July 31, 2014

Batman: Assault on Arkham (2014)

Не знам колку стварно го цениме тоа што имаме толку лесен пристап до пиратерија, поради кој не ни се закануваат казни и ќорка. Да требаше да платам за ова што го изгледав, веројатно ќе беше најлошата инвестиција после аналната затка со ликот на Џар Џар Бинкс. Batman: Assault on Arkham воопшто го нема Бетмен, освен на омотот и неколку минути кои тотално не прават разлика. DC, од некоја причина, решиле баш вака да продадат Suicide Squad/Task Force X анимиран филм, на оние четворица во светот на кои им е гајле за ова генеричка заебана банда. Очекував приказната да е таква како во описот, сместена помеѓу Arkham Origins и првата игра. Дури и кроасаните внатре изгледаат поверно на сликата од опаковката од ова.

Пред да задремам, последно што се случуваше, Suicide Squad беа испратени во Аркам по Ридлер, веројатно поради некоја клише причина, колку да го оправдаат вистинскиот мотив на Харли Квин. Со помош на генераторот за сценарија на DC, постигнати се сите можни клишеа на дијалог и ситуации, од првата сцена со Ридлер, до моментот кога не почнав да размислувам за животот и погрешните постапки кои упорно ги правам. На неколку моменти кога ќе го слушнев гласот на Кевин Конрој, ја вртев главата од таван кон монитор, со надеж дека конечно Бетмен ќе дојде да го спаси ова што го гледам. Но, набргу се враќав на тоа дали бојата на плафоњерките воопшто одговара со нијансата на ѕидот и која година е флеката од комарецот таму кај испуканото.

Страшно е што е пропуштена ваква шанса, баш во момент кога игрите се толку популарни. Не го следев разовојот на филмов, ама еве, да претпоставиме дека одлуката да се залепи Бетмен во Suicide Squad приказната (која можеби оргинално се поклопувала некако со приказната од игрите) дошла кога некој се сетил дека апсолутно немаат никакви шанси да продадат нешто вакво. Мислам, ху д фак ар Suicide Squad? Еве ја сум чул, Љубиша ваљда читал, Петко, Станко некој друг разбрал...  Како се битни? Зашто имаат посебен филм? Не се толку интересни како тимови со ракун што збори и ебано дрво, а и тие до пред некое време беа закопани по стрипови. Како и да е, го платиле Кевин Конрој за една минута вкупно дијалог, и тоа е веројатно најдоброто нешто тука. Кога веќе не го собраа за Son of Batman, мада и на тоа ќе му требаше многу повеќе од седум Кевин Конрои да го кренат на нозе. Кога сме кај Кевин Конрој, да пуштам оглас дека би го сменил било кој здрав внатрешен орган од телово за тој глас. Цело време ќе си ги нарирам постапките гласно.

Не знам што е следно од DC анимираниве освен Batman VS Robin, ама овој пат дефинитвно одам попретпазливо. Штета е што последниве им се толку срање, а имаат такви ко Year One и The Dark Knight Returns. Толку ли е тешко да искуцаш убава оргинална приказна (која и не ти е баш оргинална, извини вака) или да адаптираш нешто веќе потврдено страна по страна? Успеваше до сега DC, аман. И, онака очигледно Assault on Arkham не е за мали деца (секс сцени, голотија, пцуење), дајте им нешто на возрасните деца да згризат. Еве, ја тука во провалијава сум го симнал од торент, ама некој платил со пари за ова срање. Не е кул. Скроз не е.

July 20, 2014

Преглед на алфа верзијата на Heroes of the Storm

Blizzard се оној лик што доаѓа последен на забавата. Скоро цел алкохол е испиен, дел од луѓето се отидени, некои спијат во повраќаници. Барем така е во случајов со Heroes of the Storm. Цврсто верувам дека некој навечер до ден денес не може да заспие за пропуштената шанса некако да се лиценцира оргиналната DotA и ги колне Valve и себе. Сепак, со алфа верзијата која моментално е достапна за играње ставаат до знаење дека се сериозни со намерите да грабнат дел од MOBA сцената, па макар и со закаснување.


Викендов имав прилика да изиграм неколку партии, и сум воодушевен од тоа што го видов. Иако не е ни бета, веќе може да се види дека и ова што го имаат тука функционира добро. Освен можеби балансот помеѓу хероите, не знам што друго би сакал да видам различно. Моментално има околу 30 херои, од WoW, Diablo и StarCraft и три-четири различни мапи, наменети за два тима од по пет играчи. Ротацијата на хероите е иста како и кај повеќето вакви игри. Секоја недела се достапни неколку бесплатни, со опција другите да бидат отклучени со вистински пари или валута која се добива во играта.

Тогаш што ја прави Heroes of the Storm различна од DOTA2 и LoL? Многу работи, што барем мене ми делуваат свежо во однос на другите наслови што ги нуди жанрот. Прво, индивидуалното левелирање на хероите е сосема тргнато. Целиот тим се левелира заедно, во зависност од придонесот на секој играч. Со секој левел што ќе го добие тимот, се доделуваат два уникатни таленти за секој херој, од кои играчот може да избере еден по желба или потреба. Најчесто талентите ги појачуваат веќе постоечките спелови кои се отворени уште од самиот почеток, освен "ултимејтот" што се добива на 10-тиот тимски левел. Обемната палета на таленти пак, надоместува за комплетното отсуство на ајтеми. Генерално функционира слично, со тоа што немаш потреба да се враќаш назад во база по пазарење. Самото тоа оди во прилог на и онака брзите партии, кои траат околу 20-тина минути. Има дури и маунтови, меѓутоа не се којзнае колку корисни, освен тоа што ќе им овозможат на Blizzard да ги продаваат за вистински пари.


Она што мене ми е најинтересно, е уникатната механика што ја нуди секоја мапа. Сите мапи се базирани на оргиналната DotA мапа, само што секоја има некаков механизам кој се активира со тимска соработка и оди во прилог на тимот. Пример, на Blackheart's Bay, тимот собира златници низ мапата, со отварање ковчези, уништување неутрален камп или од мртов противнички играч. Првиот тим кој ќе собере и однесе одреден број златници кај пиратот Блекхарт, добива услуга со неговиот брод, кој ги бомбардира непријателските градби. Секоја мапа има нешто различно, со кое се отвара сосема нова стратегија за победа, во согласност со темата на секоја мапа, амбиент кој е позајмен од светот на некоја од игрите на Blizzard. Борбите се фокусирани и на вакви точки, додека паралелно треба да се напаѓа и брани непријателската база на "традиционалниот" начин.

Баш поради тоа што е различна од другите во жанрот, Heroes of the Storm има голем потенцијал, како за кежуал така и за компетитивно играње. Сепак, зад ова стои компанија со репутација и речиси неисцрпни ресурси. Доволно е интересна за нови играчи, а и за оние кои се ветерани во сличните и бараат некакво освежување. Heroes of the Storm ќе биде комплетно бесплатна и кога ќе излезе официјално. Микротрансакциите ги има уште од сега, таман да се вртат парите на истата сметка, додека многумина прават одмор до Warlords of Dreanor.

July 12, 2014

Првата епизода на Extant

Ах, ветувачки пилот-епизоди. Колку би било фино кога продуцентите би се потрудиле толку и за остатокот од сезоната, како за зеленото светло. Можеби е прерано да го ејакулирам моето мислење за Extant, меѓутоа морам да потврдам дека почетокот не е воопшто лош. Со мене, во случајов, се сложуваат и извори на кои апсолутно не им верувам. Ако ништо друго, барем е доволно интригантна за да ја гледам и втората, можеби и третата. Нема спојлери подоле, ама затоа морав да го лишам постот од детали.

Не дека ми требаше серија за летово, воопшто не, ама ова ми дојде онака изненадно, како да сум живеел во пештера месеците додека го најавувале. Ете, некако сум успеал да го исфилтрирам. Extant е лабава СФ драма, со Хали Бери (и она на телевизија, сите на телевизија!), Горан Вишниќ и детето од Looper. Гледам дека се обидуваат да ја продадат на името на Стивен Спилберг, податок што би сакал да го тргнам настрана зошто сите знаеме дека тотално не избира што ќе продуцира. Кога викам лабава серија, мислам на тоа дека не се сфаќа баш најсериозно. Затоа и го избирам ова пред Fargo во моментов, зошто не ми треба ништо сериозно во овие несериозни времиња.

Бла бла бла, Хали Бери е астронаут, во некое блиско идно време каде што мисиите во вселената ги раководат и приватни компании. Поминува нешто повеќе од година на таква мисија, сосема сама, за да се врати трудна под мистериозни околности кај нејзиниот сопруг и нивното дете андроид. Молам, што? Да. Првата епизода е преплавена со повеќе (веќе видени) СФ концепти, теории на заговор, научници јапонци и сомнителни халуцинации така што моментално немам идеја во која насока ќе се развива и што е главната приказна. Детето е прототип на напредно интелигентен андроид, модел кој сопругот на Хали Бери се обидува да го понуди во масовно производство. Не е толку калакурница како што звучи, иако има кристално јасни детали кои даваат некаков евтин тон, барем во однос на приказната и нарацијата. Баш тука е моментот што ја прави Extant таква лајт серија која е подобра од 40 минутно зјапање во празна точка неделно. Или во нешто како Under the Dome. Или... или, новата канцерогена серија на Дејмон Линделоф. 

Иако содржи проѕирни клишеа тука и таму, сценариото беше доволно солидно за да не добијам желба да ја изгасам епизодата на пола. Исто така, не се расфрлале со дваесет различни дводимензионални ликови, туку тие што се малку и имаат потенцијал да ги засакаш. "Мистериите" можеби ќе бидат лесни за предвидување, ама не верувам дека фокусот ќе биде на тоа. Доколку има негативец и е во форма на злобна корпорација, го приметив и тоа. Како што веќе спомнав, уште не ми е јасно што точно е целта тука, па затоа би сакал да видам што ќе кажат следните две епизоди. Ја препорачувам со предупредување, дека не е за секој и дека бара малку спуштени очекувања и лабав пристап. Првата сезона, ќе има 13 епизоди.

July 6, 2014

Околу Batman: Arkham Origins

Како и претходните Arkham игри, и Origins ја играв последен. Откако сите нели, ја изиграа и продолжија со животот. Исто така, откако деталите ја следната излегоа на површина. Origins ја начекав на летниот попуст на Steam пред една недела. Оној безобразен попуст што го имаат на неколку месеци. што те остава со дваесетина игри (од кои нема да изиграш ни три), празна сметка и ѓеврече за ручек. Океј, лажам за последново. Пун сум кеш, можам да ве купам сите сосе Steam акаунтите. Единствен проблем ми е преполниот хард-диск, ама ќе го регулирам тоа во најскоро време.

Пред неколку години Arkham Asylym направи р'шум. Играта заработи многу, лапна неколку битни награди и остави милиони играчи со намокрен веш. Првата Бетмен игра што успеа да блесне толку многу и да е брилијантна од секој аспект. Заразен гејмплеј, приказна, графика, гласови, сценарио. Пол Дини беше задолжен за приказната, а Кевин Конрој и Марк Хамил за гласовите на Бетмен и Џокер. Следуваше Arkham City, која го наследи квалитетот и го појача со просторот за играње, носејќи го Бетмен на локации каде што претходно немаше стапнато. Генерално, се потпираше на старите функционални и успешни финти од претходникот, со некои нови додатоци во гејмплејот колку да ни укаже дека се работи за нова игра. Како таква, беше совршена исто како кецот.


Arhkam Origins е третото продолжение кое беше објавено лани. Самото тоа што е приквел, некако како да сака да каже дека идеите полека пресушиле, ама па зошто да не се влечеме на старото куче со старите трикови кое е профитабилно? Уште во раната фаза на развој на Origins, Warner Bros. ја откачува компанијата зад Asylym и City, превземајќи ја играта во нивно студио. Од некои причини, претпоставувам правни и финансиски, Origins е лишена од три битни имиња; Кевин Конрој, Марк Хамил и Пол Дини. Гласовите ги позајмуваат нивни копии, додека Дини е заменет со тројца сценаристи кои работат со благослов од Џеф Џонс. Замената на Кевин Конрој е сосема океј, успеа дури и да ме прелаже на почетокот. Евтината варијанта на Марк Хамил се труди, барем до моментот додека не се насмее. Тогаш конташ за какви битни детали го тупам јас овде.

Како што читав, играта имала катастрофален рилис. Багови, крешувања... се чекало недели за тоа да биде средено. Не е дека ни сега нема багови, меѓутоа тие неколку на кои налетав се решија со обичен рестарт на играта. Претходно било многу, многу полошо. Среќа, ја начекав во момент каде што е исполирана доволно добро за такви проблеми да се ептен ретки. 

Океј, по што се разликува Origins од претходните? За почеток, достапен е огромен дел од Готам, каде што дискретно е замаскирана линеарноста, давајќи впечаток дека си во некаков отворен свет каде што можеш да си бидеш Бетмен. До некаде е така. Ако ништо друго, може крвнички да претепам дваесетина криминалци одеднаш, благодарние на скенерот на полициска фреквенција кој ме инфомира за девијатни појави во мојата непосредна близина. Честа појава, ама до сега ми нема здосадено. Приказната се случува баш на Божиќ, каде што Блек Маск распишува награда за главата на Бетмен. Ангажирани се неколку платеници, генерално помалку познати ликови од стриповите, и секако, корумпирани полицајци од Готамската полиција. Бетмен, односно ти дебел, треба да откриеш зошто. Паралелно со тоа, те брка целата полиција пошто си новата маскирана будала во градот. 


Механиката е идентична од претходните игри, камерата, борбите, нарацијата и линеарноста. Затоа што функционира одлично, нема да застанам до групата што се жали за репетитивноста и немањето идеи. Не е дека нема подобрувања, меѓутоа се однесуваат на некои нови потези, непријатели и геџети, за кои ако не прочитав дека се нови, никогаш немаше да приметам. Еј, да. И, Бетмен е прилично технолошки напреден за некој што скоро почнал да се облекува како џиновски лилјак. Не делува баш приквелски сето тоа, ама ете, ќе прогледаме. 

Единствената работа што малку предизвика оток во мојата машка област, се тепачките со босовите. Театралната режија и бескрајното повторувања на исти потези, низ кои играта ме води за рака, стануваат досадни после триесетина секунди. Јасно е дека ќе го победиме босот, играта ви е крајно лесна, нема потреба од додавање време за да имам впечаток дека правам нешто којзнае колку големо. Дајте ми да си бидам Бетмен, да си скенирам докази, да размлатам криминалци и џандари и да ги играм другиве игри што ги купив. Нема потреба од толку досадни босови. Origins има и мултиплеер што најверојатно ни со стап нема да го допрам пак. Или сум крајно глуп и без фокус, па не го сконтав.

Во меѓувреме, најавен е четвртиот наслов, Arkham Knight. Претпоставувам дека ќе тераат со игриве додека имаат нешто за комбинирање со Arkham во насловот, па макар и дејствието да биде сместено во Метрополис.