Mono Blue Control

Деновиве го комплетирам првиот Mono Blue Control дек. Во мојата Маgic: The Gathering кариера, првпат играм нешто вакво и ми изгледа прилично интересно и свежо, бидејќи стратегијата и начинот на играње е многу поразличен од aggro дековите што сум ги играл до сега.

Значи, идејата е противникот да биде онеспособен за играње на карти кои мене би ми наштетиле, односно би го спречиле влегувањето на Sphinx of Jwar Isle. Картата е 5/5 суштество, кое лета и неможе да биде мета на спелови и други ствари што ги прават некои карти и не ми се баш добродојдени. Покрај клучнaта Sphinx of Jwar Isle, имам карти како Cancel, Negate, Unsummon и слични кои би го успориле противникот правејќи пат за Сфингата, и карти што ми помагаат да влечам или да си местам што ќе влечам (пример, Ponder). Гледав да потрошам што помалку пари за деков, па повеќе од пола карти веќе ги имав или ги мењав. А, баш поради тоа го немам Jace Beleren, а гледам дека комбинацијава функционира добро и без него.

Не успеав уште да го пробам на турнир, ми фалат уште неколку карти за sideboard и некои што прават исто како овие што веќе ги имам, само што бараат помалку мана. Ако деков се покаже добро на турнириве што следат, ништо чудно да го играм и на државно првенство за некој месец. За информација, светското годинава е повторно во Јапонија.

Имам спремено уште два дека (Naya и Mono White Kor Aggro) што се доволно компетитивни за турниско играње, само што периодов решив да се сконцентрирам само на овој.

Додека сум на темава, новата едиција, последна од Zendikar блокот, ќе се вика Rise of the Eldrazi и излегува во април годинава. Сеуште е рано за детали, ама се надевам на карти што ќе ми се најдат за деков. Ме мрзи да постирам целосна листа на карти, ќе пишам кога ќе ги присоберам и тие неколку што ми фалат.

Give 'Em Hell, Malone (2009)

Уште пред да го гледам, ми изгледаше мошне интересно, па по првите неколку минути се зачудив како е можно ваков филм да добива толку мало внимание. Одговорот го добив во тоа што следеше понатаму.

Но, да одиме по ред. Give 'Em Hell, Malone е акционен neo-noir филм, со Том Џејн (The Punisher) и Винг Рејмс (Pulp Fiction). Мелоун е приватен детектив, вешт со оружје, мајка во старечки дом, додека остатокот од семејството го загубил во рацете на злобни ганстери. На прв поглед, потсеќа дека ликот е многу сличен со The Punisher, освен еден детал кој ќе го изоставам поради спојлери. Мелоун доаѓа до вреден предмет по кој трагаат сомнителни фаци од подземјето и се вплеткува во приказна видена мал милион пати.

Ликовите, освен Мелоун, се толку лошо разработени што на моменти беше смешно. Дебилни хенчмени, неубедлив негативец и девојка на која и го знаев онапред целиот развој на ликот уште при првата нејзина сцена. На некои моменти сценариото е толку лошо напишано, што мислев дека можеби и е намерно. Освен неколку реплики на Мелоун што се онака, солидни/комични one liner-и, другото изгледа како да е склопувано од некоја ...For Dummies книга за пишување сценарија и ликови. Плус, пресвртите на крај можеа да се предвидат уште на самиот почеток.

Ќе заборавев јапонката да ја спомнам. Таков рендом лик немам нигде видено на друго место. Онака, "Еј, ќе стаиме онака јапонка, ќе се убаци тогаш, вака ќе напраи и топ ќе биде". Аха, океј. Функционира у филмови на Такеши Китано, можда. Тука не.

Очекував многу позабавен филм. Не е ич лоша генералната идеја за филмот, но куп елементи се некако недоработени, оскудни и бледи. Можело многу подобро, дури и со истиот буџет, пошто се е тука, Том Џејн е тука, малку само да искомбинирале подобро и со малку повеќе труд. Вака, Give 'Em Hell, Malone ќе пројдеше со повеќе од 5/10 кај мене...

Lost: 6x05 - Lighthouse

Колку добра епизода. Вакви епизоди ја прават серијата тоа што е. Мислам, од кај почна, до кај се разви. Од авионска несреќа до магични светилници. Иако баш тоа беше "е, ај не ме заебавај" моментот, некако се навикнав на вакви претерано-дури-и-за-Lost елементи. Веројатно се откри како Џејкоб (или кој било друг) ги посматрал сите, или барем, Кандидатите. Интересно, како и да е.

Додека Хуго и Џек одеа кон светилникот, поминаа во пештерата од прва сезона, онаа со двете мртви тела. Имаше теории дека костурите се всушност остатоци од ликови кои добро ги знаеме, што вика Хуго, може се и нивни, во случај да се вратиле во минатото и да умреле во пештерата. Се сомневам дека се на некој од нашиве ликови, пошто муабетот што Хуго го направи повеќе ми делуваше како фора на сценаристите и ништо повеќе. Нема такви очигледни хинтови во Lost.

Клер се врати. Не е баш Клер, плус најдобро другарче и е Лок, кој и не е баш Лок. Во следните епизоди очекувам да видам како одат према Храмот за да се наместат настаните кои ќе доведат до завршувањето на вечната војна помеѓу доброто и злото, нели. Само што се си мислам дека на крај ќе има пресврт и дури тогаш ќе дознаеме кои се вистинските негативци.

Џек во алтернативната реалност има син. Голема работа, не бев којзнае колку изненаден.

StarCraft 2 бета тестирање

Blizzard почнуваат со затворено бета-тестирање на Starcraft 2: Wings of Liberty. Чим развојот на играва е дојден до оваа фаза, големи се шансите да ја дочекаме до крајот на годинава. Гласините дека играта ќе биде пуштена во продажба на овогодинешниот Blizzcon, веројатно ќе испаднат вистинити.

Затвореното бета-тестирање е овозможено преку Battle.net акаунт. Значи, покрај акаунтот, потребно е само да се инсталира мала програма која ги тестира системските перформанси на корисникот, и после по случаен избор праќа покани со сериски број на среќниците кои ќе имаат можност да ја пробаат Starcraft 2. Е, сега, проблемот е во тоа што мојава крш машина сигурно нема да го пројде тестот, а и некако не ме сака среќата баш и ретко сум "случајно избран". Некои сајтови кои имаат сериски броеви за стартување на бета-клиентот организираат 'наградни игри' каде што може да се учествува за бројот, а кај и да е, ќе почнат и нелегално да се продаваат по други сајтови.

Јас ќе почекам барем за подобра машина, а плус и немам некоја голема желба за бета верзија. Ме интересира само што ќе испадне од играва, потрошено е толку време на неа (колку време ја одложуваа?) и баш сакам да видам дали ќе успее да го мрдне RTS жанрот од млитавата точка на која е фиксиран изминативе години. Од тоа што може да се види до сега, играта изгледа феноменално, но кај стратегиите гејмлејот е клучниот елемент. А, главната задача на Starcraft 2: Wings of Liberty треба да е задоволувањето на верните фанови на култниот оргинал кој се игра и по цели 12 години. Долго време се чека. Јас сум повеќе фан на Warcraft, меѓутоа за четврто продолжение нема ни муабет. Премногу се сконцентрирани на World of Warcraft и очигледно е дека многу малку се замараат со другиве игри.

Следно е Diablo III. Се најавува за наредната година. Ќе пишам повеќе за ова другпат...

Ding!

60 level. Имам платено за WoW до 27-ми месецов, после ќе мора да ја купам и The Burning Crusade за да се левелирам понатаму. Значи, се фаќало 60-ка за месец дена и тоа баш пред испитна сесија. Сега ќе имам една недела да почнам нов карактер или да собирам honor со овој за подобра опрема. А, да, и да ги пројдам инстанците што не ги пројдов.

После месец дена играње на оргинален сервер, заклучокот е дека играта вреди за парите (дадов 800 денари за акаунт + 30 дена играње + 10 дена trial). Ако ништо друго, барем си истерав ќеиф, па и да се вратам на пиратски пак, гајле ми е.

Lost: 6x04 - The Substitute

Океј, значи Лок е најверојатно мртов и чадот му го поседува телото. Сепак, не му кажувај што може, а што не може да прави. Никогаш.

Добра епизода, подобра од филерот од минатата недела. Групата што е на другата страна на Островот е многу поинтересна од оние што моментално се во храмот. Сеуште не е дефинирано кои се негативците, имаше толку многу пресврти до сега, што стварно не може да се одлучи. Кој е овој Лок, што сака и зошто точно регрутира луѓе? Јасно е зошто баш Соер, затоа што моменталната состојба не му е толку пријатна. Сцените од другата реалност беа доволно интересни и интересно ги искомбинираа ликовите. Верувам дека во брзо време ќе го видиме и Чарли, и не само во алтернативната реалност.

Бројките треба да се објаснат во следниве неколку епизоди и искрено се надевам дека ќе видиме нешто повеќе уште во следната, освен ако не планираат да напнат со некој безвезен филер. Последната сцена од епизодава беше една од најдобрите работи што сум ги видел во целата серија. Jacob has a thing for numbers.

Гледав интервју со дел од екипата што стои зад Lost, и спомнаа дека во оваа сезона ќе бидат одговорени околу 70 прашања кои ја држеа публиката изминативе сезони. Се надевам дека нема да ги стиснат сите во 2-3 епизоди.

World of Warcraft викенд: 50 lvl, The Lunar Festival и сл.

Ете, стигнав до 50-ти левел на оргиналниов сервер. Веројатно нема да напредувам уште многу, зошто ми почнува сесија, а играва ми е платена до крај на месецов. Успеав да излевелирам Undead Frost Mage, да ги пројдам сите инстанци кои ми се отворени до овој левел по неколку пати, собрав добра опрема и редовно киснам во Warsong Gultch и Arathi Basin.

Kaко што реков претходно, неспоредливо подобро од пиратскине сервери, незнам како ќе се навикнам на багови откако ќе ми заврши ова. Неколку месеци ќе мора да паузирам поради обврски, па после ќе ја купам The Burning Crusade за конечно да можам да играм Blood Elf Paladin и на оргинален сервер.

Фатив два ивенти, Love is in the Air и The Lunar Festival кој почна денес и ќе трае до март. Интересни се ивентиве, се фаќа брзо exp со нив, има daily квестови и куп аchivement-и. Веќе се навикнав да квестам, не било толку страшно, на почетокот ми изгледаше споро во споредба со тоа што играв претходно, меѓутоа интересно е и лесно се влага во шемата. Доволни се неколку квеста дневно, два пати трчање инстанца и battlegrounds за да се фати левел, бар така беше до сега.

Ќе видам барем уште некој левел да фатам. Тешко слободно време за 60-ка.

Lost 6x03 - What Kate Does

Ја фатив епизодата ноќеска на стрим, меѓутоа малку закаснив и се уклучив откако беше почната, па ја симнав и ја изгледав цела. Чекав цела недела за филер епизода. Со оглед на тоа што немаат уште многу време, не очекував да пополнат место со досадна епизода со Кејт.

Значи, минатата епизода, видовме дека некакво зло им се заканува на луѓето (Другите?) во Храмот, каде што престојува дел од преживеаните. Саид се врати од мртвите и како што кажуваа теорите по првите две епизоди, тоа и не е баш Саид, исто како што Лок не е баш тој. Другите се обидуваат да го убијат Саид, додека Соер бега од Храмот, а со него и Кејт и Џин.

Во алтернативната реалност (или што и да е), Кејт и помага на Клер да стигне до болница бидејќи и почнуваат контракции и таму се појавува Итан како доктор. Единствено нешто што објаснија во епизодава е отсуството на Клер во минатата сезона, односно дека ја снашло истото тоа што моментално му се случува на Саид. Од тука, може да се насети дека можеби Чадот е тој што ги опседнува (или како што вели сомнителниот Кинез/Јапонец, "инфицира") присутните на Островот, па теоријата дека Џејкоб е сеуште во незавршена војна со типот со кој разговара на плажата во минатата сезона, некако ми е поприфатлива сега.

Доброто е што следната епизода конечно ќе видиме некакви одговори, бидејќи централен лик ќе биде Лок. Незнам како си дозволиле филер епизода, но ме радува тоа што знам дека сите одговори се спремни и тоа што сигурно имаат план како да ги вметнат во малиот број на епизоди кои преостануваат.

Worldwake prerelease

Денес се одржа пририлисот на новата Magic: The Gathering едиција, Worldwake, со една недела задоцнување. Значи, 5 кола, 18 играчи, 4 саата играње, секој со дек склопен од три Worldwake бустери и три Zendikar, и ниеден Jace, the Mind Sculptor. Мене, како и обично, малер со новите карти, не ми се падна ништо што можев да го играм. Исто како на претходните пририлис турнири, само овојпат малку полошо. Морав да играм три бои, искомбинирани најдобро што можеше со тие карти, па само еднаш од пет пати ми се погоди декот како што треба. На крај, не ни можев да останам сконцентриран на играње.

Како и да е, убав помин во "Гоблин", немав учествувано на пририлис од летоска, добра пририлис карта - Comet Storm и куп карти на кои мора да им најдам место во некој дек. Супер е актуелниов блок, далеку подобар од шарениот Shards of Alara.

Следниот викенд ќе има два рилис турнири, во петок и во сабота. За повеќе информации на сајтот на "Гоблин".

Nightmares Never Sleep

Реклама со Вејд за новите "џорданки", пред малку се појави ЈуТјуб линк на неговиот Твитер. Многу шизичка реклама, одлично изрежирана, а се појавува и Џордан на многу кратко, во делот кога Вејд тргнува према кошот, преку одбраната. Двајцата мои омилени кошаркари во иста реклама. :)

Е, сега, Вејд е добар, фали уште Мајами да почнат вака да кршат паркети и надвор од реклами. Катастрофа се сезонава, не верувам дека ќе видат плејоф ако продолжат вака. Ќе пишам нешто повеќе деновиве, наскоро е ол-стар викендот. Кога сум веќе кај НБА, пак има албум со сликички, последниот беше пред повеќе од 10 години, па купив онака, колку да ги соберам Мајами и да си истерам ќеиф. Вејд го имам и дупликат.

Lost: Почна крајот

Не ми се верува дека го дочекавме почетокот на последната сезона. Последниве месеци го тргнав вниманието од Lost и можеби затоа ми изгледа дека сезонава брзо дојде. Само што ја изгледав првата епизода и не знам од каде да почнам да ја анализирам. Има спојлери подоле.

Почна со крајот на петтата сезона, бомбата пукна, но некои работи останаа непроменети, додека од друга страна се створи некаква алтернативна реалност... или што и да е ова што моментално се случува. Во секој случај, интересно е да се види што би се случило доколку Oceanic 815 го заврши летот и слета во Лос Анџелес. Островот беше потонат.

Дел од преживеаните кои се (сè уште) на Островот, се соочи со нова група на сомнителни ликови кои ја отсликуваат "митската" страна на серијата. Дознавме кој ја завземал формата на Џон Лок, но сеуште не се јасни неговите намери, и мислам дека така ќе остане уште неколку епизоди. Нормално, очекував нови прашања и мистерии и токму тоа го има. Сепак, колку и да се заплеткани работите, наскоро ќе почнат да се разјаснуваат. Сега за сега, сум збунет како и претходно.

Читав некои теории, од кои една вика дека Џон Лок е типот што седи на плажата со Џејкоб додека поминуваат бродови (од минатата сезона), а Џејкоб е повторно роден во телото на Саид. А, кинезот со долгата коса дека е Магнус Ханзо, капетан на Black Rock. Знам дека се интересни теории, но голем дел од нив најчесто паѓаат во вода по следната епизода. Ќе видиме следната среда. Интересен почеток, во секој случај.

Нов OGame универзум - Fornax

Денес е отворен новиот OGame универзум Fornax. Немам одамна играно, се ставив сега пак, се собра дел од старата екипа со која стално играм и се отвори и тука Twilight Armada алијансата. Името во играта ми е Locutus.

Нека почне кршењето на флоти. :)