Нов MTG блок: Scars of Mirrodin

Scars of Mirrodin e Magic: The Gathering блок, составен од три едиции излегува на 1-ви октомври годинава, и заедно со Zendikar блокот и Magic 2011 (излегува летово) ќе го сочинуваат Standard форматот кој ќе се игра од есен, кога конечно Shards of Alara ќе ротира. Овој пат, Wizards of the Coast решиле да се вратат на постар свет, Mirrodin, кој беше претставен во истоимениот блок пред некои 5-6 години. Се израдував за ова, бидејќи токму Mirrodin беше блокот со кој почнав да играм Меџик.

Миродин е вештачки свет, создаден од метал. Секој од главните пет региони е претставен со посебна боја и населен од различни суштества. Бидејќи голем дел од светот е создаден од метал, артефактите имаа голема улога во играта, и за првпат се појавија Artifact Lands како карти, кои за жал исостанаа во Shards of Alara, каде што шардот Eспер беше многу сличен со Миродин. Во Mirrodin блокот, првпат се појави и Equipment како вид на карти, нешто што продолжи како стандарден дел од секоја едиција која што следеше.

Го сакам светот на Mirrodin, не само поради тоа што ми беше првиот контакт со играта, него имаше и одлична приказна која очекувам сега да се продолжи. Веќе има Planeswalker карти, па во Scars of Mirrodin верувам дека конечно ќе ги видиме ликовите од Миродин претставени преку нив. Од тогаш до сега, артефактите во Меџик еволуираа и нудат солидна игра и баш ќе ми биде мило да видам какви ќе бидат тука. Artifact лендовите мора да се вратат во некаква форма, а и нема да е лошо да ги репринтаат оргиналите.

Одличен потег на Wizards, пријатно сум изненаден што се решиле на вакво нешто. Дури и да им запнале идеите за нови светови, сосема сум океј со тоа, зошто има уште многу во тие што веќе ги знаеме, што можеби не е искористено до крај. Покрај тоа, враќањето на Magic: The Gathering во Миродин добар маркетиншки потег што може да врати многу фанови на Mirrodin блокот кои се откажале од играта. Се надевам дека следен свет за посетување ќе им биде Kamigawa.

Lost 6x13 - The Last Recruit

Во последниве епизоди, се приметува дека продуцентите вложиле огромен труд за да ја завршат серијата така добро како што почна. Самото сценарио, приказната и развојот на ликовите се феноменални. Во оваа епизода, успеаа да направат генијална паралела помеѓу двата универзуми, токму во развојот на приказната. Во едниот, животот на Лок зависи од Џек, во другиот е обратно, а Саид е соочен со сличен избор и таму и таму...

Џек конечно ги превзема работите во свои раце, бидејќи е свесен дека има некаква цел на Островот која мора да ја оствари, додека Соер е конечно решен да си замине.

Се потврдија и некои работи кои последниве сезони беа очигледни, како на пример кого следеше Џек до пештерата во првите епизоди, а се расплетува и неговата поврзаност со Клер. Кога сме кај Клер, ужасно ме курчи во оргиналната временска линија на Островот, и баш ме интересира каков расплет ќе следи.

Двете страни, предводени од Лок и Витмор се спремаат за војна која очекувам да ја видиме пред финалето. Има спојлери за следната епизода каде што конечно ќе дознаеме што има Лок во ранецот. Како што спомна Љубиша пред некое време, Лок во ранецот носи бомба која наскоро ќе си ја одигра својата улога.

Џин и Сан се повторно заедно после три години и веројатно тука е крајот на нивната сапунична приказна. Останува уште да ја видиме нивната улога на Островот. До финалето има уште само три епизоди и ми е навистина тешко да прифатам дека Lost завршува.

Следната недела има пауза, така што новата епизода ќе ја видиме за две недели.

Нема нов Бонд. Џејмс Бонд.

Барем во скоро време. Поради финансиски проблеми на MGM, новиот Бонд филм, 23-ти по ред, се одложува на неодредено. Продукцијата на третиот филм со Даниел Крег е стопирана и откажана е секаква активност околу филмот.

Ова некако ми дојде како олеснување, зошто после Quantum of Solace немам некоја желба да го гледам Бонд во ваква "современа" и "спуштена на земја" варијанта. Крег можеби и не е толку лош како Бонд, но последните два филма дефинтивно отскокнуваа од целата замисла за Агентот 007. Се надевам дека ќе се средат работите, Крег ќе добие отказ и дека после тоа конечно ќе видиме асален Бонд филм, со сите елементи кои ја прават франшизата толку добра.

420

Кога некој ќе ви каже "Среќен 20-ти Април", вие му враќате со "Хвала, такоџе".

200 епизоди South Park

South Park го затупеа некадe после десетта сезона, до тој степен што веќе ми беше неподносливо да гледам, а предтходно ми беше омилена серија. Тогаш се простив од South Park и следните две сезони не ги следев баш редовно, и некаде од тринаеста сезона веќе прекинав.

Случајно периодов изгледав неколку епизоди баш од тринаеста и се изненадив. Треј Паркер и Мет Стоун веројатно и самите сфатиле дека серијата им е веќе бајата и делува ко да е праена ради реда, па решиле да се вратат на старата формула по која ги направија најдобрите сезони. Во новиве епизоди (особено онаа за Фејсбук или "The Coon") се осеќа стариот дух на South Park, иако се сосема свежи. Повторно е присутен истиот хумор, поткрепен со силна поента и остра критика. Баш поради тоа South Park се тоа што беа, или се.

Пред два дена беше прикажана епизодата со број 200, со која е обележен уште еден јубилеј. Идејата за оваа епизода им е супер и е одлично реализирана. Во "200", познатите личности на чело со Том Круз, се обединуваат за тужба против Стен, односно целиот град поради тоа што некогаш биле мета на некој од жителите и подлегнале на ремет од Треј Паркер и Мет Стоун. Се појавуваат Тајгер Вудс, Џорџ Лукас и Стивен Спилберг со Индијана Џонс, Опра, Боно, Расел Кроу, Стив Ирвин, Барбара Стејссенд (Mechа-Streisand), Парис Хилтон и секако, Џенифер Лопез како раката на Картмен. Серијата завршува со Мухамед и пред разрешувањето на мистеријата за вистинскиот татко на Картмен.

Куп референци до стари епизоди и случувања, онака, како мала ретроспектива на досегашниот труд на Паркер и Стон. Се надевам дека ќе продолжат со добри епизоди како последниве...

Lost 6x12 - Everybody Loves Hugo

Сите го сакаме Хуго, тоа е точно, нели?

Можеби не сите, ама барем јас очекував филер епизода ноќеска. Од почетокот на сезонава тераа така. Една добра епизода, со одговори на прашања и расплет на настаните и една филер колку да ја држи публиката во неизвесност до следната недела. По епизодава, очигледно е дека нема веќе филери.

Епизодава врати некои стари ликови како Либи и Мајкл. Либи живее во алтернативниот универзум и има сеќавања од несреќата на Oceanic 815 и Островот, додека Мајкл е на Островот во некоја не-толку-физичка-како-што-изгледа форма и го советува Хуго да не ги следи предлозите на Ричард. Сите ги памтиме шепотењата меѓу дрвата во првите сезони и конечно тука добивме одговор за нив. Тоа биле гласовите на оние кои се мртви, но не успеале да го напуштат Островот. Како и зошто, ќе дознаеме многу скоро.

Хуго во алтернативниот универзум го оствари планот за состанок со Либи и почна да се сеќава на настаните на Островот. Дезмонд веќе знае за двата универзуми, а на крај од епизодата мислам дека и на Лок му ги врати сеќавањата. На Островот, го видовме бунарот со тркалото и како Флок го бутка Дезмонд внатре. Дезмонд е клучниот лик моментално, единствениот кој свесно постои во двата универзуми и неговата прикзна не завршува на дното од бунарот. Ќе го гледаме Дезмонд до крај. Освен ако не се случи нешто како со Илана. Никој не го очекуваше тоа, нели?

Да, и пак се појави детено што Флок упорно го игнорира и е веројатно малиот Џејкоб.

Следните пет епизоди ќе бидат најдоброто што ќе го видиме од серијата, настрана од финалето. Има промо за следната епизода, нешто пак се дешава со бунарот, веројатно ќе се објасни како точно функционира.

Lost 6x11 - Happily Ever After

Генијалоста на сценаристите и совршеноста на Lost најмногу се гледа по епизодите со Дезмонд. Феноменална епизода, се одговорија многу прашања и уште толку се одмота приказната околу Дезмонд. Од некоја причина е имун на електромагнетизмот со кој експериментираа DHARMA и јасно е како ја преживеал експлозијата на хечот пред неколку сезони.

Очигледно е дека Елоиз и Витмор знаат за Островот и се што се случувало таму, иако сега живеат во алтернативниот универзум кој произлезе како последица од бомбата на крајот од минатата сезона. Дезмонд исто така е свесен што се случува и не ме зачуди кога ја побара листата на патници од Oceanic 815. Сега ќе видиме дали ќе се потврдат теориите дека луѓево од сајд-флешовите доаѓаат на Островот.

Во главно, епизодата се одвиваше надвор од Островот како дел од сајд-флешот на Дезмонд. Тоа што го видовме на Островот даде објаснување на некои ствари, значи исто како во епизодата со Ричард, останаа уште ситни детали како и зошто.

Следната недела веројатно ќе има филер. После ваква епизода не очекувам ништо друго.

MTG: Како Rise of the Eldrazi ќе ја измени играта?

Уште неколку недели до објавувањето на новата Magic: The Gathering едиција, Rise of the Eldrazi која ќе го комплетира Zendikar блокот.

Zendikar до сега се покажа како еден од најквалитетните блокови. Солидна приказна, добри карти и нови Planeswalker-и кои и не беа толку играни за разлика од оргиналните пет, но сепак си го најдоа местото во одредени декови. Zendikar ми ја врати вербата во играта после Shards of Alara блокот. И изгледаше совршено се додека не почнаа да се појавуваат спојлери од новите карти од Rise of the Eldrazi кои не ветуваат занимлива игра за останатите декови.

Што е со Rise of the Eldrazi? Главната тема на едицијата се новите безбојни Eldrazi суштества, огромни во секоја смисла, од mana cost до способностите кои ги имаат, како на пример Annihilator со кое противникот жртвува перманенти кога е нападнат колку што е бројката на Annihilator. Покрај тоа, имаат огромен (најчесто на 10) power/toughness и се тешки за бранење.

Бараат многу мана за да влезат во игра, што нема да преставува никаков проблем, бидејќи има други карти (земји, артефакти и сл.) кои го решаваат ова со тоа што за играње на Eldrazi карти даваат повеќе мана отколку за останатите. Па, така Eldrazi суштествата кои бараат, пример 12 мана, ќе може да се изиграат за многу помалку и да бидат спремни за напад уште во 6-ти круг. Немаше да биде толку досадно, доколку начинот на кој може да се изиграат Eldrazi картите беше малку потежок. Вака е прелесно, картите се неверојатно моќни, прават многу работи кои не се во полза на противникот, па претпоставувам дека дековите што ќе се играат по издавањето на едицијата ќе бидат само Eldrazi декови и декови кои ќе се прават за играње против нив.

Ова воопшто не е добро, бидејќи комплетно ја менува играта и ја цица целата забава. Таман кога мислев дека неможат полошо од Shards of Alara, се појави ова да ми докаже дека сепак можеле. Искрено за надевам дека превидувањава нема целосно да се исполнат и дека на турнири ќе може да видиме и друго освен Eldrazi декови...

Друга новина во Rise of the Eldrazi се карти што може да се левелираат. На секој круг откако ќе влезе суштество во игра, ќе може да се доплати додатна мана со што суштеството ќе добие левел плус, а со тоа и нови способности како flying, shroud, trample, итн. Ова е сосема нов начин на играње кој ја менува играта на подобро, но во никој случај не ги балансира срањата кои ги содржат Eldrazi картите.

До сега се познати и два нови Плејнсвокери, втората верзија на Sarkhan Vol, тука со нова боја и ново име - Sarkhan the Mad. Комплетно промашен Плејнсвокер, многу ограничен за играње, многу нетипично за овој вид на карта. Тука е и Gideon Jura, се појавува прв пат и прави поинтересни работи од Sarkhan the Mad, па мислам дека ќе си го најде местото во некој дек. Според Orb of Insight, ќе има уште еден, би требало да се појави спојлер деновиве.

За контрол дек како мојот, нема ништо интересно, освен Eldrazi картите и еден просечен Echo Mage кој прави нешто што е дел од стратегијата на контрол декови, меѓутоа помалку од доволно.

Светскиот пририлисот е закажан за 16-17 април. Rise of the Eldrazi ќе биде официјално во продажба една недела покасно.