December 20, 2007

The Dark Knight: Ќе биде ли добар новиот Бетмен?


За одговорот ќе мора да почекаме до 18.07.2008...

Бетмен е првиот супер-херој што сум го сретнал во животот. Пораснав со Бетмен, и неможам да го сместам во листата на омилени супер-херои (каде што Spawn е прв), туку ми е во посебна категорија ("Бетмен" се вика категоријата).

Веројатно филмовите (Batman & Batman Returns) на Тим Бартон се мојот прв контакт со Бетмен. Ги имам гледано многу пати, и до ден денес ми се едни од омилените филмови. Мајкл Китон за мене секогаш ќе биде Бетмен/Брус Вејн.

До ден денес, никој не успеал да ја долови атмосферата на филмовите на Бартон, изгледот на Готам и ликот на Бетмен. Никогаш нема да се заборават улогите на Џек Николсон како Џокер, Дени ДеВито како Пингвинот и Мишел Фајфер како Жената-Мачка... Се надевам дека некој ден, Бартон повторно ќе режира Бетмен филм.

Следуваа Batman Forever (1995), кој иако имаше солиден кастигн (освен Вал Килмер) и потенцијал да биде добар филм, Џоел Шумахер (кој има одлични филмови) не успеа да го продолжи тоа што го почна Бартон, туку сосема го уништи со Batman & Robin (1997) кој повеќе личеше на некоја Power Rangers верзија за деца, отколку на Бетмен филм. Како и да е, ги гледав во кино, собирав албум со сликички, а ги имам и во колекцијата на филмови. :)

Е, сега. Batman Begins е од оние филмови кои нестрпливо ги чекав да излезат од моментот кога беа најавени. Го дочекав, го гледав и имав мачнина во желудникот наредните неколку дена. Филмот е лош, Кристијан Бејл иако е закон глумец, го дотепа Бетмен/Брус Вејн, на полош начин и од Џорџ Клуни. Дури ни Клуни не си ја сфати улогата ТОЛКУ сериозно како Бејл. Нолан е исто така добар режисер, но потфрли со филмов.

Толку многу го имам плукано Batman Begins секаде каде што можев, што сум веќе уморен и немам намера да го правам тоа и тука. Непосредно по прикажувањето на филмот, и за мене, изненадувачкиот успех што го постигна, го најавија и продолжението, The Dark Knight, кој, како што споменав горе, излегува наредното лето.

Немав никаква доверба во филмов, ниту пак некои позитивни мисли, се додека не го видов Хит Леџер како Џокер! Не очекував дечко му на Дони Дарко од Brokeback Mountain да биде ТОЛКУ добар како Џокер! Сликите и трејлерот ветуваат многу.


Како што може да се види од постерите, Нолан изгледа ќе ја користи сината сатурација како од филмовите на Бартон. Освен тоа, вториот негативец е Харви Дент/Ту Фејс, кој се појави во Batman Forever и не беше ништо посебно. За жал, тука е повторно Кристијан Бејл како Бетмен. Се надевам дека овој пат ќе се потруди повеќе, и дека ќе има подобар костим. Бет-моторот е тапа, исто како бет-мобилот во Batman Begins.

Редновно ги следам новостите околу филмов, ме заинтересира и се надевам дека нема да ми ги сруши очекувњата како минатиот. Туку, колку да е лош Batman Begins, имам оргинал Бетмен action-figure. :)

Деновиве ќе правам Бетмен маратон, па ќе видам дали Batman Begins сеуште ми е лош.

12 comments:

Losteech said...

Да се надеваме дека ќе биде. Од сите Бетмени мене најомилен ми е оној со Џорџ Клуни...а незнам зашо :)

Anonymous said...

"Batman & Robin" е катастрофа! Џорџ Клуни LOL! :D
пер Шварценегер...
Уште Сигурни Вивер да ја глумеше појзн Ајви и инфаркт на лице место!

За филмовиве на Тим Бартон нема да коментирам, се знае кој е вистинскиот Бетмен!!

Дури останативе не ги ни познавам толку добро пошто не ги ни сакам [иако последниот не беше толку лош].
Само "Batman" и "Batman Returns" ги признавам!

p.s.
"Batman vs. Dracula" е закон! Утре пак ќе го гледам! :)

p.p.s.
И Sinne дај тргни капчава пошто ќе го викнам Бетмен да те среди.
:))

Anonymous said...

p.p.p.s.
и дај више конечно да паднам во сабота и да го заокружам цел семестар онака квадрат за да почнам да си гледам Star Trek: Voyager од кај што застанав. :))
Ми се чини трета средно бев?!! А бе од старт пак ќе почнам, онака сепак цакум-пакум да ја изгледам. :D

pozz

Ivana said...

Бетмените на Тим Бартон е најдобри убедливо! Али овој новиот со Кристијан Бејл е невидено срање! Затоа што он е срање! Не го бива за Бетмен, и има говорна мана...Бетмен не треба да има говорна мана, затоа што коа го гледам и слушам како зборува, ми се одвлекува вниманието од филмот и мислам и ја гледам само неговата уста!

kimi said...

Po mene Batman forever e bajdobar do sega...Batman begines ,mi e top ,radi Cristian BALE , a kakov ke bide najnoviot neznam...:)
p.s.prviot blog mi se vikaše NIGMA (pogodi zašto)

Anonymous said...

Фино си викаат луѓето дека за вкусовите не се дискутира.

Мене па друже Бетмен Бегинс ми е најбољи Бетмен до сега. Првиот на Бартон беше исто така ОК, ама пристапот кој причата за Бетмен ми е најдобар и најдетален во задњиов. Токму затоа и се снима втор дел, откако првиот остави масивен простор за развивање на причата, без бизарни и смешно реализирани ликови како Пингвинот на Де Вито, Ајви на Ума, Џим Кери со прашалниците, Томи Ли како Ту Фејс или не дај Боже Шварци како Мр.Фриз.

Едвај го чекам Хит Леџер како Џокер.

Rasta said...

bravo bato, ubavo si obrazlozil.
novive batmani rasturaat, joker e fenomenalen lik, super izgleda ledger!

Anonymous said...

Џокерот како карактер увек ме нервирал, што знам... не ми се свиѓа фактот што пак го "вратиле" во игра, а и трејлерот не ветува многу. :/

Nikola Pchinski said...

Мене ми се свиѓа Бетмен Бигинс. Некако е најблиску до стриповскиот со додатни модернизации за времево.

Нормално 1 и 2 за закон.

За 3 и 4 и колку се смешни нејќам ни да зборам! Од нив подоббар е чак и серијата со Адам Вест :)

Nikola Pchinski said...

BTW, си глеал Batman The Animated series?
Првата сезона e посебно dark :)

Бојан Николов said...

Batman TAS е одлична серија. Го имам гледано само Vol.1, има измешани епизоди од сите сезони. Дваесетина, закон епизоди.

Anonymous said...

Едвај чекам да искочи!

Последниот е утка, (може да не беше Бејл немаше толку да го плукам), искрено на прв впечаток не ми делуваше лош но сепак одкога го изглеав сам на тенане... и го заприметив Бетменов "одблиску" ептен се накурчив. Во споредба со претходниве- КАТАСТРОФА!!
А да, "Бетмен и Робин" е дефинитивно најсрање, најверојатно ради Робин.
:))