Преглед на Shadowmoor

За три недели е pre-release-от на новата Magic: The Gathering едиција, Shadowmoor. Супер си поминав на минатиот pre-release за Morningtide, па знам дека ќе биде забавно и сега.

Shadowmoor е нов блок, ќе биде составен од две едиции (Shadowmoor и Eventide). Приказната е поврзана со приказната од минатиот блок, Lorwyn, со тоа што е сосема спротивна од идиличниот и хармоничен свет во кој беше сместена таа приказна. Во приказната на Morningtide (вториот дел од Lorwyn блокот) се случува нешто, што го порметува целиот Лорвин и се станува спротивно. Значи, колку што беше убав Lorwyn, толку Shadowmoor ќе биде грд и мрачен. Нема веќе расцветани полиња и среќни елфови. Како што беше најавната парола пред некој месец, 'darkness falls upon Magic: The Gathering'...

На линков има објаснување што ќе се случува во Shadowmoor со расите кои беа застапени во Lorwyn, и што може да очекуваме.

Толку за приказната. Денес се појавија и нови карти (имаше пред тоа мал preview) кои ќе ги има во новава едиција. Некои од нив ете ги на сликата погоре, а за останатите тука. Како што е правилото, секоја нова едиција носи некои новости во играњето, така да за првпат во историјата на Magic, ќе има abillity кое се активира со untap. Исто така, интересно е дека се враќа и хибридната мана што ја имаше во Ravnica блокот. Од тоа што го видов до сега, едиција ќе биде феноменална.

Цртежите се најдоброто нешто што до сега сум го видел во Magic. Не верувам дека некогаш имало подобри цртежи. Изгледаат како Todd McFarlane да мешал прсти.

Едвај чекам да дојде 19-20.4, и да го отворам првиот Shadowmoor бустер со нови карти.

Queue

Кога пред некои три години ставив broadband интернет дома, почнав да симнувам музика, филмови, серии и Spawn скенови само што се конектирав. Како и да е, никогаш не мислев дека се што сум симнал, ќе се натрупа до толку, да неможам крајот да му го фатам.

Месецов паузирам од нови ствари. Само музика симнувам и South Park со подобар квалитет (ДВД рипови) од овие што веќе ги имам. Се собраа еден куп филмови, серии и стрипови што којзнае кога ќе имам време да ги изгледам и прочитам. Еве, гледам The Sopranos сега од почеток, зошто не ги гледав сите на ТВ. После тоа, ќе седнам да гледам Jericho и некое аниме. Ми се гледа нешто добро, а налетав на неколку што ми се на to watch листата. Ах, и Death Note морам пак, иако знам дека нема да биде истото чувство како првиот пат.

Spawn седнав денес да дочитам тоа што ми останало од редовната серија. Штедев за да не дојдам до ситуација кога ќе мора да чекам нов број секој месец, ама гледам има нешто од мини-серијаливе нешто што не е пролистано. Да дочитам, па планирам конечно да објавам некоја асална статија за Spawn. Кога веќе го спомнав Spawn, се надевам дека годинава конечно ќе ја видам првата епизода на Spawn: The Animation, новата серија што веќе со години чекам да излезе. За вториот дел веќе одамна изгубив надеж дека некогаш ќе го направат. Попрво Duke Nukem Forever ќе излезе. :)

Lost е на пауза месец дена. Пак изгубив желба за серијава, таман малку мрднаа од мртва точка, затупеа со последниве епизоди како никогаш до сега. Почнав ради реда да гледам, од навика... Гледам и Terminator: The Sarah Connor Chronicles заврши и нема никакви информации дали воопшто ќе продолжи или не. А, супер е серијата...

По Civil War

Иако се трудев поспоро да читам, да ми биде уживањето подолго, не не можев. Заразен е стрипов и се чита брзо. Значи, посебните седум броја на Civil War, десетина Civil War: Frontline и еден куп броеви на Fantastic Four, The Amazing Spider-Man, New Avengers, Wolverine и слично каде што се надополнува приказната и е раскажана од аспект на хероите.

Убав серијал, супер напишан и нацртан со интересна приказна. Сега ми е криво што не го следев како што излегуваше пред година, година и пол. Се случија работи за кои не ми се веруваше дека некогаш ќе ги видам во стриповиве. Многу промени и многу приказни завземаа различен тек. Крајот беше најдобар и сосема неочекуван. Ми се чита и понатаму, барем да видам со Спајдермен што се случува после војнава, бидејќи на него многу му влијаеа настаните.

Ама, сакам прво да дочитам Ultimate Spider-Man и The Punisher Volume 5, па за натаму ќе видам. Имам уште некои интересни серијали на Marvel, како на пример Marvel Zombies, одамна го имам и никако да седнам и да го прочитам.

Значи, како што кажав, Civil War тотално владее. Би било супер ако некогаш го преточат ова во цртана мини-серија, под услов да се држат до стрипот, а не да биде некоја омекната варијанта за деца. Верувам дека еден куп фанови би сакале да видат Civil War цртан.

Доколку некој е заинтересиран за стриповиве во електронска верзија (скенирани, одличен квалитет), клик тука за торент. Собрани сите на куп, 106 броја вкупно.

Enter, Frank Castle!

Какво појавување на Панишер во Civil War, еј! Не можеле подобро! Само чекав да дојде моментот. А, и не се гледа секој ден како му го спасува г'зот на Спајдермен. Зошто најмногу го сакам? Затоа што е единствениот Марвелов херој што може да ги искрши сите останати, а нема супер-моќи!

После читањево на Civil War, ќе седнам и ќе дочитам тоа што ми остана од The Punisher MAX. И, ќе пробам да не се нервирам толку што го нема Том Џејн во новиот филм.

Indiana Jones and the Kingdom of the Crystal Skull (постер + трејлер)

Филмот кој требаше да се случи пред многу години, но никогаш не е доцна. Индијана Џонс се враќа на 22-ри мај оваа година! Мојот омилен херој од детството се враќа! Од толку многу филмови што ги чекам оваа година, најмногу му се радувам на овој. Знам дека не може да испадне срање.

Единствено ми е криво што не успеаа да го убедат Шон Конери да ја повтори улогата на Хенри Џонс, татко му на Инди.

За информации околу филмот, клик тука, а за трејлер клик тука.

Загревање за Iron Man

Читам Civil War и сфаќам колку го сакам Iron Man како херој. Пред ова, ги имав гледано само цртаните и ги читав Ultimate Iron Man. Во план ми е после Civil War да седнам и да ги читам поновите броеви од редовната серија на стрипот.

На почетокот на мај ќе се појави и Iron Man филм со Robert Downey Jr. како Iron Man/Тony Stark. Ептен го погодиле глумецот, очекувам филмов е добар. Трејлерот изгледа исто така ветувачки, може да се погледне тука. Има потенцијал да стане еден од најдобрите филмови снимени според стрип, нешто што ретко им успева на новиве филмови. (Daredevil, anyone?) Освен тоа, Robert Downey Jr. ќе се појави како Тони Старк и во The Incredible Hulk со Edward Norton, кој излегува исто така оваа година.

Инаку, Civil War е одличен серијал, со феноменална приказна и прекрасна реализација. Дури и Captain America, лик што некако сум го избегнувал до сега, ми стана интересен и ми е на листата за читање. Едвај чекам да видам што ќе се случи кога The Punisher ќе се појави во војнава. A, Spiderman никогаш не сум го сакал и мразел како до сега...

Брзо иде читањево, а некако сакам пополека да уживам. Ќе прочитам се наеднаш и ќе ми биде криво после. :)

Војната започна

Океј, Civil War заврши уште лани, ама за мене почна од денес. Ги набавив сите броеви од серијалот, плус поединечните броеви од редовната серија на хероите кои се вклучени во војната и почнав со читање.

Civil War e специјален кросоувер каде што Марвеловите херои се соочени со барањето на америкаската влада за регистрација на супер-херои. Значи, секој херој ќе мора да се регистрира, да го открие идентитетот и да работи за американската влада или за S.H.I.E.L.D. па дури и да е платен за тоа. Тоа е отприлика тоа што треба да се знае. Останато би било спојлер.

Торентот го има по интернет, со скенови од околу (хронолошки подредени) 100 броја, заедно со тоа што го спомнав погоре. Го прочитав воведот од The Amazing Spider-Man и Fantastic Four, за настаните кои водат до војната, и почнав со читање на серијалот. Ептен е интересно, ги има сите пошироко познати супер-херои како Spiderman, Iron Man, X-Men, Hulk, Captain America, The Avengers, Fantastic Four итн.

Деновиве ќе сум зафатен со ова, па ќе постирам нешто повеќе.

Ду нат лет ит сноу

Сабајле кога станав, мислев дека сум бил во кома неколку месеци. Снег? Во средина на март? Океј е кога ќе падне во декември. Ама, март? Што вика еден другар, нуклеарна зима од атомската бомба во Албанија.

Низ град денес беше како во ноември. Мокро, лигаво, ладно, смрдливо... Јас не памтам март да бил волку сјебан. Дер гоус пролетната идила.

Енивеј, морав да пешачам околу 30 минути од точката А до точката Б. 100% сигурен дека како град не можеме да се справиме со дожд, снег или слично. Некако ми е бесцелно ако спомнам, ама факт е дека секаде, на секои два метра има дупка/вдлабнатина, па вир, езеро, мочуриште и слично водно пространство. Веќе се навикнав да имам вода во патиките и да ме прскаат коли.

Си купив приконстрактед Saviors of Kamigawa дек. Ако за нешто најмногу ми е криво во врска со Magic: The Gathering, тоа е што ја пропуштив средината и крајот на Kamigawa блокот. Среќа, најдов во "Гоблин, последен беше, јебига, старо е ова три години. Расположен сум за купување/размена на стари Kamigawa декови/карти, па заинтересираните нека ме контактираат. Ако не, ќе се потрудам од интернет да нарачам нешто. Не ми се баш за играње, туку сакам да си ги имам ради ќеиф. Барем приконстрактед дековите.

Инаку, изминативе денови темплејтот на блогов тотално беше сјебан. Серверот каде што беа хостирани позадинските слики за сајдбарот, постовите и сл. Нешто имав зачувано, нешто досредив во GIMP. Сега е океј, се додека ги има на ImageShack, блогов ќе изгледа вака фино.

За неколку саата новата South Park, едвај чекам, ќе ја симнам сабајле. Моментално симнувам се отпочеток, DVD rip, ми скурчи од грдине .rm фајлови. Ќе можам асално да гледам South Park за некое време.

П.С. Bee Movie е закон.

Артур Кларк (1917-2008)

R.I.P.

Пролетна акција и слично

За мене пролетта почнува на први март, па макар и снег да врне. Иако овој март не е баш како што сакам да биде, сепак самиот факт што е март, некако ме разведрува и ми го подобрува расположението.

Деновиве ќе ја прославам и третата година од блогирање, иако мојот прв блог веќе одамна не постои (вториот е МакТрек, и моментално е во полу-живот, ама ќе живне наскоро). По тој повод (како не), решив малку да се посветам на сајдбарот на Crapwerk. Да, сајдбарот. Тотално сум заљубен во моменталниот темплејт на блогот што не би го менувал за ништо. Еве, во сајдбарот веќе некое време имаше листа на "статии на неделата", а од сега решив еднаш неделно да избирам пост што мене ми е особено драг, а е закопан некаде по архивите. Незнам дали некој воопшто копал по архивите на Crapwerk, не е ни битно, битно е што ќе се потрудам гомната кои сметам дека вредат, да испливаат на површина. Ете ја статијата на неделата, уредно објавена со слика, да боде очи. Категориите супер си работат, едно време се зезна скриптата поради некои апдејти на сервисов.

Конечно ја пробав World of Warcraft играта со карти! Не е Magic: The Gathering, ама ептен ме привлече, поради тоа што сум добро запознаен со Warcraft универзумот. Слично се игра, дури за некои работи е многу поинтересна од Magic. Има во "Гоблин" карти, 'starter' декови и слично. Ептен ради Magic не би можел сега да го одврзам ќесето, а сакам...

Кога сум веќе кај Magic: The Gathering, пред некој ден Wizards of the Coast на нивниот сајт го објавија дизајнот на еден од бустерите, заедно со 15 карти кои ќе ги содржи новата едиција, Shadowmoor.

Инаку, деновиве ми свири една забегана dark psytrance компилација што мора да ја споделам. Се вика "Kitab Al Azif", трибјут е на Лавкрафт, соработка е на повеќе издавачки куќи, содржи артисти кои изминативе неколку години растураат на транс сцената и најбитно од се - објавена е бесплатно на интернет, под Creative Commons лиценца. Може слободно да се превземе на овој линк.

Каков ден имав денес, не стигнав да гледам "Lost", сабајле ја симнав новава епизода. "24" четвртава сезона ми беше малку тапа на почетокот, ама ја навикнав, до пола сум, а петта сезона ми се симнува. После ова, мора уште еднаш "Death Note" да изгледам...

Почна новата South Park сезона

Со оглед на тоа што ми е омилена цртана серија, нема да сум пристрасен, и ќе кажам дека почетокот на новава сезона не беше ништо посебно. Солидна епизода, но далеку од она што се случуваше кон крајот на претходната. Не мислам дека South Park го изгубиле шармот и покрај единаесет сезони зад нив, напротив. Туку избрале тема која е веќе многу пати видена, што дури и во самата епизода алудираат на тоа.

South Park ми се најинтересни кога црпат инспирација од актуелните случувања. Имаше еден куп теми што сакав да ги видам, како на пример WGA штрајкот или Cloverfield, па дури и Rambo, ама тоа е тоа.

Знам дека Треј Паркер и Мет Стоун имаат сеуште да дадат, и верувам дека наредната недела ќе видам подобра епизода.

Сега во план ми да почнам да симнувам од прва сезона, зошто до деветта, ми се со лош Real Media квалитет. Првите неколку сезони ги има и со ДВД квалитет.

Kultur Shock (втор пат)

Уште кога ги гледав првиот пат на Таксират, сакав пак. Конечно ги дочекав Култур Шок по втор пат во Скопје! Само што се вратив од МКЦ, испотен, исшуткан и презадоволен од тоа што го видов и слушнав. Ми звучеа подобро од првиот пат, штознам, тогаш ми беа тазе, онака. Ги слушнав првпат кратко време пред да ги гледам во живо.

Култур Шок се од оние бендови кои се повеќе за во живо отколку за во студио. Прават атмосфера која ретко кој бенд што дошол кај нас успеал да ја создаде. Најбитно од се, имаат одлична комуникација со публиката.

Култур Шок се мулти-културен феномен од Сиетл, со членови кои доаѓаат од Босна, Јапонија, Америка, Хрватска. Свират панк/хардкор/ска/whatever верзии на балкански фолк песни. Еве го нивниот МајСпејс, во случај некој да сака да чуе нешто.

На крај се сликавме, муабетевме, земавме автограми и слично. Многу искулирани луѓе и тотално спуштени на земја. Риспект!

Крв, оган, смрт, куршуми и Рамбо

Не знам што очекувале тие што сереа за новиов Rambo. Да ја открие тајната за вечен живот? Да бараш издржани дијалози во Рамбо, е исто како да гледаш порно поради приказната.

Рамбо е за покољ и сеење смрт кај непријателот! Рамбо е за вадење грклани со голи раце! Рамбо е за стотици испукани куршуми во човечко месо! Рамбо е за човечко месо распрскано на сите страни!

Сталоне со филмов само ми докажа дека ќе треба да помине долго време за некој да може да им се доближи на хероите од осумдесетите. Со неговите 62 години, им го го покажува средниот прст на дупло помладите колеги. Криво ми е само за Шварценегер. Имаше уште да даде...

Новиов филм си е баш како што треба. Акција и ништо друго. Бара само исклучување на мозокот на некои 90 минути. Му фалат само две работи. Richard Crenna и музиката на Jerry Goldsmith, ама од оправдани причини...

Џeк Бaуeр e Зaкoнoт.

Ги изгледав првите три сезони од 24, и сега се спремам да почнам да ја симнувам четвртата. Серијава влезе во списокот на моите омилени серии уште при првата сезона (сега ја даваат и на една од нашиве телевизии).

Иако приказната не е ништо што до сега не сме го виделе по акциони филмови или серии, магијата на 24 е во форматот (секоја епизода е еден час од "денот"/сезоната). Самиот формат овозможува подетален развој на ликовите, сторијата и челичните јајца на Џек Бауер, кој прави Чак Норис да моча навечер во кревет.

Шала на страна, Кифер Сатерленд ме изненади. Како актер, го засакав од The Vanishing и Dark City, сега го обожавам.

Друга закон работа во 24 е појавувањето на познати фаци како Dennis Hopper, Daniel Dae Kim, Zachary Quinto, Michelle Forbes, Tobin Bell, John Terry, Jon Gries, итн..