќе, MOBA жанрот ќе си добие уште една квалитетна игра.

May 2, 2013

Iron Man 3 (2013)

Го гледав Iron Man 3. И супер е, наспроти сите негативни коментари што ги прочитав изминативе два дена. Го немало Тони Старк доволно во оклопот, глуп бил пресвртот, крајот и не знам што уште друго... Мене лично, ми пружи два саата чиста забава и моќна стриповска атмосфера. Ќе се потрудам да пренесам нешто, со минимум спојлери. Љубиша има одлична рецензија за филмот, комплетно без спојлери

Приказна е делумно базирана на арк на Ворен Елис, Extremis, и е сместена по настаните во The Avengers. Тони Старк е во незавидна ситуација после тие случувања. Иако сеуште е истиот шизик, психата му е малку разлабавена, па секојдневието му е збогатено со панични напади и анксиозност. Постојано е во работилницата каде што склопува нови оклопи, без спиење и одмор. Во меѓувреме, светот го тресе терористот Мандарин (Бен Кингсли е цар, секогаш и секаде), кој покрај другото, се обидува да дојде и до претседателот на САД. А, и Extremis тука е присутен во форма на не толку успешен лек за регенерирање човечки органи, кој од "пациентите" буквално прави бомби. 

Мене баш ми се свиѓаше тоа што Iron Man 3 нуди малку поинаков Тони Старк. После три филмови, освежувачки е тоа што ликот направи ваков прогрес и видовме една поинаква страна. Доколку претходните два Iron Man филмови имаа одредена доза на "реализам", овој пат си добивме некакво фино стриповско шаренило кое супер си функционира. Не е ништо понападно од The Avengers! Сценариото можеби знаеше да зашкрипи на моменти, меѓутоа хуморот е задржан на ниво на ликот, а харизмата на Роберт Дауни Џуниор успешно вадеше некои ситуации каде што под други околности би фрлал со шишиња кон платното во Синеплекс (срање е и тука 3Д-то, мада мислам дека е до мене тоа).

Iron Patriot беше закон момент, иако различен од тоа што е во стриповите, ама верувам дека морале да напишат нешто за War Machine, па си рекле, зошто да не ова. Закон момент мислам за самиот оклоп, ликот за жал беше тука колку да го има. Гај Пирс инаку имаше фин перформанс, колку и да ликот му беше клише негативец со мотив што си го видел веќе секаде. За Бен Кингсли како Мандарин, не би зборел понатаму, тоа треба да се види. Изненадувањето ме удри по глава, апсолутно немав такво очекување. А, крајот на филмот има уште едно изненадување, кое е за дискусија со спојлери. Заокружи некаква целина и баш ме интересира што ќе се случува понатаму со ликот. Четвртото продолжение е неизвесно, мислам на The Avengers, секако.

Iron Man 3, со сите свои маани е сепак подобар од претходниот и од повеќето филмови со херои од Марвел. Не ги разбирам плукањата, сериозно. Следно е Thor: The Dark World.