July 31, 2011

Captain America: The First Avenger (2011)

Captain America: The First Avenger пристигна и кај нас, на зачудувачки квалитетна кино-снимка, неколку дена откако излезе во вистинските кина низ светот. Ќе го прескокнам кукањето околу немање кино-сали кај нас и ќе зборам за тоа колку е добар филмот, со по некој неизбежен спојлер...

Marvel полека ги комплетираше филмовите кои ќе кулминираат со The Avengers следната година. Последното пред "главниот" филм е токму Captain America. Филмот за чудо успеа да ги исполни очекувањата, нудејќи одлична забава која трае речиси два часа. Супер е како адаптација, верен е на стрипот и има сериозно добар кастинг. Крис Еванс комплетно го доловува ликот на Стив Роџерс, Хуго Вивинг е одличен Red Skull, а Хејли Атвел е актерка на која дефинитивно ќе и обрнам поголемо внимание во иднина. Томи Ли Џонс е цар, за него нема потреба од дискусија. А, од тоа што го знам за Баки, помошникот на Cap, Себастијан Стен е баш таман погоден за улогата. Се појавува и татко му на Тони Старк, тука млад, Хауард Старк.

По краткиот вовед, каде што Captain America е најден замрзнат по вода, филмот почнува во период за време на Втората светска војна каде што Стив Роџерс е одбиен како доброволец бидејќи не ги исполнува потребните здравствени и физички услови. Како огромен патриот и упорно копиле, Роџерс успева да го најде своето место во тајната програма на армијата која се обидува да создаде "супер-војници" по пат на сомнителни експерименти. Се здобива со неприродно голема физичка сила и станува нели, Captain America. Пред да почне да го фрла штитот кон нацистичките свињи, Роџерс прво служи како забава за американската армија, меѓутоа неговата желба за војување за татковината и пожртвуваноста за соборците, го носат на една многу повисока позиција. Проследено со феноменални сцени, тоа ми беше омилениот дел од филмот.

Топ режија и куп стриповски кадри, можам комотно да кажам дека ова е најдобриот филм на Marvel заедно со Iron Man. Костимот што го носи е супер дизајниран, а го има и дури и стариот, од раните стрипови. Камео улоги имаат нормално Стен Ли и Семјуел Факин' Џексон како Ник Фјури. Единствениот проблем што го имам со филмот е тоа што некако пребрзо ми заврши. И не би било лошо, покрај The Avengers, во иднина да видиме уште некој Captain America филм.

Обавезно ќе се гледа пак, макар и на кино-снимка (видов дека се појавила уште подобра верзија) зошто ќе пројде време додека излезе официјално нешто квалитетно. Инаку, на крај од филмот (во ова јас што го гледав го немаше), има тизер за The Avengers. Најавата ја има на овој линк. И, браво за потегот да ги соберат истите актери во истите улоги (освен Едвард Нортон) во еден ваков проект. Thor уште не го гледав.

July 27, 2011

Вовед во Star Wars: The Old Republic

Кон крајот на 2011 би требало да излезе една од најизвиканите MMORPG игри, Star Wars: The Old Republic. Играта е најавена уште пред три години, а ја работат BioWare, компанија која е потпишана како како девелопер на Mass Effect, Baldur's Gate и Dragon Age. Име како BioWare, некако нуди сигурност дека најпосле ќе видиме квалитетно Star Wars MMO, секако поуспешно од Galaxies. Што ќе се случува во SW: TOR?

  • Приказна
Играта ќе биде сместена во Старата Република, мојот не толку омилен период, од причини за кои имам дури и премногу зборено/дрвено. Никогаш не ми се разјасни како е можно Галаксијата да нема направено никаков технолошки прогрес 4000 години до појавувањето на Лук Скајвокер. Не дека барам логика, ама кога ќе видам Darth Vader оклоп (ок, не сосема ист) од тоа време, некако неферски ми е злоставен оргиналниот извор. Не е кул да трупаш што ќе ти дојде, само за да задоволиш одредена група на фанови. Знам дека Star Wars лорот е станат ко јавен ќенеф и се забегува без усул, само што некогаш некои ствари ептен, ептен штрчат.

Енивеј, како што реков, играта ќе се одвива во Старата Република, или попрецизно, 300 години по Knights of the Old Republic играта (клик тука за стрипот). Се јавува нов конфлик помеѓу Империјата на Ситот и Републиката, ништо ново би рекол, мора некако да се оправдаат фракциите. Дешавката е покриена во неколку стрипови и книги, ги земав чисто онака да видам што се, ете уште дремат на хард-диск непипнати. Токму приказнава е мојот најголем проблем со играта, зошто ми е крајно неинтересна.

  • Раси и класи
До сега, потврдени се неколку раси, нормално Луѓе, Zabrak, Mirialan, Twi'lek и раса измислена специјално за играва, Sith Pureblood, локални жители на планетата Korriban каде што се формира новата Сит Академија (Сит Академија, хахаха и ова го има, да). Класите се нормално Џедај/Сит што ќе користат сејбери, па bounty hunter, smuggler (Хан Соло класа), трупери, итн. Секоја класа ќе може да користи две различни специјалности, нешто како таленти претпоставувам кај другиве слични игри. Веројатно ќе има за секого по нешто, мада претпоставувам дека сите ќе сакаат да имаат сејбер во рака. Како што зборев и со Дамјан на темава, тоа е уствари најголемиот проблем за успехот на Star Wars MMO. Се надевам дека тука барем ќе се направи некаков баланс.

  • Свет
Тука веќе станува интересно, особено за посветени истражувачи на виртуелни светови по игри. Има огромен број на планети, меѓу кои и некои што ги знаеме од филмовите, како Alderaan, Tattoine, Coruscant, Hoth и еден куп како Ord Mantell, Corelia, Nar Shaddaa кои се појавувале низ игри, стрипови и книги, но никогаш не сме ги виделе како изгледаат. Ако ништо друго, играва ќе вреди само за овој момент, зошто BioWare знаат како да дизјанираат убави светови. Покрај тоа, Галаксијата е огромна и локациите во играта ќе може да се шират до бескрај низ евентуалните експанзии.

  • Гејмплеј
Покрај тоа што никој нема да умре или ќе остане без екстремитет откако ќе биде еднаш допрен 'на голо' со лајтсејбер, дел од гејмплејот е бескрајното грајндање и стандардните квестови ("Убиј 10 интергалактички свињи на Татуин", "Збори со Џедај Мастер Тојитој за да ти даде нов квест кај што убиваш 10 таскени"). Сепак, BioWare ветуваат дека ќе биде малку подинамично, па така што голем број од квестовите и развојот на приказната ќе зависат од одлуката на играчот. Друга работа, се надевам дека навигацијата ќе биде како кај другите MMO-а, а не како кај останатите игри на BioWare. Ако веќе ја продаваш играта на MMO играчи, понуди им ги контролите на кои се навикнати.

Играта инаку е веќе во затворена бета фаза на тестирање и моментално тие што веќе играат се обврзани да ја чуваат содржината во тајност (забрането е споделување на скриншоти и видеа). Регистрацијата е отворена, меѓутоа за клуч се чека долго.

SW: TOR несомнено ќе биде добра/успешна игра и покрај фактот дека Star Wars MMO не е којзнае колку генијална идеја. Гледам дека публиката е загреана за ова, останува да се проба и да се види дали навистина вреди толку колку облакот прашина што се крена. И да, видеово е страшно добро. Ова нека послужи како вовед. Следам што се случува со играва, па ќе пишам нешто повеќе во некој следен пост.

July 16, 2011

Wolverine vol. 3, #36-40: Origins & Endings

По препорака од Љубиша, деновиве седнав да исчитам се од Wolverine: Origins, приказната што лани заврши со 50-тиот број. Првите десетина ги имам листано уште одамна, само што некако ги забаталив, зошто сепак треба посебно расположение. Wolverine: Origins почнува со вовед сместен во главната серија на Wolverine стрипот, по настаните во House of M, кој го немам читано, отприлика знам што е како е, меѓутоа недоволно за да ме заинтересира.

Има малку спојлери подоле, да си помуабетиме на раат.

"Origins & Endings" почнува во Токио, каде што Логан го напаѓа јапонскиот премиер. Сите се збунети од неговиот потег и мотив, се додека Ема Фрост не им објасни на S.H.I.E.L.D. дека Логан всушност се сеќава на целото негово минато. Сите експерименти, Weapon X, лагите, манипулациите, бришењето на меморијата и сите останати неправди кои му се нанесени. Доволен мотив за одмазда која решава да ја реализира и почнува да поставува прашања во стил својствен за него. Во Јапонија, патот го носи и до седиштето на Weapon X, каде бил изложен на сите тие експериментирања. Успева да влезе во трага на Баки, бившиот помошник на Капетан Америка, сега познат како the Winter Soldier (Русите го создаваат ваквиот Баки). Логан го наоѓа Баки во Белград каде што дознава дека токму Баки е одговорен за смртта на жената на Логан и нивниот син, со кој подоцна почнува многу интересна приказна.

Како вовед, ова е сосема доволно да навлече, да се прочита целиот серијал. Јас сум негде до пола, страшно е добро понатаму и има една феноменална приказна со Captain America за која ќе пишам деновиве. Мистериозното минато на Вулверин полека се открива и точките конечно се поврзуваат. Мајсторски е изведено, од пишување и цртање до развој на настаните. На линков ги има сите изданија кои ја комплетираат сагата. Од полу-лаичка перспектива ќе си земам за право да кажам дека ова е едно од најдобрите ствари на Марвел.

Најава за Rise of the Planet of the Apes

Од целата франшиза, филмовите, сериите што идеа на МТВ и римејкот на Тим Бартон, само првиот дел успеал да ме освои и да си најде место во мојата листа на 10 најдобри СФ филмови. Приказната понатаму никогаш не ме заинтересира, па затоа остатокот од Planet of the Apes би го оценил како просечен, па дури и очаен (римејкот што погоре го спомнав).

Веќе се навикнав на римејци и ребутирања, па затоа и не ми е чудно што за некоја недела излегува и приквел, Rise of the Planet of the Apes. Сместен во денешно време во Сан Франциско, филмот ќе раскаже како мајмуните станале толку интелегентни, за во иднина да го покорат целото човештво. Иако првата реакција на раниот муабет за филмот ми беше "Ah, damn you! God damn you all to hell!", трејлерот некако сака да ми каже дека можеби летниов блокбастер и нема да биде толку дно. Напротив, изгледа забавно. Настрана тоа што мајмуните се скроз CG (јебига, кукли веќе не постојат у филмска индустрија), има пар актери што се добри и можеби ќе го направат филмот интересен. Џејмс Франко, Дик Соломон, Брајан Кокс, Родни МекКој од SG: Atlantis...

Филмот има и добра viral кампања со видеа на ЈуТјуб, како она со мајмунот што пука со AK-47. Дали е толку добра или луѓево лесно се лажат, не знам - ама буквално растури видеото по социјалните мрежи. И покрај тоа што убаво си ја пишува компанијата на самото видео, се потрчаа сите. Веројатно тоа е добар маркетинг. :) Да не тупам, клик тука за трејлерот.

July 10, 2011

Музиката во RIFT

Ако за нешто не прекинав да мрчам околу RIFT, тоа е музиката. Не затоа што е лоша, туку затоа што веројатно на TRION им недостасува добар продуцент кој ќе знае да ја измикса во играта како што треба. Денес ми падна во раце саундтрекот, го слушам и не ми се верува колку добра музика се угушила во тишината што владее низ Телара.

Мислам, не е тотално без музика, во секоја зона може да се чуе по нешто, меѓутоа е тивко и некако премногу во позадина. Сум приметил дека само на одредени места нешто воопшто свири. Саундтреков е толку добар и звучи неверојатно моќно, што ете, не ми е јасно зошто се исечени само мали делчиња од него. Во играта, се слуша отприлика пола минута од секоја трака, ретко на некое место да свири нешто повеќе. Еве, свири и во позадина додека го пишувам постов и ги препознавам само малите делчиња што сум ги чул. Штета. Во бетата, речиси и да немаше позадинска музика, мислев дека ќе средат, ете уште не е како што треба. Доколку тоа им била идејата (спомнуваат нешто во видеото подоле), во ред, само што пак ќе кажам, штета волку добра музика да не се искористи целосно.

Инаку, автор на музиката во RIFT е легендарниот Inon Zur, композитор кој е потпишан на едно чудо игри, од Icewind Dale II и Baldur's Gate II, до Crysis, Fallout 3 и Dragon Age II. Rift Junkies имаа објавено видео за снимањето на музиката, може да се види и чуе на овој линк.

Саунтрекот на RIFT засега неможе да се купи посебно, достапен е само преку колекционерскиот пакет во кој покрај играта, доаѓа USB стикче од 8GB, мауспад, постер, сите броеви од стрипот (наскоро ќе пишам, прочитано е уште одамна) и плус некои ствари што се in-game бонус.

July 5, 2011

Dexter: Прва сезона

Декстер е форензичар, експерт за траги од крв, вработен во полицискиот оддел на Мајами. Покрај тоа, Декстер е истрауматизиран социопат, сериски убиец кој лично им суди на оние кои на некој начин успеале да ја избегнат правдата. Декстер е главниот лик во серија која неправедно ја избегнував со години. Со неколку изгледани рендом епизоди по телевизииве, бев убеден дека е нешто просечно, произлезено од трендот кој го постави CSI. Настрана тоа што нема никаква врска со генеричките форензичарски серии, Dexter е адаптација на неколку новели од авторот Џеф Линдзи.

Декстер како лик е генијално осмислен, што и покрај неговото необично хоби (дури и си собира по една капка крв од секоја жртва), остава простор за сакање. Ладнокрвен убиец, воден по кодот на неговиот очув (Џејмс Ремар, најпотценет актер на сите времиња), едвај чувствува некакви емоции и одржува чудни врски со неговата сестра Дебра (веројатно улогата ја толкува преправен Џон Красински) и девојка Рита. Има шефица што упорно се обидува да го ќари и колега џандар што осеќа дека нешто не е баш во ред со него. Декстер и покрај се, е осамен, и единствениот мир го наоѓа во своите жртви, строго криминалци кои се провлекле низ рацете на прогонот.

Мотивот на Декстер, иако не е морално оправдан, лежи во неговото минато. Најден е како дете, преживеан после грозоморен масакар и одгледан од семејство на полицаец, како што веќе спомнав, Џејмс Ремар кој се појавува во бројните флешбеци кои ги има низ цела сезона.

На почеток на првата сезона, се појавува убиец кој буквално ја цеди крвта на жртвите и остава траги и пораки наменети специјално за Декстер. Почнува игра меѓу двајца сериски убијци која се влече низ цела сезона. Да не претерувам со спојлери, не се многу епизоди, по 12 се во сезона, брзо се гледа и е крајно заразно. А, навистина вреди.

Мајкл С. Хол е одличен како Декстер, незнам како е во книгата, ама во серијава феноменално ја доловува секоја ситница од карактерот. На мое големо изненадување, се појавува и Џејкоб, во сосема спротивна улога, кај што може да се види колку е уствари добар како актер. Се на се, Dexter е супер, барем првава сезона, втората ќе ја гледам од утре. Интересна приказна, забавни ликови, солидно сценарио, еден тон црн хумор и одличен саундтрек.


Види такоѓе:

July 2, 2011

Spawn #201 - #208

Како што ветија Image Comics после јубилејната 200-ка, за некои шест месеци Spawn доживеа дури осум нови броеви. Помина некое време додека последните неколку се појавија во електронска верзија, меѓутоа чекањето и те како се исплатеше.

Spawn продолжи со приказната за Џим Даунинг, оставајќи го Ал Симонс да почива на раат. Претходно веќе спомнав дека многу ми се свиѓа новиов Спон, и баш ме занимаше како ќе продолжи понатаму. #201 отвара со гостување на Џим во ток-шоу, преку кое се обидува да го открие својот идентитет. Откако никој нема да одговори на неговиот повик, Џим во шоуто ја презентира својата исцелителска моќ (која оди во комплет нели со неговата улога на новиот hellspawn) и успева да се здобие со целото внимание на јавноста. По серија настани предизвикани од неговото "излагање", завршува правејќи чудо кое ќе му обезбеди титула на месија и еден куп следбеници. Притиснат од неговата нова "улога", бидејќи е топ тема на сите вести, се повлекува во сенките на Њујорк, во форма на Спон. Почнува општа потрага по него. Полицијата го бара, а следбениците си го бараат нивниот спасител. Во целата оваа фрка, Твич успева да го лоцира и мислејќи дека е Ал, бара помош за спас на Сем кој е смртно ранет и се наоѓа во болница.

Сем не е единствениот што го бара Спон. Се вратија и неколку стари непријатели кои тргаат по симбионтот на Ал Симонс, чија приказна допрва треба да почне да се расплетува. Што значи, очекувам понатаму стрипов да се развие уште подобро. Исто така, цртањето во последниве неколку броеви е на највисоко ниво, до сега веројатно и најдоброто во овој наслов. Најголемата заслуга оди кај Szymon Kudranski, дечкото е феноменален, успеа да внесе сосема поинаква и помрачна атмосфера и му даде нов живот на стрипот за само неколку изданија. Браво!

МекФарлејн е потпишан на повеќето како еден од луѓето задолжени за приказната. Мислам дека тоа што собра нови и млади артисти и писатели, беше добар потег за да се живне малку Spawn како стрип. Со нетрпение го очекувам секој нов број, и се радувам што постојано има прогрес.

Spawn #209 излегува за некој ден.