Искрено, одамна ми е пукнат филмот поради бранот на римејци на стари филмови кој беснее без престан изминативе неколку години и сум преморен да мрчам за тоа. Речиси секој ден читам за нов римејк и сум згрозен. Очигледно Холивуд се наоѓа во некаква креативна метастаза од која нема излез. Наскоро ќе направам една листа на филмови кои ќе добијат римејк, чисто за да се посмееме (или да се расплачеме).Friday the 13th римејк можеби и не е толку лоша идеја, со оглед на тоа во која безизлезна состојба се најде серијалот по катастрофалниот Jason X. Е, сега, во што е главниот проблем? Како за почеток, ќе кажам дека овој жанр на хорори одамна си го "искасапи" своето, пред некои 20-30 години и едноставно не функционира денес како тогаш. Од златното доба на slasher хорорите, па до денес, видовме милион литри крв инспирирани од филмовите кои го започнаа жанрот и сеуште стојат како цврсти столбови. Видовме уште толку трансформации на хоророт како жанр (Saw е добар пример за ова), и доаѓаме до заклучок дека филмови како Friday the 13th денес не делуваат исто на психата на луѓето како во времето на оргиналниот филм. Значи, конечен одговор - slasher хорор жанрот е мртов. Tочка.
Новиов Friday the 13th не нуди апсолутно ништо ново и невидено. Знаеме кој ќе умре, знаеме кој ќе преживее, знаеме колку е болен Џејсон и што може да направи. Филмот е преполн со клишеа, плитко сценарио и лоша глума. Единствено цицките се подобри од оние од осумдесетите, а рака на срце, не може хорор без цицки, мора и тинејџерската публика да има на што да се смешка под мустаќ во кината низ Америка. Покрај сето ова, филмот е забавен. Позабавен од другите хорор римејци кои успеав да ги гледам. Најверојатно поради тоа што симпатично ги инкорпорира сите елементи кои ги прават првите три дела интересни.
Иако би го одбрал оргиналот, и новиов може да добие шанса со добро друштво и ладно пиво. А, да. Ќе има и продолжение за две години...
2 comments:
Цицки и танги. :) Деновиве ги глеам Children of the Corn и во вториов дел стварно е лошо кога ќе го видиш девојчето (главната глумица) у боксерки. :) Јебига, '92-ра. :)
Vistina e toa sto vo posledno vreme ne izlagaay nekoj dobri filmovi, osven onaka cat-pat ako izleze nekoj dobar. Inace neznam zaso site se palaat po twilight koga e mn glup filmot tipot e vampir a go prestavile ko lonely pretty boy, jas koa bi zamiluval vampir bi trebal da bide strasen :D:D, treba da mu se gledaat venite od toa sto ispil premnogu krv celo vreme da ima krvista na zabite i takiv stvari. Ama so da prais filmot e napraen za da go gledaat devojcina od 12 do 25 godini filmot i da si gi drapaat p**kite na Robert Pattinson
Post a Comment