February 11, 2014

Ја најдов Atari 2600 играта!

Со години барам една игра за Atari 2600. Првата игра што беше на мојата пиратска верзија од конзолата пред дваесетина години. Ја памтев слабо, а и онака добар дел од игрите се слични и тешки за објаснување. Тоа не ме спречи низ годиниве да листам емулатори и видеа, па се откажав со идејата дека е тука некаде, ама ме издале сеќавањата. Пред некој ден налетав на видеово, и ете ја! Првата игра што се пушташе чим ја штекнеш конзолата и веројатно првата игра што некогаш сум ја играл. Освен ако единствената аркада во тогашната флиперница со Sly Spy е некое време пред да ја поседувам конзолата. Не е ни битно тоа, битно е дека не била само плод на мојата имагинација.

Играта се вика Fox & Goat и успеав да ја најдам денес на една листа на игри за Rambo клонот на Atari 2600. Прилично непопуларна (не е објавена во САД), затоа и фалеше во многу од видеата и листите на најдобрите Atari игри. Инаку, клонот на конзолата е речиси идентичен со Rinco, така што дознав уште една работа, дека тоа моето било Rambo. Двете имаат вградено многу игри, имаат исти џојстици, а се разликуваат малку по бојата (веројатно и хардверот внатре не е многу поразличен).

Еве видео од гејмплејот.

1 comment:

LitilDivil said...

Чувството кога ќе си најдеш игра од детството е незаменливо. Неодамна скокав од радост кога ја пронајдов Kickle Cubicle. Игра што се тепавме за ред на "флипери" цело маало некаде во 80тите :)