June 7, 2014

League of Legends Log #9: Обновена графика и дебели деца од Полска

Деновиве пробувам да кликам League of Legends после пауза од неколку месеци. Играта не прекинала никогаш со константната еволуција и новини, што онака се затекнав во малку поинаква околина. Нови херои, нови ајтеми, нови (глупи, додуша) модови, апдејт на некои од старите... Единствено што останало исто се разгалените дечишта уште упорно, упорно ќе ти ја упропастат секоја втора партија. Секоја втора партија има некој што плаче, менструира или едноставно се гаси пред воопшто да започне партијата. Верувам дека никогаш нема да се смени ова, така што можеш само да се надеваш дека другиот тип ќе го задеси ваква незавидна ситуација.


Покрај тоа што на четот си ги пцујат мајките, сестрите и си ја предизвикуваат сексуалната ориентација, деновиве играчите зборат за новиот апејт на графиката што доаѓа наскоро и е повод за постов. Искрено, никогаш немав проблем со изгледот на LoL, меѓутоа ако Riot решиле дека е време за промени, океј сум со тоа. Од краткиот тизер, може да се види дека ова е најсериозниот апдејт во оваа насока до сега. И, изминативе години играта добиваше графички подобрувања, ама никогаш до овој степен. Мене ми се свиѓа и едвај чекам да отиде ова лајв.

Промените се однесуваат само на визуелниот дел. Нема ништо различно што би ја променило стратегијата. Стилот од оргиналот се уште е присутен, па ова ќе дојде баш фино и освежувачки. Единствено нешто што приметив дека до многу потсеќа на DOTA 2. Доколку е ова намерно за да се придобијат играчи од најголемиот конкурент, некако ми делува како буљашки непотребен потег. Верувам дека поголем е бројот на играчи што играат League of Legends баш поради тоа што не изгледа како DOTA 2. Од друга страна па, логично е да оди во ваква модерна насока. Докторе, да не се предомислувам многу?


Е, сега битната ствар за тие со дрвени компјутери. Новата графика ќе бара малку поголема меморија, меѓутоа Riot правеле огромни напори за да ја оптимизираат и за сиромасите. Не само што има време за оптимизација, туку и ова не е конечната верзија, иако е блиска до крајната. Имаат време да го слушнат гласот на играчите, да направат промени кај што треба и да понудат јавна бета. Датум се уште нема, ама претпоставувам дека ќе е летово.

2 comments:

Aleksandar Ruseski said...

мене па баш ми се допаѓа. нема смисла од Riot да се секираат дали копирале ако оваа графика е нешто што го замислиле како подобрување. немаат патент дота на некаква си графика.

Бојан Николов said...

Па, да. И мене ми е топ. :) Ама пак потсеќа на Дота. Не е дека е лошо...